________________
७४६
पुफियाओ १५. तए णं से चंदे जोइसिंदे जोइसराया अहुणोववण्णे समाणे पंचविहाए पज्जत्तीएआहारपज्जत्तीए' सरीरपज्जत्तीए इंदियपज्जत्तीए आण-पाणपज्जत्तीए भासमणपज्जत्तीए पज्जत्तभावं गए।
१६. चंदस्स णं भंते ! जोइसिंदस्स जोइसरण्णो केवइयं कालं ठिई पण्णत्ता ? गोयमा ! पलिओवमं वाससयसहस्समब्भहियं ।।।
१७. एवं खलु गोयमा ! चंदस्स जोइसिंदस्स जोइसरण्णो सा दिव्वा देविडी ।।
१८. चंदे णं भंते ! जोइसिंदे जोइसराया ताओ देवलोगाओ आउक्खएणं भवक्खएणं ठिइक्खएणं चयं चइत्ता कहिं गच्छिहिइ ? कहिं उववज्जिहिइ ? गोयमा ! महाविदेहे वासे सिज्झिहिइ ।।
१६. एवं खलु जंबू ! समणेणं भगवया महावीरेणं पुप्फियाणं पढमस्स अज्झयणस्स अयमठे पण्णत्ते
---त्ति बेमि ।।
बीअं अज्झयणं
२०. जइ णं भंते ! समणेणं भगवया महावीरेणं जाव' संपत्तेणं पुप्फियाणं पढमस्स अज्झयणस्स अयमठे पण्णत्ते, दोच्चस्स णं भंते ! अज्झयणस्स पुप्फियाणं समणेणं भगवया महावीरेणं जाव' संपत्तेणं के अट्ठे पण्णत्ते ?
२१. एवं खलु जंबू ! तेणं कालेणं तेणं समएणं रायगिहे नामं नयरे। गुणसिलए चेइए। सेणिए राया। समोसरणं। जहा चंदो तहा सूरोवि आगओ जाव नट्टविहिं उवदंसित्ता पडिगओ। पूव्वभवपूच्छा । सावत्थी नयरी। सुपइठे नाम गाहावई होत्थाअड्ढे जहेव अंगई जाव विहरइ। पासो समोसढो, जहा अंगई तहेव पव्वइए, तहेव विराहियसामण्णे जाव महाविदेहे वासे सिज्झिहिइ जाव' अंतं करेहिइ ।।
२२. एवं खलु जंबू ! समणेणं भगवया महावीरेणं पुप्फियाणं दोच्चस्स अज्झयणस्स अयमठे पण्णत्ते
-त्ति बेमि ॥
१. सं० पा०.-आहारपज्जत्तीए जाव भासमण
पज्जत्तीए। २,३. ना० १।१७।
४. उ० ३।६-८ । ५. उ० ३।६-१८ ।
Jain Education International
For Private & Personal Use Only
www.jainelibrary.org
