________________
चंदपण्णत्ती
मंगल-पदं
जयति णवणलिणकुवलय-वियसियसयवत्तपत्तलदलच्छो। वीरो गयंदमयगल'-सललियगयविक्कमो भयवं ॥१॥ नमिऊण असुरसुर-गरुलभुयगपरिवंदिए गयकिलेसे' । अरिहे सिद्धायरिए, उवज्झाए सव्वसाहू य ॥३॥ फुडवियडपागडत्थं, वोच्छं पुव्वसुयसारणीसंदं । सुहमगणि [ण ? ] णोवदिळं, जोइसगणरायपण्णत्ति ॥३॥ णामेण इंदभूतित्ति, गोतमो वंदिऊण तिविहेणं । पुच्छइ जिणवरवसहं, जोइसगणरायपण्णत्ति" ॥४॥
पाहुडसंखा-पदं
कइ मंडलाइ वच्चइ ? तिरिच्छा किं व गच्छइ ? ओभासइ केवइयं ? सेयाइ किं ते संठिई ? ॥१॥ कहिं पडिहया लेसा ? कहं ते ओयसंठिई ? के सूरियं वरयंती ? कहं ते उदयसंठिती ? ॥२॥ कतिकट्ठा पोरिसिच्छाया ? जोगे किं ते आहिए ? कि ते संवच्छराणादी? कइ संवच्छराइ य? ॥३॥ कहं चंदमसो वुड्डी ? कया ते दोसिणा बहू ? केई सिग्घगई वुत्ते ? कहं दोसिणलक्खणं ? ॥४॥ चयणोववाते ? उच्चत्ते ? सूरिया कति आहिया ? अणुभावे के व से वुत्ते ? एवमेयाइं वीसई ॥५॥
१. गइंदमयगल (व)। २. नमिउण (ट,व)। ३. गत्तकिलेसे (व)। ४, सिद्धायरि (म,व)।
५. मुवज्झाए (ट)। ६. सुहुमणिगवोइट्ठ (म,व)। ७. जोइसगणरायसंबद्धं (म,व) । ८. जोइसगणरायपण्णत्ती (ट)।
Jain Education International
For Private & Personal Use Only
www.jainelibrary.org
