Page Text
________________
६८६
सूरपण्णत्ती जोइस्संति वा, तिण्णि सहस्सा छच्च छण्णउया महग्गहसया चारं चरिंसु वा चरेंति वा चरिस्संति वा, अट्ठावीसं सयसहस्साइं बारस य सहस्साइं णव य सताइं पण्णासा तारागणकोडिकोडीओ सोभं सोभेसु वा सोभंति वा सोभिस्संति वा । संगहणी गाहा-- एक्काणउति सतराइं, सहस्साई परिरओ' तस्स ।
अहियाइं छच्च पंचुत्तराई कालोदधिवरस्स ॥१॥ बातालीसं चंदा, बातालीसं च दिणकरा दित्ता। कालोदहिमि एते, चरंति संबद्धलेसागा ॥२॥ णवखत्तसहस्सं एगमेव छावत्तरं च सयमण्णं । छच्च सया छण्णउया, महग्गहा तिण्णि य सहस्सा ॥३॥ अट्ठावीसं कालोदहिमि बारस य सहस्साई।
णव य सता पण्णासा, तारागणकोडिकोडीणं ॥४॥ १२. ता' कालोयं णं ससुदं पुक्खरवरे णामं दीवे वट्टे वलयागारसंठाणसंठिते सव्वतो समंता संपरिक्खित्ताणं चिट्ठति ।।।
१३. पुक्खरवरे णं दीवे कि समचक्कवालसंठिते ? विसमचक्कवालसंठिते ? ता समचक्कवालसंठिते, णो विसमचक्कवालसंठिते ॥
१४. ता पुक्खरवरे णं दीवे केवतियं चक्कवालविक्खंभेणं केवतियं परिक्खेवेणं ? ता सोलस जोयणसयसहस्साइं चक्कवालविक्खंभेणं, एगा जोयणकोडी बाणउति च सतसहस्साइं अउणाणउति च सहस्साइं अट्ठचउणउते जोयणसते परिक्खेवेणं आहितेति वदेज्जा॥
१५. ता पुक्खरवरे णं दीवे केवतिया चंदा पभासेंसु वा पुच्छा तहेव । ता चोतालं चंदसतं पभासेंसु वा पभासेंति वा पभासिस्संति वा, चोतालं सूरियाणं सतं तवइंसु वा तवइंति वा तवइस्संति वा, चत्तारि सहस्साई बत्तीसं च णक्खत्ता जोयं जोएंसु वा जोएंति वा जोइस्संति वा, बारस सहस्साई छच्च बावत्तरा महग्गहसया चारं चरिंसू वा चरेंति वा चरिस्संति वा, छण्णउति सयसहस्साई चोयालीसं सहस्साइं चत्तारि य सयाइं तारागणकोडिकोडोणं सोभं सोभिंसु वा सोभेति वा सोभिस्संति वा ॥ संगहणी गाहा-कोडी बाणउती खलु, अउणाणउतिं भवे सहस्साइं।
अट्ठसता चउणउता, य परिरओ पोक्खरवरस्स ॥१॥
१. परिरतो (क,ग,घ)। २. सयसहस्साइ (क); मूलपाठे 'अट्ठावीसं
सयसहस्साइ बारस य सहस्साई इत्युपलभ्यते, किन्तु प्रस्तुतगाथायां 'बारस य सयसहस्साइ" मूलपाठपद्धत्या नास्ति समीचीनम् अथवा
छन्दोदृष्टया एवं संक्षेपीकरणं स्यात् । ३. अत: चन्द्रप्रज्ञप्ते: 'ट,व' संकेतितप्रत्योः भिन्ना वाचना विद्यते-ता कालोयं णं समुद्दे
पुक्खरवरे णं दीवे वट्टे वलया जाव चिट्ठति । ता पुक्खरवरे णं दीवे कि समचक्कवाल विक्ख भो परिक्खेवो जोतिसं जाव तारातो। चन्द्रप्रज्ञप्तिवृत्तावपि एष एव पाठो व्याख्यातोस्ति । ४. अउणावणं (ग,घ) । ५. तधेव (क) ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |