Uvangsuttani Part 05

SR No.: 003555
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 1178
Language: Prakrit
Classification: Book_Devnagari, Agam, & Canon
File Size: 22 MB

Page 816

पढमं अज्झयणं
७३६
पायत्तिएहि" अण्णमण्णेहि सद्धि संपलग्गा यावि होत्था ।
१३६. तए णं ते दोण्हवि राईणं' अणीया नियगसामीसासणाणुरत्ता महया जणक्खयं जणवहं जणप्पमई जणसंवट्टकप्पं नच्चंतकबंधकरभीम" रुहिरकद्दमं करेमाणा अण्णमण्णेणं सद्धि जुझंति ॥ कालकुमारस्स मरण-पदं
१४०. तए णं से काले कुमारे तिहिं दंतिसहस्सेहिं जाव तिहिं मणुस्सकोडीहिं गरुलव्हेणं एक्कारसमेणं खंधेणं कणिएणं रण्णा सद्धि रहमुसलं संगामं संगामेमाणे हयमहियपवरवीरघाइय-निवडियचिधज्झयपडागे "निरालोयाओ दिसाओ करेमाणे चेडगस्स रण्णो सपक्खं सपडिदिसि रहेणं पडिरहं हव्वमागए । तए णं से चेडए राया कालं कुमारं एज्जमाणं पासइ, पासित्ता आसुरुत्ते रुठे कुविए चंडिक्किए मिसिमिसेमाणे तिवलियं भिउडि निलाडे साहट्ट धणु परामुसइ, परामुसित्ता उसु परामुसइ, परामुसित्ता वइसाहं ठाणं ठाइ, ठिच्चा आययकण्णाययं उसु करेइ, करेत्ता कालं कुमारं एगाहच्चं कूडाहच्चं जीवियाओ ववरोवेइ । तं एयं खल गोयमा ! काले कमारे एरिसएहिं आरंभेहि •एरिसएहिं आरंभसमारंभेहिं एरिसएहिं भोगेहिं एरिसएहिं भोग-संभोगेहिं॰ एरिसएणं असुभकडकम्मपन्भारेणं कालमासे कालं किच्चा चउत्थीए पंकप्पभाए पुढवीए हेमाभे नरए दससागरोवमट्टिइएसु नेरइएसु नेरइयत्ताए उववण्णे ॥
१४१. काले णं भंते ! कुमारे चउत्थीओ पुढवीओ अणंतरं उव्व ट्टित्ता कहिं गच्छिहिइ ? कहिं उववज्जिहिइ ? गोयमा ! महाविदेहे वासे जाइं कुलाइं भवंति अड्डाइं जहा दढपइण्णो जाव' सिज्झिहिइ बुज्झिहिइ 'मुच्चिहिइ परिणिव्वाहिइ सव्वदुक्खाण मंतं काहिइ॥ निक्खेव-पदं
१४२. तं एवं खलु जंबू ! समणेणं भगवया महावीरेणं जाव संपत्तेणं निरयावलियाणं पढमस्स अज्झयणस्स अयमठे पण्णत्ते
-त्ति बेमि ॥
१. पयाइय पयाइहिएहिं (क)। २. रायीणं (क)। ३. अणिया (क,ख)। ४. संघट्टकप्पं (क)। ५. कारभीभं (क,ग)। ६. उ० १११४ । ७. सं० पा०-जहा भगवया कालीए देवीए
परिकहियं जाव जीवियाओ ववरोविए। ८. सं० पा० -- आरंभेहिं जाव एरिसएणं । ६. सं० पा०--नरए जाव नेरइयत्ताए। १०. ओ० सू० १४१-१५४ । ११. सं० पा०-बुज्झिहिइ जाव अंतं । १२. ना० ११११७ ।