Page Text
________________
६३८
सूरपण्णती अस्सिणी कुलं कत्तिया कुलं संठाणा' कुलं पुस्सो कुलं महा कुलं उत्तराफग्गुणी कुलं चित्ता कुलं विसाहा कुलं मूलो कुलं उत्तरासाढा कुलं । बारस उवकुला, तं जहा-सवणो उवकुलं पुव्वभद्दवया उवकुलं रेवती उवकुलं भरणी उवकुलं रोहिणी उवकुलं पुण्णवसू उवकुलं अस्सेसा उवकुलं पुव्वाफग्गुणी उवकुलं हत्थो उवकुलं साती उवकुलं जेट्ठा उवकुलं पुव्वासाढा उवकुलं । चत्तारि कुलोवकुला, तं जहा-अभीई कुलोवकुलं सतभिसया कुलोवकुलं अद्दा कुलोवकुलं अणुराहा कुलोवकुलं ॥
छठं पाहडपाहडं ७. ता कहं ते पुण्णिमासिणी' आहितेति वदेज्जा ? तत्थ खलु इमाओ 'बारस पुण्णिमासिणीओ बारस अमावासाओ" पण्णत्ताओ, तं जहा-साविट्ठी पोटवली आसोई कत्तिया मग्गसिरी पोसी माही फग्गुणी चेत्ती वइसाही जेट्ठामूली आसाढी ॥
८. ता साविट्ठिणं पुण्णिमासि कति णक्खत्ता जोएंति ? ता तिण्णि णक्खत्ता जोएंति, तं जहा--अभिई सवणो धणिट्ठा ॥
६. ता पोट्ठवतिण्णं पुण्णिमं कति णक्खत्ता जोएंति ? ता तिण्णि णक्खत्ता जोएंति, तं जहा—सतभिसया पुव्वापोटुवया उत्तरापोट्ठवया ॥
१०. ता आसोइण्णं पुण्णिमं कति णक्खत्ता जोएंति ? ता दोण्णि णक्खत्ता जोएंति, तं जहा-रेवती अस्सिणी य॥
११. ता कत्तियण्णं पुण्णिमं कति णक्खत्ता जोएंति ? ता दोण्णि णक्खत्ता जोएंति, तं जहा–भरणी कत्तिया य॥
१२. ता 'मग्गसिरणं पुण्णिमं" कति णक्खत्ता जोएंति ? ता दोण्णि णक्खत्ता जोएंति, तं जहा-रोहिणी मिगसिरो य ।
१३. ता पोसिण्णं पुण्णिमं कति णक्खत्ता जोएंति ? ता तिण्णि णक्खत्ता जोएंति, तं जहा-अद्दा पुण्णवसू पुस्सो॥
१४. ता माहिण्णं पुण्णिमं कति णक्खत्ता जोएंति ? ता दोण्णि णक्खत्ता जोएंति, तं जहा–अस्सेसा महा य ॥
१५. ता फग्गुणिण्णं पुण्णिमं कति णक्खत्ता जोएंति ? ता दुण्णि णक्खत्ता जोएंति, तं जहा–पुवाफग्गुणी उत्तराफग्गुणी य ॥
१६. ता चेत्तिण्णं पुण्णिम कति णक्खत्ता जोएंति ? ता दोण्णि णक्खत्ता जोएंति, तं जहा-हत्थो चित्ता य॥
१७. ता वइसाहिण्णं" पुण्णिमं कति णक्खत्ता जोएंति ? ता दोण्णि णक्खत्ता जोएंति, १. मिगसिरं (ट,व)।
६. विसाही (क,ग,घ,ट,व)। २. पुव्वपुट्ठवता (क,ग,घ)।
७. सततिसया (ग,घ); सतविसया (व)। ३. पुणमासी (ट,व)।
८. अस्सोदिण्णं (ग,घ)। ४. दुवालस अमावसातो दुवालस पुणिमातो ___E. मग्गसिरी पुणिमं (क,ग,घ) । (व)।
१०. मग्गसिरो (ग,घ)। ५. अस्सोती (व)।
११. विसाहिणं (ग,घ); विसाहि (ट)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |