Page Text
________________
दसमं पाहुडं (तच्चं पा०)
६३५ जे णं पण्णरसमुहुत्ते चंदेण सद्धि जोयं जोएंति ? कयरे णक्खत्ता जे णं तीसं मुहुत्ते चंदेण सद्धिं जोयं जोएंति ? कयरे णक्खत्ता जे णं पणयालीसं मुहुत्ते चंदेण सद्धि जोयं जोएंति ? ता एतेसि णं अट्ठावीसाए णक्खत्ताणं तत्थ जेसे णक्खत्ते जे णं णव मुहुत्ते सत्तावीसं च सत्तट्ठिभागे मुहत्तस्स चंदेण सद्धि जोयं जोएति से णं एगे अभीई। तत्थ जेते णक्खत्ता जे णं पण्णरसमुहुत्ते चंदेण सद्धिं जोयं जोएंति ते णं छ, तं जहा–सतभिसया' भरणी अद्दा अस्सेसा साती जेट्ठा। तत्थ जेते णक्खत्ता जे णं तीसं मुहुत्तं चंदेण सद्धि जोयं जोएंति ते णं पण्णरस, तं जहा-सवणे धणिट्ठा पुव्वाभद्दवया रेवती अस्सिणी कत्तिया मिगसिरं' पुस्सो महा पुव्वाफग्गुणी हत्थो चित्ता अणुराहा मूलो पुव्वासाढा । तत्थ जेते णक्खत्ता जे णं पणयालीसं मुहुत्ते चंदेण सद्धि जोयं जोएंति ते णं छ, तं जहा-उत्तराभद्दपदा रोहिणी पुणव्वस उत्तराफग्गणी विसाहा उत्तरासाढा ॥
३. ता एतेसि णं अट्ठावीसाए णक्खत्ताणं अत्थि णक्खत्ते जे णं चत्तारि अहोरत्ते छच्च मुहत्ते सूरेण' सद्धि जोयं जोएति । अस्थि णक्खत्ता जे णं छ अहोरत्ते एक्कवीसं च मुहत्ते सूरेण सद्धि जोयं जोएंति । अत्थि णक्खत्ता जे णं तेरस अहोरत्ते दुवालस य मुहुत्ते सूरेण सद्धि जोयं जोएंति । अत्थि णक्खत्ता जे णं वीसं अहोरत्ते तिण्णि य मुहुत्ते सूरेण सद्धिं जोयं जोएंति । ता एतेसि णं अट्ठावीसाए णक्खताणं कयरे णक्खत्ते जे णं चत्तारि अहोरत्ते छच्च मुहुत्ते सूरेण सद्धि जोयं जोएति ? कयरे णक्खत्ता जे णं छ अहोरत्ते एक्कवीसं मुहुत्ते सूरेण सद्धि जोयं जोएंति ? कयरे णक्खत्ता जे णं तेरस अहोरत्ते बारस मुहुत्ते सुरेण सद्धि जोयं जोएंति ? कयरे णक्खत्ता जे णं वीसं अहोरत्ते तिण्णि य महत्ते सुरेण सद्धि जोयं जोएंति ? ता एतेसि णं अदावीसाए णक्खत्ताणं तत्थ जेसे णक्खत्ते जे णं चत्तारि अहोरत्ते छच्च मुहुत्ते सूरेण सद्धि जोयं जोएति से णं एगे अभीई। तत्थ जेते णक्खत्ता जे णं छ अहोरत्ते एक्कवीसं च मुहुत्ते सूरेण सद्धि जोयं जोएंति ते णं छ, तं जहा--- सतभिसया भरणी अद्दा अस्सेसा साती जेट्ठा । तत्थ जेते णक्खत्ता जे णं तेरस अहोरत्ते दुवालस य मुहुत्ते सूरेण सद्धि जोयं जोएंति ते णं पण्ण रस, तं जहा-सवणो धणिदा पुव्वाभद्दवया रेवती अस्सिणी कत्तिया मिगसिरं पूसो महा पुव्वाफग्गुणी हत्थो चित्ता अणराहा मूलो पुव्वासाढा। तत्थ जेते णक्खत्ता जे णं वीसं अहोरत्ते तिण्णि य मुहत्ते सूरेण सद्धिं जोयं जोएंति ते णं छ, तं जहा-- उत्तराभद्दवया रोहिणी पुणव्वसू उत्तराफग्गुणी विसाहा उत्तरासाढा ॥
तच्चं पाहुडपाहुडं ४. ता कहं ते एवंभागा आहिताति वदेज्जा ? ता एतेसि णं अट्ठावीसाए णक्खत्ताणं अत्थि णक्खत्ता 'जे णं णक्खत्ता" पुव्वंभागा समक्खेत्ता तीसइमुहुत्ता पण्णत्ता। अत्थि १. सतभिसता (टव) ।
५. सूरिएण (ट,व) सर्वत्र । २. समणो (ग,घ)।
६. बारस (क,ग,घ)। ३. महरिर (ग,घ)।
७. x (क,ग,घ)। ४. उत्तराभद्दपादा (ग); उत्तरभद्दवया (ट); ८. उत्तरा भद्दवता (क,ग,घ,ट,व)। उत्तराभपता (ब)।
६. x (क,ग,घ)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |