Page Text
________________
निरयावलियाओ
गहाय चंपाओ निक्खमइ, निक्खमित्ता वेसालि अज्जगं' •चेडयं रायं° उवसंपज्जित्ता णं विहरइ । तए णं मए सेयणगस्स गंधहत्थिस्स अट्ठारसवंकस्स हारस्स अट्ठाए दूया पेसिया । ते य चेडएण रण्णा इमेणं कारणेणं पडिसेहित्ता अदुत्तरं च णं ममं तच्चे दूए असक्कारिए असम्माणिए अवदारेणं निच्छु हाविए', तं सेयं खलु देवाणुप्पिया ! अम्हं चेडगस्स रण्णो जुत्तं गिण्हित्तए ।
१२०. तए णं ते कालादीया दस कुमारा कूणियस्स रण्णो एयमठें विणएणं पडिसुणेति ॥
१२१. तए णं से कूणिए राया ते कालादीए दस कुमारे एवं वयासी-गच्छह णं तुभे देवाणुप्पिया ! सएसु-सएसु रज्जेसु, पत्तेयं-पत्तेयं ण्हाया •कयबलिकम्मा कयकोउयमंगल-पायच्छित्ता हत्थिखंधवरगया पत्तेयं-पत्तेयं तिहिं दंतिसहस्सेहिं 'तिहिं आससहस्सेहि तिहिं रहसहस्सेहि तिहिं मणुस्सकोडीहिं सद्धि संपरिवुडा सव्विड्ढीए जाव' दुंदुहि-णिग्घोसणाइयरवेणं सएहितो-सएहितो नयरेहितो पडिनिक्खमह, पडिनिक्खमित्ता ममं अंतियं पाउब्भवह ॥
१२२. तए णं ते कालादीया दस कुमारा कूणियस्स रण्णो एयमठे सोच्चा सएसुसएसु रज्जेसु पत्तेयं-पत्तेयं ण्हाया जाव तिहिं मणुस्सकोडीहिं सद्धि संपरिवुडा सव्विड्डीए जाव दुंदुहि-णिग्घोसणाइयरवेणं सएहितो-सएहितो नयरेहितो पडिनिक्खमंति, पडिनिक्खमित्ता जेणेव अंगा-जणवए जेणेव चंपा नयरी जेणेव कूणिए राया तेणेव उवागया करयल*परिग्गहियं सिरसावत्तं मत्थए अंजलि कटु जएणं विजएणं वद्धावेंति ॥
१२३. तए णं से कूणिए राया कोडुंबियपुरिसे सद्दावेइ, सद्दावेत्ता एवं वयासीखिप्पामेव भो देवाणु प्पिया ! अभिसेक्कं हत्थिरयणं पडिकप्पेह, हय-गय-रह-पवरजोहकलियं चाउरंगिणि सेणं सण्णाहेह, ममं एयमाणत्तियं पच्चप्पिणह जाव पच्चप्पिणंति ॥
१२४. तए णं से कुणिए राया जेणेव मज्जणघरे तेणेव उवागच्छइ जाव पडिनिग्गच्छित्ता जेणेव बाहिरिया उवट्ठाणसाला जाव" गयवई नरवई दुरूढे ॥
१२५. तए णं से कूणिए राया तिहिं दंतिसहस्सेहिं जाव दुंदुहि-णिग्घोसणाइयरवेणं चंपं नयरिं मझमज्झेणं निग्गच्छइ, निग्गच्छित्ता जेणेव कालादीया दस कुमारा तेणेव उवागच्छ इ, उवागच्छित्ता कालादीएहिं दसहिं कुमारेहिं सद्धि ‘एगतओ मिलायइ१५ ॥
१२६. तए णं से कूणिए राया तेत्तीसाए दंतिसहस्सेहिं तेत्तीसाए आससहस्सेहिं तेत्तीसाए
१. सं० पा० ----अज्जगं जाव उवसंपज्जित्ता। ८. ओ० सू० ६७ । २. निच्छुहावेइ (क,ग)।
. अंग (ग)। ३. सं० पा.---.हाया जाव पायच्छित्ता । १०. सं० पा० करयल जाव वद्धाति । ४. दंतिसहस्सेहिं एवं (क,ख,ग)।
११. उवट्ठवेह (व); पडिकप्पेह (वृपा)। ५. तिहिं हयसहस्सेहि (क); तिहिं रहसहस्सेहिं १२,१३. ओ० सू० ६३ । तिहिं आससहस्सेहिं (ग)।
१४. उ० १११२१ । ६. ओ० सू० ६७ ।
१५. एगओ मिलायंति (ग)। ७. उ० १११२१ ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |