Page Text
________________
पढम अज्झयणं
णं तुमं कालं कुमारं जीवमाणं पासिहिसि ॥ कालीए मुच्छा-पदं
२३. तए णं सा काली देवी समणस्स भगवओ महावीरस्स अंतियं एयम8 सोच्चा निसम्म महया पुत्तसोएण' अप्फुण्णा समाणी परसुनियत्ता' विव चंपगलया धसत्ति धरणीयलंसि सव्वंगेहिं संनिवडिया ॥ कालीए पडिगमण-पदं
२४. तए णं सा काली देवी मुहुत्तंतरेणं आसत्था समाणी उट्टाए उठेइ, उठेत्ता समणं भगवं महावीरं वंदइ नमसइ, वंदित्ता नमंसित्ता एवं वयासी-एवमेयं भंते ! तहमेयं भंते ! अवितहमेयं भंते ! असंदिद्धमेयं भंते ! सच्चे णं! एसमठे से जहेयं तुब्भे वदहत्ति कटु समणं भगवं महावीरं वंदइ नमसइ, वंदित्ता नमंसित्ता तमेव धम्मियं जाणप्पवरं दुरुहइ, दुरुहित्ता जामेव दिसिं पाउब्भूया तामेव दिसि पडिगया । कालकुमारस्स निरय-उववत्ति-पदं
२५. भंते ! त्ति भगवं गोयमे समणं भगवं महावीरं वंदइ नमसइ, वंदिता नमंसित्ता एवं वयासी---काले णं भंते ! कुमारे तिहिं दंतिसहस्सेहिं जाव' रहमुसलं संगाम संगामेमाणे चेडएणं रण्णा एगाहच्चं कूडाहच्चं जीवियाओ ववरोविए समाणे कालमासे कालं किच्चा कहिं गए? कहिं उववण्णे ? ॥
२६. गोयमाइ ! समणे भगवं महावीरे भगवं गोयम एवं वयासी–एवं खलु गोयमा ! काले कुमारे तिहिं दंतिसहस्सेहिं जाव' रहमुसलं संगामं संगामेमाणे चेडएणं रण्णा एगाहच्चं कू डाहच्चं जीवियाओ ववरोविए समाणे कालमासे कालं किच्चा चउत्थीए पंकप्पभाए पुढवीए हेमाभे नरगे दससागरोवमट्टिइएसु नेरइएसु नेरइयत्ताए उववण्णे ॥
२७. काले णं भंते ! कुमारे केरिसएहिं आरंभेहि केरिसएहिं आरंभ-समारंभेहिं केरिसएहिं भोगेहि केरिसएहिं भोग-संभोगेहिं केरिसेण वा असुभकडकम्मपन्भारेणं कालमासे कालं किच्चा चउत्थीए पंकप्पभाए पुढवीए जाव' नेरइयत्ताए उववण्णे ? चेल्लणाए दोहद-पदं
२८. एवं खलु गोयमा ! तेणं कालेणं तेणं समएणं रायगिहे नामं नयरे होत्थारिद्ध-स्थिमिय-समिद्धे ॥
२६. तत्थ णं रायगिहे नयरे सेणिए नामं राया होत्था-महयाहिमवंत-महंत-मलयमंदर-महिंदसारे॥
___३०. तस्स णं सेणियस्स रणो नंदा नामं देवी होत्था-सूमालपाणिपाया जाव' विहरइ॥
३१. तस्स णं सेणियस्स रण्णो पुत्ते नंदाए देवीए अत्तए अभए नाम कुमारे होत्था१. पासिहसि (क)।
५. उ० १।१४ । २. सोएणं (ग)।
६. उ० १।२६ । ३. परिसु० (क)।
७. ओ० सू०१५। ४. उ० १।१४।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |