Page Text
________________
६४४
सूरपण्णत्ती
णेति, सतभिसता सत्त अहोरत्ते णेति, पुश्वपोटदया अट्ट अहोरत्ते णेति, उत्तरपोट्टवया एग अहोरत्तं णेति। तंसि च णं मासंसि अटुंगुलपोरिसीए छायाए सूरिए अणपरियट्टति, तस्स णं मासस्स चरि मे दिवसे दो पदाइं अट्ट अंगुलाई पोरिसी भवति ।।
६५. ता वासाणं ततियं मासं कति णक्खत्ता ऐति, ता तिण्णि णवखत्ता णेति, तं जहा-उत्तरापोढवया रेवती अस्सिणी। उत्तरापोट्टवया चोइस अहोरत्ते णेति, रेवती पण्णरस अहोरत्ते णेति, अस्सिणी एग अहोरत्तं णेति । तंसि च णं मासंसि दुवालसंगुलपोरिसीए छायाए सूरिए अणपरियति, तस्स णं मासस्स चरिमे दिवसे लेहवाइं तिण्णि पदाइं पोरिसी भवति ॥
६६. ता वासाणं चउत्थं मासं कति णक्खत्ता णेति ? ता तिण्णि णवखत्ता णेंति, तं जहा अस्सिणी भरणी कत्तिया। अस्सिणी चउद्दस अहोरत्ते णेति, भरणी पण्णरस अहोरत्ते णेति, कत्तिया एगं अहोरत्तं णेति । तसि च णं मासंसि सोलसंगुलपोरिसीए छायाए सूरिए अणुपरियट्टति, तस्स णं मासस्स चरिमे दिवसे तिण्णि पदाइं चत्तारि अंगुलाई पोरिसी भवति ॥
६७. ता हेमंताणं पढमं मासं कति णक्खत्ता णेति ? ता तिण्णि णवखत्ता णेंति, तं जहा --कत्तिया रोहिणी संठाणा। कत्तिया चोद्दस अहोरत्ते णेति, रोहिणी पण्णरस अहोरत्ते णेति, संठाणा एग अहोरत्तं णेति । तसि च णं मासंसि वोसंगुलपोरिसीए छायाए सूरिए अणुपरियट्टइ, तस्स णं मासस्स चरिमे दिवसे तिण्णि पदाइं अट्ठ अंगुलाई पोरिसी भवइ॥
६८. ता हेमंताणं दोच्चं मासं कति णक्खत्ता णेति ? ता चत्तारि णक्खत्ता णेति, तं जहा-- संठाणा अद्दा पुणव्वसू पुस्सो। संठाणा चोद्दस अहोरत्ते णेति, अद्दा सत्त' अहोरत्ते णेति, पुणव्वसू अट्ठ' अहोरत्ते णेति, पुस्से एग अहोरत्तं णेति । तंसि च णं मासंसि चउवीसंगुलपोरिसीए छायाए सूरिए अणुपरियट्टति, तस्स णं मासस्स चरिमे दिवसे लेहट्राई' चत्तारि पदाई पोरिसी भवति ।
६६. ता हेमंताणं ततियं मासं कति णक्खत्ता णेंति ? ता ति णि णक्खत्ता णेति, तं जहा पुस्से अस्सेसा महा। पुस्से चोद्दस अहोरत्ते णेति, अस्सेसा पंचदस अहोरत्ते णेति, महा एगं अहोरत्तं णेति। तंसि च णं मासंसि वीसंगुलपोरिसीए छायाए सूरिए अणुपरियट्टति, तस्स णं मासस्स चरिमे दिवसे तिष्णि पदाइं अळंगुलाई पोरिसी भवति ।
७०. ता हेमंताणं चउत्थं मासं कति णक्खत्ता णेति ? ता तिण्णि णक्खत्ता णेति, तं जहा-महा पुव्वाफग्गुणी उत्तराफग्गुणी । महा चोद्दस अहोरत्ते णेति, पुव्वाफग्गुणी पण्णरस अहोरत्ते णेति, उत्तराफग्गुणी एग अहोरत्तं णेति । तंसि च णं मासंसि सोलसंगुलपोरिसीए छायाए सूरिए अणुपरियट्टति, तस्स णं मासस्स चरिमे दिवसे तिण्णि पदाइं चत्तारि अंगूलाई पोरिसी भवति ॥
१. पुव्वाभद्दवया (क,ग,घ)। २. अट्ठ (जं०७।१६१) ।
३. सत्त (जं० ७.१६१) ४. लेहटाणि (क,ग,ख) ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |