Page Text
________________
पढमं पाहुडं (छट्ठ पा० )
६०५
पत्ता उक्कोसिया अट्ठारसमुहुत्ता राती भवति, जहण्णए दुवालसमुहुत्ते दिवसे भवइ, गाहाओ भाणियव्वाओ ||
छट्ठ पाहुडपाहुडं
२३. ता केवतियं ते एगमेगेणं राईदिएणं विकंपइत्ता - विकंपइत्ता सूरिए चारं चरइ आहितेति वएज्जा ? तत्थ खलु इमाओ सत्त पडिवत्तीओ पण्णत्ताओ । 'तत्थ एगे " एवमाहंसु-ता दो जोयणाइं अद्धबायालीसं तेसीतिसतभागे जोयणस्स एगमेगेणं राइदिएणं विकंपइत्ता-विकंपइत्ता सूरिए चारं चरइ आहितेति वएज्जा - एगे एवमाहंसु १ ऐगे पुण एवमाहंसु-ता अड्डाइज्जाई जोयणाई एगमेगेणं राइदिएणं विकंपइत्ता-विकंपइत्ता सूरिए चारं चरइ आहितेति वएज्जा - एगे एवमाहंसु २ एगे पुण एवमाहंसु-ता तिभागूणाई तिणि जोयणाई एगमेगेणं राइदिएणं विकंपइत्ता - विकंपइत्ता सूरिए चारं चरइ आहितेति वएज्जा - एगे एवमाहंसु ३ एगे पुण एवमाहंसु- - ता तिण्णि जोयणाई अद्धसीतालीस च तेसीतिसयभागे जोयणस्स एगमेगेणं राइदिएणं विकंपइत्ता - विकंपइत्ता सूरिए चारं चरइ आहितेति वएज्जा - एगे एवमाहंसु ४ एगे पुण एवमाहंसु - ता अद्भुट्टाई जोयणाई एगमेगेणं राइदिएणं विकंपइत्ता-विकंपइत्ता सूरिए चारं चरइ आहितेति वएज्जा-एगे एवमाहं ५ एगे पुण एवमाहंसु -ता चउब्भागुणाई चत्तारि जोयणाई एगमेगेणं राइदिएणं विकंपइत्ता-विकंपइत्ता सूरिए चारं चरइ आहितेति वएज्जा - एगे एवमाहंसु ६ एगे पुण एवमाहंसु - ता चत्तारि जोयणाई अद्धबावण्णं च तेसीतिसयभागे जोयणस्स एगमेगेणं राइदिएणं विकंपइत्ता - विकंपइत्ता सूरिए चारं चरइ आहितेति वएज्जा - एगे एवमाहंसु ७
वयं पुण एवं वयामो-ता दो जोयणाई अडतालीसं च एगट्टिभागे जोयणस्स एगमेगं मंडलं एगमेगेणं राइदिएणं विकंपइत्ता - विकंपइत्ता सूरिए चारं चरइ ॥
२४. तत्थ को हेतूति वएज्जा ? ता अयण्णं जंबुद्दीवे दीवे सव्वदीवसमुद्दाणं सव्वभंतराए जाव' परिक्खेवेणं पण्णत्ते, ता जया णं सूरिए सव्वब्भंतरं मंडल उवसंकमित्ता चारं चरइ तया णं उत्तमकट्टपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राती भवति ।
सेनिक्खमाणे सूरिए नवं संवच्छरं अयमाणे पढमंसि अहोरत्तंसि अब्भितराणंतरं मंडलं उवसंकमित्ता चारं चरइ, ता जया णं सूरिए अभितराणंतरं मंडलं उवसंकमित्ता चारं चरइ, तया णं दो जोयणाई अडयालीसं च एगट्टिभागे जोयणस्स एगेणं राइदिएणं विकंपइत्ता चारं चरइ, तया णं अट्ठारसमुहुत्ते दिवसे भवइ दोहिं एगट्ठिभागमुहुत्ते हिं ऊणे दुवालसमुहुत्ता राती भवति दोहिं एगट्ठिभागमुहुत्तेहिं अहिया । से निक्खमाणे सूरिए दोच्चसि अहोरत्तंसि अब्भितरं तच्चं मंडलं उवसंकमित्ता चारं चरइ, ता जाणं सूरिए अभितरं तच्चं मंडलं उवसंकमित्ता चारं चरइ तया णं पंच जोयणाई पणतीसं एगट्ठभागे जोयणस्स दोहिं राईदिएहिं विकंपइत्ता चारं चरइ, तया गं ३. अद्धसीताल (क,व) |
४. सू० १।१४ ॥
१. कत्तियं (ग,घ ) । २. तत्येगे (ग,घ) ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |