________________
सत्तरसमं पाहुडं
१. ता कहं ते चयणोववाता' आहिताति वदेज्जा ? तत्थ खलु इमाओ पणवीसं पडिवत्तीओ पण्णत्ताओ। तत्थ एगे एवमाहंसू-ता अणसमयमेव चंदिमसरिया अण्णे चयंति अण्णे उववज्जति'--एगे एवमाहंसु १ एगे पुण एवमाहंसु ता अणु मुहुत्तमेव चंदिमसूरिया अण्णे चयंति अण्णे उववज्जति २ एवं जहेव हेट्ठा तहेव जाव ता एगे पुण एवमाहंसुता अणुओसप्पिणिउस्सप्पिणिमेव चंदिमसूरिया अण्णे चयंति अण्णे उववज्जति–एगे एवमाहंसु २५ वयं पुण एवं वदामो -ता चंदिमसूरिया णं देवा महिड्डिया महाजुतीया महाबला महाजसा 'महाणुभावा महासोक्खा" वरवत्थधरा वरमल्लधरा वरगंधधरा वराभरणधरा अव्वोच्छित्तिणयट्ठयाए काले अण्णे चयंति अण्णे उववज्जति आहिताति वदेज्जा ॥
१. °वाते (क,ग,घ,ट,व); सूत्रे च द्वित्वेपि
बहुवचनं प्राकृतत्वात् (सूव)। २. उववज्जति आहिताति वदेज्जा (ट,ब,सू,
चंव) सर्वत्र । ३. सू० ६.१ । 'एगे पुण एवमाहंसु-ता अणुराईदियमेव चंदिमसूरिया अन्ने चयंति अन्ने उववज्जति आहिताति वएज्जा-एगे एवमाहंसु ३ एगे पुण एवमाहंसु--ता एव अणुपक्खमेव चंदिमसूरिया अन्ने चयंति अन्ने उववज्जति आहियत्ति वएज्जा-एगे एवमाहंसु ४ एगे पुण एवमाहंसु-ता अणुमासमेव चदिमसूरिया अन्ने चयंति अन्ने उववज्जति आहियत्ति वएज्जा....एगे एवमाहंसु ५ एगे पूण एवमाहंसु---ता अणुउउमेव चंदिमसूरिया अन्ने चयंति अन्ने उववज्जति आहियत्ति वएज्जा ...
एगे एवमासु ६ एवं ता अणुअयणमेव ७ ता अणुसंवच्छरमेव ८ ता अणुजुगमेव ६ ता अणुवाससयमेव १० ता अणुवाससहस्समेव ११ ता अणुवाससयसहस्समेव १२ ता अणुपुव्वमेव १३ ता अणुपुव्वस यमेव १४ ता अणुपुव्वसहस्समेव १५ ता अणुपुव्यसयसहस्समेव १६ ता अणुपलिओवममेव १७ ता अणुपलिओवमसयमेव १८ ता अणुपलिओवमसहस्समेव १६ ता अणुपलिओवमसयसहस्समेव २० ता अणुसागरोवममेव २१ ता अणुसागरोवमरायमेव २२ ता अणुसागरोवमसहस्तमेव २३ ता अणुसागरोवमसयसहस्समेव २४' (सूवृ) । ४. महासोक्खा महाणु भावा (ग,ध); महाणुभागा
महासक्खा (व)।
६७७
For Private & Personal Use Only
www.jainelibrary.org
Jain Education International
