Page Text
________________
पुफियाओ तेणेव उवागए, वडपायवस्स अहे किढिण-संकाइयं ठवेइ, ठवेत्ता वेदि वड्ढेइ, उवलेवणसंमज्जणं करेइ जाव' कट्ठमुद्दाए मुहं बंधइ, तुसिणीए संचिट्ठइ ॥
७२. तए णं तस्स सोमिलस्स पुव्वरत्तावरत्तकाले एगे देवे अंतियं पाउब्भूए', तं चेव भणइ जाव' पडिगए॥
७३. तए णं से सोमिले कल्लं पाउप्पभायाए रयणीए जाव उद्वियम्मि सूरे सहस्सरस्सिम्मि दिणयरे तेयसा जलते वागलवत्थनियत्थे किढिण-संकाइय'- 'गहियग्गिहोत्तभंडोवगरणे कट्ठमुद्दाए मुहं बंधइ, बंधित्ता उत्तराए दिसाए उत्तराभिमुहे संपत्थिए॥
४. ताण से सोमिले पंचमदिवसम्मि पच्चावरण्ढकालसमयंसि जेणेव उंबरपायवे तेणेव उवागच्छइ, उंबरपायवस्स अहे किढिण-संकाइयं ठवेइ, ठवेत्ता वेदि वड्ढेइ जाव' कट्ठमुद्दाए मुहं बंधइ, बंधित्ता तुसिणीए संचिट्ठइ ।।
७५. तए णं तस्स सोमिलमाहणस्स पुव्वरत्तावरत्तकाले एगे देवे अंतियं पाउब्भूए॥
७६. तए णं से देवे सोमिलं माहणं एवं वयासी-हंभो' सोमिला ! पव्वइया ! दुप्पव्वइयं ते ॥
७७. •तए णं से सोमिले तस्स देवस्स एयमढें नो आढाइ नो परिजाणइ, अणाढायमाणे अपरिजाणमाणे तुसिणीए संचिट्ठइ । देवो दोच्चंपि तच्चपि वदइ-सोमिला ! पव्वइया! दुप्पव्वइयं ते॥ सोमिलस्स देवेण पसिणोत्तर-पदं
७८. तए णं से सोमिले तेणं देवेणं दोच्चंपि तच्चंपि एवं वुत्ते समाणे तं देवं एवं वयासी कहं णं देवाणुप्पिया ! मम दुप्पव्वइयं ? ।
७६. तए णं से देवे सोमिलं माहणं एवं वयासी-एवं खलु देवाणुप्पिया! तुम पासस्स अरहओ पुरिसादाणीयस्स अंतियं पंचाणुब्बइए सत्तसिक्खावइए दुवालसविहे सावगधम्मे पडिवण्णे, तए णं तव अण्णया कयाइ असाहुदंसणेण पुव्वरत्तावरत्तकालसमयंसि कुडुबजागरियं जागरमाणस्स जाव पुचितियं देवो उच्चारेइ जाव जेणेव
१. उ० ३।५६ । २. ४ (क)। ३. उ० ३१५८-६२। ४. ओ० सू० २२ । ५. सं० पा०----संकाइय जाव कट्ठमुद्दाए । ६. उ० ३।५६ । ७. सं० पा०-देवे जाव एवं । ८. हंहो (क)। ६. सं० पा०--पढम भणइ तहेव । १०. अंतिए (ख)।
११. ४५ सूत्रे ‘सावगधम्म पडिवज्जित्ता' इति पाठो
स्ति, अत्र 'पंचाणुब्वइए सत्तसिक्खावइए दुवालसविहे सावगधम्मे पडिवणे' इति पाठोस्ति । ८१,८२ सूत्रयो : 'पुव्वपडिवण्णाई पंच अणुव्बयाई' इति पाठोस्ति । अनयो : सप्तशिक्षावतानां उल्लेखो नास्ति । एतत् परिवर्तन भगवतो महावीरय परम्परानुसारि कृतं स्थविरै : । द्रष्टव्यम्---ना० १।०४५ सूत्रस्य
पादटिप्पणम्। १२. पू०- उ० ३।४७;x (क,ख)।
For Private & Personal Use Only
Jain Education International
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |