Page Text
________________
पढमं अज्झयणं
७२६
हाणुरागरत्तं नियलबंधणं करतेणं, तं गच्छामि णं सेणियस्स रण्णो सयमेव नियलाणि छिदामित्तिकट्टु परसुहत्थगए 'जेणेव चारगसाला तेणेव पहारेत्थ गमणाए ॥
सेणियस्स अपघाय-पदं
८. तणं सेणिए राया कूणियं रायं परसुहत्थगयं एज्जमाणं पासइ, पासित्ता एवं वयासी एस णं कूणिए राया' अपत्थियपत्थए' दुरंत-पंत- लक्खणे हीणपुण्णचाउछ सिए सिरि-हिरि-धि- कित्ति - परिवज्जिए परसुहत्थगए इह' हव्वमागच्छइ, तं न नज्जइ णं ममं केणइ कु-मारेणं मारिस्सइत्तिकट्टु भीए' 'तत्थे तसिए उब्विग्गे संजाय भए तालपुडगं विसं आसगंसि पक्खिवइ ॥
६०. तएण से सेणिए राया ' तालपुडगविसंसि आसगंसि" पक्खित्ते समाणे मुहुत्तंतरेण परिणममाणंसि निप्पाणे निच्चिट्ठे जीवविप्पजढे ओइण्णे ||
६१. तए णं से कूणिए राया जेणेव चारगसाला तेणेव उवागच्छइ, उवागच्छित्ता सेणियं रायं निप्पाणं निच्चिट्ठ जीवविप्पजढं ओइण्णं पासइ, पासित्ता 'महया पिइसोए अप्फुण्णे समाणे परसुनियत्ते विव चंपगवरपायवे धसत्ति धरणीयलंसि सव्वगेहि संनिवड |
कूणियस्स विलावकरण-पदं
२. तणं से कूणि राया" मुहुत्तंतरेण आसत्थे समाणे रोयमाणे कंदमाणे सोय माणे विलवमाणे एवं वयासी -- अहो णं मए अधणेणं अपुण्णेणं अकयपुण्णेणं दुट्टु कयं सेणियं रायंपियं देवयं गुरुजणगं अच्चंतनेहाणुरागत्तं नियलबंधणं करतेणं, मम मूलागं चेव
सेणि राया कालगएत्तिकट्टु ईसर-तलवर" - माडंबिय कोडुंबिय इब्भ-सेट्ठि-सेणावइसत्थवाह-दूय'- संधिवालसद्धि संपरिवुडे रोयमाणे कंदमाणे सोयमाणे विलवमाणे महा इड्डीसक्कारसमुदएण सेणियस्स रण्णो नीहरणं करेइ, बहूई लोइयाई मयकिच्चाई करेइ ॥ कणिएण रायहाणीपरिवत्तण-पदं
३. तणं से कूणि राया एएणं महया मणोमाणसिएणं दुक्खेणं अभिभूए समाणे अण्णा कयाइ अंतेउरपरियाल संपरिवुडे सभंडमत्तोवगरणमायाए रायगिहाओ पडिनिक्खमइ, पडनिमित्ता जेणेव चंपा नयरी तेणेव उवागच्छइ, 'तत्थ वि य" णं विउलभोगसमिइस मण्णा गए कालेणं अप्पसोए जाए यावि होत्था ॥
१. कुमारं ( ख, ग ) ।
२. कुमारे ( ख, ग ) ।
३. सं० पा० - अपत्थियपत्थए जाव परिवज्जिए ;
थिए ( क ) ।
४. इहं ( ख ) ।
५. सं० पा० -भीए जाव संजायभए ।
६. विसं आसगं ( क ) 1
७. माणं ( क ) ।
Jain Education International
८. कुमारे ( ख, ग ) ।
६. महया - महया पितसोएणं ( ख ) । १०. कुमारे ( ख. ग ) ।
११. सं० पा० तलवर जाव संधिवाल ।
१२. तेणं (क) ।
१३. परिवुडे (क, ख, ग ) ।
१४. तत्थ विणं ( क ) ; तत्थ ( ग ) ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |