Page Text
________________
६९२
सूरपण्णत्ती 'समंता संपरिक्खित्ताणं चिति ॥
२६. ता पुक्खरोदे णं समुद्दे कि समचक्कवालसंठिते ? 'विसमचक्कवालसंठिते ? ता पुक्खरोदसमुद्दे समचक्कवालसंठिते, णो विसमचक्कवालसंठिते ।।
३०. ता पुक्खरोदे णं समुद्दे केवतियं चक्कवालविक्खंभेणं केवतियं परिक्खेवेणं आहितेति वदेज्जा ? ता संखेज्जाइं जोयणसहस्साई आयाम-विक्खंभेणं, संखेज्जाई जोयणसहस्साइं परिक्खेवेणं आहितेति वदेज्जा॥
३१. ता पुक्खरवरोदे णं समुद्दे केवतिया चंदा पभासेंसु वा पुच्छा तहेव । ता पुक्खरोदे णं समुद्दे संखेज्जा चंदा पभासेंसु वा जाव संखेज्जाओ तारागणकोडिकोडीओ सोभं सोभेसु वा सोभेति वा सोभिस्संति वा । एतेणं आभिलावेणं-वरुणवरे दीवे वरुणोदे समुद्दे । खीरवरे दीवे खीरवरे समुद्दे । घतवरे दीवे घतोदे समुद्दे । खोदवरे दीवे खोदोदे समुई। णंदिस्सरवरे दीवे णंदिस्सरवरे समझे । अरुणोदे दीवे अरुणोदे समझे । अरुणवरे दीवे अरुणवरे समुद्दे । अरुणवरोभासे दीवे अरुणवरोभासे समुद्दे । कुंडले दीवे कुंडलोदे समुद्दे । कुंडलवरे दीवे कुंडलवरोदे समुद्दे । कुंडलवरोभासे दीवे कुंडलवरोभासे समुद्दे । सव्वेसि विक्खंभपरिक्खेवो जोतिसाइं पुक्खरोदसागरसरिसाई॥
३२. ता कुंडलवरोभासण्णं समुदं रुयए दीवे व वलयागारसंठाणसंठिते सव्वतो 'समंता संपरिक्खित्ताणं चिट्ठति ॥
३३. ता रुयए णं दीवे किं समचक्कवाल संठिते ? विसमचक्कवालसंठिते ? ता रुयए दीवे समचक्कवालसंठिते, णो विसमचक्कवालसंठिते ॥
३४. ता रुयए णं दीवे केवतियं चक्कवालविक्खंभेणं केवतियं परिक्खेवेणं आहितेति वदेज्जा ? ता असंखेज्जाइं जोयणसहस्साइं चक्कवालविक्खंभेणं, असंखेज्जाइं जोयणसहस्साइं परिक्खेवेणं आहितेति वदेज्जा ।।
३५. ता रुयगे णं दीवे केवतिया चंदा पभासेंसु वा पुच्छा। ता रुयगे णं दीवे असंखेज्जा चंदा पभासेंसु वा जाव असंखेज्जाओ तारागणकोडिकोडीओ सोभं सोभेसु वा सोभेति वा सोभिस्संति वा। एवं रुयगे समुद्दे । रुयगवरे दीवे रुयगवरोदे समुद्दे । रुयगवरोभासे दीवे रुयगवरोभासे समुद्दे । एवं तिपडोयारा तव्वा जाव सूरे दीवे सूरोदे समुद्दे । सूरवरे दीवे सूरवरे समुद्दे । सूरवरोभासे दीवे सूरवरोभासे समुद्दे । सव्वेसि विक्खंभपरिक्खेवजोतिसाइं रुयगवरदीवसरिसाइं॥
३६. ता सूरवरोभासोदण्णं समुदं देवे णामं दीवे वट्टे वलयागारसंठाणसंठिते सव्वतो समंता संपरिक्खित्ताणं चिट्ठति जाव' णो विसमचक्कवालसंठिते ।।
३७. ता देवे णं दीवे केवतियं चक्कवालविक्खंभेणं केवतियं परिक्खेवेणं आहितेति वदेज्जा ? ता असंखेज्जाइं जोयणसहस्साई चक्कवालविक्खंभेणं, असंखेज्जाइं जोयणसहस्साइं परिक्खेवेणं आहितेति वदेज्जा ॥
१. सं० पा०-समचक्कवालसंठिते जाव णो। २. खोतवरे (क)। ३. खोतोदे (क,ग,घ)। . .
४. सं० पा०-सव्वतो जाव चिट्ठति । । ५. सं० पा०-समचक्कवाल जाव णो। .. ६. सू० १६।३।।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |