Uvangsuttani Part 05

SR No.: 003555
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 1178
Language: Prakrit
Classification: Book_Devnagari, Agam, & Canon
File Size: 22 MB

Page 731

६५४
सूरपण्णत्ती
जहा---विसाहा अणुराहा जेट्ठा मूलो पुव्वासाढा उत्तरासाढा अभिई। सवणादिया णं सत्त णक्खत्ता उत्तरदारिया पण्णत्ता, तं जहा-सवणो धणिट्ठा सतभिसया पुव्वापोट्टवया उत्तरापोट्ठवया रेवती अस्सिणी --एगे एवमाहंस । वयं पुण एवं वदामो-ता अभिईयादिया णं सत्त णक्खत्ता पुव्वदारिया पण्णत्ता, तं जहा-अभिई सवणो धणिट्ठा सतभिसया पुव्वापोटुवया उत्तरापोढवया रेवती। अस्सिणीयादिया णं सत्त णक्खत्ता दाहिणदारिया पण्णत्ता, तं जहा-अस्सिणी भरणी कत्तिया रोहिणी संठाणा अद्दा पुणव्वसू । पुस्सादिया णं सत्त णक्खत्ता पच्छिमदारिया पण्णत्ता, तं जहा—पुस्सो अस्सेसा महा पुवाफग्गुणी उत्तराफग्गुणी हत्थो चित्ता। सातियादिया णं सत्त णक्खत्ता उत्तरदारिया पण्णत्ता, तं जहा-साती विसाहा अणुराहा जेट्ठा मूले पूव्वासाढा उत्तरासाढा ।।
बावीसइमं पाहुडपाहुडं १३२. ता कहं ते णक्खत्तविजए आहितेति वदेज्जा ? ता अयण्णं जंबुद्दीवे दीवे सव्वदीवसमुद्दाणं सव्वभंतराए जाव' परिक्खेवेणं । ता जंबुद्दीवे णं दीवे दो चंदा पभासेंसु वा पभासेंति वा पभासिस्संति वा, दो सूरिया तविंसु वा तवेंति वा तविस्संति वा, छप्पण्णं णक्खत्ता जोयं जोएंसु वा जोएंति वा जोइस्संति वा, तं जहा-दो अभीई दो सवणा' दो धणिट्ठा दो सतभिसया दो पुव्वापोट्ठवया दो उत्तरापोट्ठवया दो रेवती दो अस्सिणी दो भरणी दो कत्तिया दो रोहिणी दो संठाणा दो अद्दा दो पुणव्वसू दो पुस्सा दो अस्सेसाओ दो महा दो पुव्वाफग्गुणी दो उत्तराफग्गुणी दो हत्था दो चित्ता दो साती दो विसाहा दो अणुराधा दो जेट्ठा दो मूला दो पुव्वासाढा दो उत्तरासाढा ।।।
१३३. ता एतेसि णं छप्पण्णाए णक्खत्ताणं-अत्थि णक्खत्ता जे णं णव मुहुत्ते सत्तावीसं च सत्तद्रिभागे मुहुत्तस्स चंदेण सद्धि जोयं जोएंति । अस्थि णक्खत्ता जे णं पण्णरस महत्ते चंदेण सद्धि जोयं जोएंति । अत्थि णक्खत्ता जे णं तीसं मुहत्ते चंदेण सद्धि जोयं जोएंति । अत्थि णक्खत्ता जे णं पणयालीसं मुहुत्ते चंदेण सद्धि जोयं जोएंति । ता एतेसि णं छप्पण्णाए णक्खत्ताणं कयरे णक्खत्ता जे णं णव मुहुत्ते सत्तावीसं च सत्तद्विभागे महत्तस्स चंदेण सद्धि जोयं जोएंति ? 'कयरे णक्खत्ता जे णं पण्णरस मुहुत्ते चंदेण सद्धि जोयं जोएंति ? कयरे णक्खत्ता जे णं तीसं मुहत्ते चंदेण सद्धि जोयं जोएंति ? कयरे णक्खत्ता जे णं पणयालीसं मुहुत्ते चंदेण सद्धि जोयं जोएंति ? ता एतेसि णं छप्पण्णाए णक्खत्ताणं तत्थ जेते णक्खत्ता जे णं णव मुहुत्ते सत्तावीसं च सत्तट्ठिभागे मुहुत्तस्स चंदेण सद्धि जोयं जोएंति ते णं दो अभीई। तत्थ जेते णक्खत्ता जे णं पण्णरस मुहुत्ते चंदेण सद्धि जोयं जोएंति ते णं बारस, तं जहा -दो सतभिसया दो भरणी दो अद्दा दो अस्सेसा दो साती दो जेट्टा । तत्थ जेते णक्खत्ता जे णं तीसं मुहुत्ते चंदेण सद्धि जोयं जोएंति ते णं तीसं, तं जहा-दो सवणा दो धणिट्ठा दो पुव्वाभद्दवया दो रेवती दो अस्सिणी दो कत्तिया दो संठाणा दो पुस्सा दो महा दो पुव्वाफग्गुणी दो हत्था दो चित्ता दो अणुराहा दो मूला दो
३. जाव (ट,व)।
१. सू० १११४ । २. दो समणा जाव दो उत्तरासाढा (व)।