Page Text
________________
६०२
सूरपण्मत्ती
चउत्थं पाहुडपाहुडं २०. ता केवतियं एते दुवे सूरिया अण्णमण्णस्स अंतरं कटु चारं चरंति आहिताति' वएज्जा? तत्थ खलु इमाओ छ पडिवत्तीओ। तत्थ एगे एवमाहंसु-ता एगं जोयणसहस्सं एगं च तेत्तीसं जोयणसतं अण्णमण्णस्स अंतरं कटु सूरिया चारं चरंति आहिताति वएज्जा–एगे एवमाहंसु १ एगे पुण एवमाहंसु–ता एगं जोयणसहस्सं एगं च चउतीसं जोयणसयं अण्णमण्णस्स अंतरं कटु सूरिया चारं चरंति आहिताति' वएज्जा-एगे एवमाहंसु २ एगे पुण एवमाहंसु–ता एग जोयणसहस्सं एगं च पणतीसं जोयणसयं अण्णमण्णस्स अंतरं कटु सूरिया चारं चरंति आहिताति वएज्जा - एगे एवमाहंसु ३ "एगे पुण एवमाहंसु–ता एगं दीवं एगं समुदं अण्णमण्णस्स अंतरं कटु सूरिया चारं चरंति आहिताति वएज्जा-एगे एवमाहंसु° ४ एगे पुण एवमाहंसु-ता दो दीवे दो समुद्दे अण्णमण्णस्स अंतरं कटु सूरिया चारं चरंति आहिताति वएज्जा-एगे एवमाहंसु ५ एगे पुण एवमाहंसु-ता तिण्णि दीवे तिण्णि समुद्दे अण्णमण्णस्स अंतरं कटु सूरिया चारं चरंति आहिताति वएज्जा—एगे एवमाहंसु ६ वयं पुण एवं वयामो-ता 'पंच पंच" जोयणाइं पणतीसं च एगद्विभागे जोयणस्स एगमेगे मंडले अण्णमण्णस्स अंतरं अभिवड्ढे माणा वा निवड्ढे माणा वा सूरिया चारं चरंति आहिताति वएज्जा॥
२१. तत्थ णं को हेतूति वएज्जा ? ता अयण्णं जंबुद्दीवे दीवे सव्वदीवसमुद्दाणं सव्वभंतराए जाव परिक्खेवेणं पण्णत्ते, ता जया णं एते दुवे सूरिया सव्वब्भंतरमंडलं उवसंकमित्ता चारं चरंति तया णं 'नवणउति जोयणसहस्साई" छच्च चत्ताले जोयणसए अण्णमण्णस्स अंतरं कटु चारं चरंति आहिताति वएज्जा, तया णं उत्तमकट्टपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राती भवति। ते निक्खममाणा सूरिया नवं संवच्छरं अयमाणा पढमंसि अहोरत्तंसि अब्भितराणंतरं मंडलं उवसंकमित्ता चारं चरंति, ता जया णं एते दुवे सूरिया अब्भितराणंतरं मंडलं उवसंकमित्ता चारं चरंति तया णं नवणवति जोयणसहस्साइं छच्च पणयाले जोयणसए पणवीसं च एगट्ठिभागे जोयणस्स अण्णमण्णस्स अंतरं कटु चारं चरंति आहिताति वएज्जा, तया णं अट्ठारसमुहुत्ते दिवसे भवइ दोहिं एगट्ठिभागमुहुत्तेहिं ऊणे, दुवालसमुहुत्ता राती भवति दोहिं एगट्ठिभागमुहुत्तेहिं अहिया। ते निक्खममाणा सूरिया दोच्चंसि अहोरत्तंसि अभितरं तच्चं मंडलं उवसंकमित्ता चारं चरंति, ता जया णं एते दुवे सूरिया अभितरं तच्चं मंडलं उवसंकमित्ता चारं चरंति तया णं नवणवति जोयणसहस्साइं छच्च १. ते (क,ग,घ,व)।
४. सं० पा० –एवं एगं दीवं एगं समुई २. आहितेति (ट,व); अत्र कर्तृपदे द्विवचनमस्ति अण्णमण्णस्स अंतरं कटु । तेन 'आहिताति' (आख्याताविति) इति पाठो ५. पंच (क,ग,घ,ट,व)। मूले स्वीकृतः।
६. णवणवइजोयणसहस्साई (ग,घ,ट,व)। ३. आहियति (ग,घ,व)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |