Page Text
________________
५८८
जंबुद्दीवपण्णत्ती २०८. जंबुद्दीवे णं भंते ! दीवे किं सासए ? असासए ? गोयमा ! सिय सासए, सिय असासंए॥
२०६. से केणट्टेणं भंते ! एवं वच्चइ--सिय सासए? सिय असासए? गोयमा ! दव्वट्ठयाए सासए, वण्णपज्जवेहिं गंध-रस-फास-पज्जवेहिं असासए। से तेणट्टेणं गोयमा ! एवं वुच्चइ.-सिय सासए, सिय असासए॥
२१०. जंबूहीवे णं भंते ! दीवे कालओ केवच्चिरं होइ ? गोयमा ! ण कयावि णासि ण कयावि णत्थि ण कयावि ण भविस्सइ, भुविं च भवइ य भविस्सइ य धुवे णिइए सासए अक्खए अव्वए अवट्टिए णिच्चे जबुद्दीव दीव पण्णत्तं ॥
२११. जंबुद्दीवे णं भंते ! दीवे किं पुढविपरिणामे ? आउपरिणामे ? जीवपरिणामे ? पोग्गलपरिणामे ? गोयमा । पुढविपरिणामेवि आउपरिणामेवि जीवपरिणामेवि पोग्गलपरिणामेवि ॥
२१२. जंबुद्दीवे णं भंते ! दीवे सव्वपाणा 'सव्वभूया सव्वजीवा" सव्वसत्ता पुढविकाइयत्ताए आउकाइयत्ताए तेउकाइयत्ताए वाउकाइयत्ताए वणस्सइकाइयत्ताए उववण्णपुव्वा ? हंता गोयमा ! असइं अदुवा अणंतखुत्तो॥
२१३. से केणट्टेणं भंते ! एवं वुच्चइ-जंबुद्दीवे दीवे जंबुद्दीवे दीवे ? गोयमा ! जंबुद्दीवे णं दीवे तत्थ-तत्थ देसे तहि-तहिं बहवे जंबुरुक्खा जंबूवणा जंबूवणसंडा णिच्चं कुसुमिया जाव पडिमंजरिवडेंसगधरा' सिरीए अईव-अईव उवसोभेमाणा-उवसोभेमाणा चिट्ठति । जंबुए सुदंसणाए अणाढिए णामं देवे महिड्डिए जाव' पलिओवमट्टिईए परिवसइ। से तेणठेणं गोयमा ! एवं वुच्चइ-जंबुद्दीवे दीवे जंबुद्दीवे दीवे ॥
२१४. 'तए णं' समणे भगवं महावीरे मिहिलाए णयरीए माणिभद्दे चेइए बहूणं समणाणं बहूणं समणीणं बहूणं सावयाणं बहूणं सावियाणं बहूणं देवाणं बहूणं देवीणं मज्झगए एवमाइक्खइ एवं भासइ एवं पण्णवेइ एवं परूवेइ जंबूदीवपण्णत्ती णाम अज्जो ! अज्झयणे अटुं च हेउं च 'पसिणं च कारणं च वागरणं च भुज्जो-भुज्जो उवदंसेइत्ति बेमि ॥
ग्रन्थ-परिमाण कुल अक्षर-१,६७,६९८ अनुष्टुप् श्लोक ५,२४० अक्षर १८
१. आउय° (अ,त्रि,ब) अग्रेपि । २. सव्वजीवा सव्व भूया (अ,क,ब,स,शाव) । ३. देसे-देसे (क,ख,स)। ४. ओ० सू० ५। ५. पिडि° (अ); पोंडि° (ब); पुंडि° (स)। ६. जं० ११२४ ।
७. तेणं कालेणं तेणं समएणं (पूर्व); तए णं
(पुवृपा)। ८. माघवदे (अ,ब)। ६. चितिए (अ,ब)। १०. अज्झयणं (पुवृ); अज्झयणे (पुवृपा)। ११. करणं च (अ,ब) ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |