Page Text
________________
पंचमं अज्झयणं
७७१ साला' । पुव्वभवपुच्छा ॥
१५७. एवं खलु गोयमा ! तेणं कालेणं तेणं समएणं इहेव जंबुद्दीवे दीवे भारहे वासे मणिवइया नाम नयरी होत्था-रिद्ध-स्थिमिय-समिद्धा । चंदोतारायणे' चेइए॥ ___ १५८. तत्थ णं मणिवइयाए' नयरीए पुण्णभद्दे नाम गाहावई परिवसईअड्ढे ॥
१५६. तेणं कालेणं तेणं समएणं थेरा भगवंतो जाइसंपण्णा जाव' जीवियासमरणभय-विप्पमुक्का बहुस्सुया बहुपरियारा पुव्वाणुपुद्वि चरमाणा जाव' समोसढा । परिसा निग्गया ॥
१६०. तए णं से पुण्णभद्दे गाहावई इमीसे कहाए लद्धठे समाणे हट्टतुठे जाव जहा पण्णत्तीए गंगदत्ते तहेव निग्गच्छइ जाव निक्खंतो जाव' गुत्तबंभयारी॥
१६१. तए णं से पुण्णभद्दे अणगारे 'तहारूवाणं थेराणं" भगवंताणं अंतिए सामाइयमाइयाइं एक्कारस अंगाई अहिज्जइ, अहिज्जित्ता बहूहिं चउत्थ-छट्ठट्ठम-दसम-दुवालसेहिं जाव भावित्ता बहूई वासाइं सामण्णपरियागं पाउणइ, पाउणित्ता मासियाए संलेहणाए अप्पाणं झोसेत्ता, सर्द्धि भत्ताइं अणसणाए छेदित्ता, आलोइय-पडिक्कते समाहिपत्ते कालमासे कालं किच्चा सोहम्मे कप्पे पुण्णभद्दे विमाणे उववायसभाए देवसयणिज्जंसि •देवदूसंतरिए अंगूलस्स असंखेज्जइभागमेत्ताए ओगाहणाए पुण्णभद्ददेवत्ताए उववण्णे ॥
१६२. तए णं से पुण्णभद्दे देवे अहुणोववण्णे समाणे पंचविहाए पज्जत्तीए जाव० ० भासमणपज्जत्तीए पज्जत्तभावं गए।
१६३. एवं खलु गोयमा ! पुण्णभद्देणं देवेणं सा दिव्वा देविड्डी जाव" अभिसमण्णागया।
१६४. पुण्णभद्दस्स णं भंते ! देवस्स केवइयं कालं ठिई पण्णत्ता ? गोयमा ! दो सागरोवमाइं ठिई पण्णत्ता ॥
१६५. पुण्णभद्दे णं भंते ! देवे ताओ देवलोगाओ जाव कहिं गच्छिहिइ ? कहिं उववज्जिहिइ ? गोयमा ! महाविदेहे वासे सिज्झिहिइ जाव" अंतं काहिइ॥
१६६. एवं खलु जंबू ! समणेणं भगवया महावीरेणं जाव" संपत्तेणं पूप्फियाणं पंचमस्स अज्झयणस्स अयमठे पण्णत्ते
-त्ति बेमि॥
१. पू०-राय० सू० १२१-१२३ । २. तारायण (ख); 'ताराइण (ग)। ३. मणिवयाए (क)। ४. राय० सू० ६८६ । ५. उ० ११२। ६. भग० १६१६८-७१। ७. ४ (क,ख)। ८, उ० २।१०।
है. सं० पा० - देवसयणिज्जंसि जाव भासमण
पज्जत्तीए। १०. उ० ३.८४ । ११. उ० ३१८५। १२. उ० ३८६ । १३. उ० ३८६ । १४. ना० १।१७। १५. सं० पा०-निक्खेवओ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |