Page Text
________________
तेरसमं पाहुडं
६६६
अट्ठावीसतिभागं वीसधा छेत्ता अट्टारसभागे उवाइणावेत्ता तिहिं भागेहिं दोहिं कलाहिं दाहिणपुरथिमिल्लं चउब्भागमंडलं असंपत्ते, एत्थ णं से चंदे छत्तातिच्छत्तं जोयं जोएति, तं जहा-उप्पि चंदे, मज्झे णक्खत्ते, हेट्ठा आदिच्चे । तं समयं च णं चंदे केणं णक्खत्तेणं जोएति ? ता चित्ताहि, चित्ताणं चरिमसमए ।
तेरसमं पाहुडं
A
१. ता कहं ते चंदमसो वड्डोबड्डी आहितेति वदेज्जा ? ता अट्ट पंचासीते मुहत्तसते तीसं च बावद्रिभागे महत्तस्स, ता दोसिणापक्खाओ अंधकारपक्खमयमाणे चंदे चत्तारि बातालसते छत्तालीसं च बावट्ठिभागे मुहुत्तस्स जाइं चंदे रज्जति, तं जहा– पढमाए पढमं भागं 'बितियाए बितियं भागं जाव पण्णरसीए पण्णरसमं भागं । चरिमसमए चंदे रत्ते भवति, अवसेसे समए चंदे रत्ते य विरत्ते य भवति, इयण्णं अमावासा", एत्थ णं पढमे पव्वे अमावासा, ता अंधकारपक्खो, तो णं दोसिणापक्खं अयमाणे चंदे चत्तारे बाता छतालीसं च बावट्ठिभागा मुहुत्तस्स जाइं चंदे विरज्जति, तं जहा–पढमाए पढमं भाग, बितियाए बितियं भागं जाव पण्णरसीए पण्णरसमं भागं । चरिमे समए चंदे विरत्ते भवति, अवसेसमए चंदे रत्ते य विरत्ते य भवति, इयण्णं पुण्णिमासिणी, एत्थ णं दोच्चे पव्वे पुण्णिमासिणी॥
२. तत्थ खलु इमाओ बावट्ठि पुण्णिमासिणीओ बावढेि अमावासाओ पण्णत्ताओ। बावर्द्वि एते कसिणा रागा, बावढेि एते कसिणा विरागा। एते चउव्वीसे पव्वसते एते चउव्वीसे कसिणरागविरागसते, जावतिया णं पंचण्हं संवच्छराणं समया एगेणं चउव्वीसेणं समयसतेणणका एवतिया परित्ता असंखेज्जा देसरागविरागसता भवंतीति मक्खाता॥
३. ता अमावासाओ णं पुण्णिमासिणी चत्तारि बाताले मुहत्तसते छत्तालीसं च बावट्ठिभागे मुहुत्तस्स आहितेति वदेज्जा। ता पुण्णिमासिणीओ णं अमावासा चत्तारि बाताले मुहुत्तसते छत्तालीसं च बावट्ठिभागे मुहुत्तस्स आहितेति वदेज्जा। ता अमावासाओ णं अमावासा अट्ठपंचासीते मुहुत्तसते तीसं च बावट्ठिभागे मुहुत्तस्स आहितेति वदेज्जा। ता पूणिमासिणीओ णं पुणिमासिणी अट्ठपंचासीते मुहत्तसते तीसं च बावद्विभागे मुहुत्तस्स आहितेति वदेज्जा । एस णं एवतिए चंदे मासे, एस णं एवतिए सगले जुगे ।
४. ता चंदेणं अद्धमासेणं चंदे कति मंडलाइं चरति ? ता चोद्दस चउब्भागमंडलाइं चरति, एगं च चउव्वीससयभागं मंडलस्स ।। १. चंदिमसो (क); चंदेमसो (ट,व) ।
४. अयण्णं (ग,घ,ट)। २. पक्खं अयमीणे (क,ग,घ,व) ।
५. अमावसा (क); अवामंसा (ग,घ); अवामंसं ३.बिदियाए बिदियं (क,ग,घ)।
(ट,व)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |