Page Text
________________
पढमं अज्झयणं
७८३
३४. तए णं से निसढे कुमारे समणोवासए जाए-अभिगयजीवाजीवे जाव' विहरइ॥
३५. तए णं से निसढे कुमारे अण्णया कयाइ जेणेव पोसहसाला तेणेव उवागच्छइ, उवागच्छित्ता जाव' दब्भसंथारोवगए विहरइ॥
३६. तए णं तस्स निसढस्स कुमारस्स पुव्वरत्तावरत्तकालसमयंसि धम्मजागरियं जागरमाणस्स इमेयारूवे अज्झथिए चितिए पत्थिए मणोगए संकप्पे° समुप्पज्जित्था --तं धण्णा णं ते गामागर जाव' सण्णि वेसा, जत्थ णं अरहा अरिट्ठनेमी विहरइ । धण्णा णं ते राईसर जाव' सत्थवाहप्पभिइओ, जे णं अरहं अरिट्टनेमि वंदंति नमसंति सक्कारेंति सम्माणति कल्लाणं मंगलं देवयं चेइयं पज्जुवासंति, तं जइ णं अरहा अरिट्ठनेमी पुव्वाणुपुवि चरमाणे गामाणुगामं दूइज्जमाणे नंदणवणे विहरेज्जा तो णं अहं अरहं अरिट्ठनेमि वंदिज्जा जाव पज्जुवासिज्जा ॥
३७. तए णं अरहा अरिट्ठनेमी निसढस्स कुमारस्स अयमेयारूवं अज्झत्थियं चितियं पत्थियं मणोगयं संकप्पं° वियाणित्ता अट्ठारसहि समणसहस्सेहिं जाव नंदणवणे उज्जाणे समोसढे। परिसा निग्गया।
३८. तए णं निसढे कुमारे इमीसे कहाए लद्धठे समाणे हद्वतुढे चाउग्घंटेणं आसरहेणं निग्गए जहा जमाली जाव' अम्मापियरो आपुच्छित्ता पव्वइए अणगारे जाएइरियासमिए जाव गुत्तबंभयारी॥
३६. तए णं से निसढे अणगारे अरहओ अरिट्ठनेमिस्स तहारूवाणं थेराणं अंतिए सामाइयमाइयाई एक्कारस अंगाई अहिज्जइ, अहिज्जित्ता बहूहिं चउत्थ-छट्टम - दसमदवालसेहिं मासद्धमासक्खमणेहिं विचित्तेहिं तवोकम्मेहि अप्पाणं भावेमाणे बहुपडिपुण्णाई नव वासाइं सामण्णपरियागं पाउणइ, पाउणित्ता बायालीसं भत्ताई अणसणाए छेएइ, आलोइय-पडिक्कंते समाहिपत्ते आणुपुड्कीए कालगए"।
४०. तए णं से वरदत्ते अणगारे निसढं अणगारं कालगयं जाणित्ता जेणेव अरहा अरिटुनेमी तेणेव उवागच्छइ, उवागच्छित्ता जाव" एवं वयासी-एवं खलु देवाणुप्पियाणं अंतेवासी निसढे नामं अणगारे पगइभद्दए जाव" विणीए, से णं भंते ! निसढे अणगारे कालमासे कालं किच्चा कहिं गए? कहिं उववण्णे ?
१. ओ० सू० १६२ । २. भग० १२।६। ३. सं० पा० . अज्झथिए जाव समुप्पज्जित्था। ४. उ० ३३१०१। ५. उ० ३।१०१। ६. सं० पा०-नमसंति जाव पज्जुवासंति । ७. सं० पा०.---अज्झत्थियं जाब वियाणित्ता। ८. ना० ११५।१०।
६. भग० ६।१६०-२१५ । १०. २०३।१६। ११. सं० पा०-. छट्ठट्ठम जाव विचित्तेहिं । १२. अणुपुव्वीए (ख) । १३. कालगए सव्वदसिद्ध महाविमाणे देवत्ताए
उववण्णे (ग)। १४. ओ० स० ८३ । १५. ना० ११११२०६ ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |