________________
७४२
कप्पडिसियाओ
कालस्स कुमारस्स पुत्ते पउमावईए देवीए अत्तए, तं होउ णं अम्हं इमस्स दारगस्स नामधेज्जं पउमे-पउमे । सेसं जहा महाबलस्स, अट्ठओ दाओ जाव उप्पिं पासायवरगए विहरइ। सामी समोसरिए । परिसा निग्गया। कूणिए निग्गए। पउमेवि जहा महाबले निग्गए तहेव । अम्मापिइआपुच्छणा जाव' पव्वइए, अणगारे जाए- इरियासमिए जाव' गुत्तबंभयारी॥
१०. तए णं से पउमे अणगारे समणस्स भगवओ महावीरस्स तहारूवाणं थेराणं अंतिए सामाइयमाइयाइं एक्कारस अंगाई अहिज्जइ, अहिज्जित्ता बहूहिं चउत्थछट्टम'- दसम-दुवालसेहिं मासद्धमासखमणेहिं विचित्तेहिं तवोकम्मेहिं अप्पाणं भावेमाणे विहरइ।।
११. तए णं से पउमे अणगारे तेणं ओरालेणं जहा मेहो तहेव धम्मजागरिया चिंता एवं जहेव मेहो तहेव समणं भगवं महावीरं आपुच्छित्ता विउले जाव' पाओवगए [कालं अणवकखमाणे विहरइ?]
१२. तए णं से पउमे अणगारे समणस्स भगवओ महावीरस्स तहारूवाणं थेराणं अंतिए सामाइयमाइयाई एक्कारस अंगाई अहिज्जित्ता, बहुपडिपुण्णाइं पंच वासाइं सामण्णपरियागं पाउणित्ता, मासियाए संलेहणाए अप्पाणं झोसेत्ता, सट्टि भत्ताइं अणसणाए छेदित्ता आणपुव्वीए कालगए। थेरा ओइण्णा। भगवं गोयमे पुच्छइ, सामी कहेइ जाव' सर्ट्सि भत्ताइं अणसणाए छेदित्ता आलोइय-पडिक्कते उड्ढं चंदिम-सूर-गहगण-नक्खत्त-तारारूवाणं सोहम्मे कप्पे देवत्ताए उववण्णे । दो सागराइं ठिई ॥
१३ से णं भंते ! पउमे देवे ताओ देवलोगाओ आउक्खएणं पुच्छा ? गोयमा ! महाविदेहे वासे जहा दढपइण्णा जाव' अंतं काहिइ ।।
१४. तं एवं खलु जंबू ! समणेणं भगवया महावोरेणं जाव' संपत्तेणं कप्पडिसियाणं पढमस्स अज्झयणस्स अयमठे पण्णत्ते
त्ति बेमि॥
१. भग० ११११५४-१६८ । २. ओ० सू० २७ । ३. सं० पा०-छट्ठट्ठम जाव विहरइ । ४. ना० १११।२०२-२०६ ।
५. ना० १११।२११ । ६. ओ० सू० १४१-१५४ । ७. ना० १।१७।
Jain Education International
For Private & Personal Use Only
www.jainelibrary.org
