Page Text
________________
७६४
पुफियाओ समणीओ निग्गंथीओ आति' परिजाणेति, इयाणि नो आति नो परिजाणंति, तं सेयं खलु मे कल्लं पाउप्पभायाए रयणीए जाव' उद्वियम्मि सूरे सहस्सरस्सिम्मि दिणयरे तेयसा जलंते सव्वयाणं अज्जाणं अंतियाओ पडिनिक्खमित्ता पाडिएक्कं उवस्सयं उवसंपज्जित्ता गं विहरित्तए- एवं संपेहेइ, संपेहेत्ता कल्लं पाउप्पभायाए रयणीए जाव उट्टियम्मि सूरे सहस्सरस्सिम्मि दिणयरे तेयसा जलंते सुव्वयाणं अज्जाणं अंतियाओ पडिनिक्खमइ, पडिनिक्खमित्ता पाडिएक्कं उवस्सयं उवसंपज्जित्ता' णं विहरइ ।।
११६.तए णं सा सुभद्दा अज्जा अज्जाहिं अणोहट्टिया अणिवारिया सच्छंदमई बहुजणस्स चेडरूवेसु मुच्छिया 'गिद्धा गढिया अज्झोववण्णा' अब्भंगणं च जाव' नत्तिपिवासं च पच्चणुभवमाणी विहरइ ।। सुभद्दाए बहुपुत्तियदे वित्ताए उववत्ति-पदं
१२०. तए णं सा सुभद्दा अज्जा पासत्था पासत्थविहारी' 'ओसण्णा ओसण्णविहारी कुसीला कुसीलविहारी संसत्ता संसत्तविहारी अहाछंदा अहाछंदविहारी बहूई वासाई सामण्णपरियागं पाउणइ, पाउणित्ता अद्धमासियाए संलेहणाए अत्ताणं झोसेत्ता, तोसं भत्ताइं अणसाए छेदेत्ता, तस्स ठाणस्स अणालोइयपडिक्कंता कालमासे कालं किच्चा सोहम्मे कप्पे बहुपुत्तियाविमाणे उववायसभाए देवसयणिज्जसि देवदूसंतरिया अंगुलस्स असंखेज्जइभागमेत्ताए' ओगाहणाए बहुपुत्तियदेवित्ताए उववण्णा ॥
१२१ तए णं सा बहुपुत्तिया देवी अहुणोववण्णमेत्ता समाणी पंचविहाए पज्जत्तीए जाव भासमणपज्जत्तीए पज्जत्तभावं गया ।
१२२. एवं खलु गोयमा ! बहुपुत्तियाए देवीए सा दिव्वा देविड्डी' • दिव्वा देवजुती दिव्वे देवाणुभावे लद्धे पत्ते अभिसमण्णागए ।
१२३. से केणढेणं भंते ! एवं वुच्चइ-बहुपुत्तिया देवी बहुपुत्तिया देवी ? गोयमा ! बहुपुत्तिया णं देवी जाहे-जाहे सक्कस्स देविंदस्स देवरणो उवत्थाणियं करेइ ताहे-ताहे बहवे दारए य दारियाओ य डिभए य डिभियाओ य विउव्वइ, विउव्वित्ता जेणेव सक्के देविदे देवराया तेणेव उवागच्छ इ, उवागच्छित्ता सक्कस्स देविंदस्स देवरण्णो दिव्यं देविड्डि दिव्वं देवज्जुइं दिव्वं देवाणुभाव उवदंसेइ। से तेणठेणं गोयमा ! एवं वुच्चइ-बहुपुत्तिया देवी बहुपुत्तिया देवी ॥
१२४. बहुपुत्तियाए णं भंते ! देवीए केवइयं कालं ठिई पण्णत्ता? गोयमा ! चत्तारि पलिओवमाइं ठिई पण्णत्ता ॥
१. आढयंति (क); आढ़ति (ख,ग)। २. ओ० सू० २२ । ३. जाइत्ता (ग)। ४. सं पा० --मुच्छिया जाव अब्भंगणं । ५. उ० ३३११४। ६. विहारिणी (क्व)।
७. एवं ओसण्णा कुसीला (क,ख,ग)। ८. अपडिक्कंता (क,ख,ग)। ६. मित्ताए (क,ख)। १०. उ०३।८४। ११. सं० पा०-देविड्ढी जाव अभिसमण्णागया। १२. उवत्थाणियाणं (क,ख,ग)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |