Page Text
________________
पण्णवणासुत्तं
जे संठाणतो आयतसंठाणपरिणता ते वण्णतो कालवण्णपरिणता वि नीलवण्णपरिणता वि लोहियवण्णपरिणता वि हालिद्दवण्णपरिणता वि सुक्किलवण्णपरिणता वि, गंधतो सुब्भिगंधपरिणता वि दुन्भिगंधपरिणता वि, रसतो तित्तरसपरिणता वि कडुयरसपरिणता वि कसायरसपरिणता वि अंबिल रसपरिणता वि महुररसपरिणता वि, फासतो कक्खडफासपरिणता वि मउयफासपरिणता वि गरुयफासपरिणता वि लहुयफासपरिणता वि सीतफासपरिणता वि उसिणफासपरिणता वि निद्धफासपरिणता वि लक्खफासपरिणता वि २०११०० । से तं रूविअजीवपण्णवणा । से तं अजीवपण्णवण्णा ।। जीवपण्णवणा-पदं
१०. से किं तं जीवपण्णवणा ? जीवपण्णवणा दुविहा पण्णत्ता, तं जहा-संसारसमावण्णजीवपण्णवणा य असंसारसमावण्णजीवपण्णवणा य॥
११. से किं तं असंसारसमावण्णजीवपण्णवणा? असंसारसमावण्णजीवपण्णवणा विहा पण्णत्ता. तं जहा-अणंतरसिद्ध-असंसारसमावण्णजीवपण्णवणा य परंपरसिद्धअसंसारसमावण्णजीवपण्णवणा य॥
१२. से किं तं अणंतरसिद्ध-असंसारसमावण्णजीवपण्णवणा ? अणंतरसिद्ध-असंसारसमावण्णजीवपण्णवणा पन्नरसविहा पण्णत्ता, तं जहा--तित्थसिद्धा अतित्थसिद्धा तित्थगरसिद्धा अतित्थगरसिद्धा सयंबुद्धसिद्धा पत्तेयबुद्धसिद्धा बुद्धबोहियसिद्धा इत्थीलिंगसिद्धा पुरिसलिंगसिद्धा नपुंसकलिंगसिद्धा सलिंगसिद्धा अण्णलिंगसिद्धा गिहिलिंगसिद्धा एगसिद्धा अणेगसिद्धा। से तं अणंतरसिद्ध-असंसारसमावण्णजीवपण्णवणा ॥
१३. से कि तं परंपरसिद्ध-असंसारसमावण्णजीवपण्णवणा ? परंपरसिद्ध-असंसारसमा. वण्णजीवपण्णवणा अणेगविहा पण्णत्ता, तं जहा-अपढमसमयसिद्धा दुसमयसिद्धा तिसमयसिद्धा चउसमयसिद्धा जाव संखेज्जसमयसिद्धा असंखेज्जसमयसिद्धा अणंतसमयसिद्धा। से तं परंपरसिद्ध-असंसारसमावण्णजीवपण्णवणा। से तं असंसारसमावण्णजीवपण्णवणा ।।
१४. से किं तं संसारसमावण्णजीवपण्णवणा ? संसारसमावण्णजीवपण्णवणा पंचविहा पण्णत्ता, तं जहा-एगिदियसंसारसमावण्णजीवपण्णवणा बंदियसंसारसमावण्णजीवपण्णवणा' तेंदियसंसारसमावण्णजीवपण्णवणा' चरिंदियसंसारसमावण्णजीवपण्णवणा पंचेंदियसंसारसमावण्णजीवपण्णवणा ॥
१५. से किं तं एगेंदियसंसारसमावण्णजीवपण्णवणा? एगेंदियसंसारसमावण्णजीवपण्णवणा पंचविहा पण्णत्ता, तं जहा-पुढविकाइया आउकाइया तेउकाइया वाउकाइया वणस्सइकाइया ॥ पुढवीकाय-पदं
१६. से किं तं पुढविकाइया ? पुढविकाइया दुविहा पण्णता, तं जहा --सुहुमपुढविकाइया य बादरपुढविकाइया य ।।
१७. से किं तं सुहुमपुढविकाइया ? सुहुमपुढविकाइया दुविहा पण्णत्ता, तं जहा१. बेइन्दिय° (क,ख)।
२. तेइन्दिय' (ख)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |