Page Text
________________
चउत्थं अज्झयणं
भवित्ता अगाराओ अणगारियं पव्वइत्तए ।
१३६. तए णं से रट्टकडे सोमं माहणि एवं वयासी—मा णं तुमं देवाणुप्पिए ! इयाणि मुंडा भवित्ता' अगाराओ अणगारियं° पव्वयाहि, भुंजाहि ताव देवाणुप्पिए ! मए सद्धि विउलाई भोगभोगाई। तओ पच्छा भुत्तभोई सुव्वयाणं अज्जाणं अंतिए मुंडा' भवित्ता अगाराओ अणगारियं° पव्वयाहि ।।
१४०. तए णं सा सोमा माहणी रटकूडस्स एयमट्ठ पडिसुणेइ ।
१४१. तए णं सा सोमा माहणी हाया जाव' अप्पमहग्घाभरणालंकियसरीरा चेडियाचक्कवालपरिकिण्णा साओ गिहाओ पडिनिक्खमइ, पडिनिक्खमित्ता विभेलं सण्णिवेसं मज्झमज्झेणं जेणेव सुव्वयाणं अज्जाणं उवस्सए तेणेव उवागच्छइ, उवागच्छित्ता सुव्वयाओ अज्जाओ वंदइ नमसइ पज्जुवास इ॥
१४२. तए णं ताओ सुव्वयाओ अज्जाओ सोमाए माहणीए विचित्तं केवलिपण्णत्तं धम्म परिकहेंति-जहा' जीवा बज्झंति, 'जहा जीवा मुच्चंति ॥
१४३. तए णं सा सोमा माहणी सुव्वयाणं अज्जाणं अंतिए दुवालसविहं सावगधम्म पडिवज्जइ, पडिवज्जित्ता सुव्वायाओ अज्जाओ वंदइ नमसइ, वंदित्ता नमंसित्ता जामेव दिसि पाउब्भूया तामेव दिसिं पडिगया ।।
१४४. तए णं सा सोमा माहणी समणोवासिया जाया---अभिगयजीवाजीवा जाव' अप्पाणं भावेमाणी विहरइ ॥ सोमाए पव्वज्जा-पदं
१४५. तए णं ताओ सुव्वयाओ अज्जाओ अण्णया कयाइ विभेलाओ सण्णिवेसाओ पडिनिक्खमंति, पडिनिक्खमित्ता बहिया जणवयविहारं विहरंति ॥
१४६. तए णं ताओ सुव्वयाओ अज्जाओ अण्णया कयाइ पुवाणुपुब्वि चरमाणीओ जाव' विहरंति ॥
१४७. तए णं सा सोमा माहणी इमीसे कहाए लट्ठा समाणी हट्ठा हाया तहेव निग्गया जाव" वंदइ नमसइ, वंदित्ता नमंसित्ता धम्म सोच्चा जाव' जं, नवरं-रटुकडं आपुच्छामि, तए णं पव्वयामि । अहासहं ॥
१४८. तए णं सा सोमा माहणी 'सुव्वयाओ अज्जाओ वंदइ नमसंइ, वंदित्ता नमसित्ता सुव्वयाणं अंतियाओ पडिनिक्खमइ, पडिनिक्खमित्ता जेणेव सए गिहे जेणेव रटुकडे तेणेव उवागच्छइ, उवागच्छित्ता करयलपरिग्गहिया तहेव आपुच्छइ जाव" पव्वइत्तए ।
१. सं० पा०-भवित्ता जाव पव्वयाहि । २. सं० पा०-मुंडा जाव पव्वयाहि । ३. उ० १११६ । ४. ४ (ख,ग)। ५. जाव जहा (ख)। ६. x (क)। ७. अंतिए जाव (ख)।
८. ओ० सू० १२० ।
६. उ० ३।१३२ । १०. उ० ३३१४१ । ११. ना० १।१।१०१। १२. सुव्वयं अज्ज (क,ख,ग)। १३. उ० ३।१३८ ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |