Page Text
________________
५८४
जंबुद्दीवपण्णत्ती अंबरं दिसाओ य सोभयंता चत्तारि देवसाहस्सीओ वसहरूवधारीणं देवाणं पच्चत्थिमिल्लं बाहं परिवहति । चंदविमाणस्स णं उत्तरेणं सेयाणं सुभगाणं सुप्पभाणं तरमल्लिहायणाणं हरिमेलामउलमल्लियच्छाणं चंचुच्चियललियपुलियचलचवलचंचलगईणं लंघणवग्गणधावणधोरणतिवइजइणसिक्खियगईणं ललंत-'लाम-गललाय -वरभूसणाणं सण्णयपासाणं संगयपासाणं सुजायपासाणं पीवरवट्टियसुसंठियकडीणं ओलंबपलंबलक्खणपमाणजुत्तरमणिज्जवालपुच्छाणं तणुसुहमसुजायणिद्धलोमच्छविहराणं मिउविसयसुहमलक्खणपसत्थविकिण्णकेसरवालिहराणं ललंतथासगललाडवरभूसणाणं मुहमंडग-ओचूलग-चामर-थासग-परिमंडियकडीणं तवणिज्जखुराणं तवणिज्जजीहाणं तवणिज्जतालुयाणं तवणिज्जजोत्तगसुजोइयाणं कामगमाणं •पीइगमाणं मणोगमाणं' मणोरमाणं अमियगईणं अमियबलवीरियपुरिसक्कारपरक्कमाणं महया हयहेसियकिलकिलाइयरवेणं मणहरेणं पूरेता अंबरं दिसाओ य सोभयंता चत्तारि देवसाहस्सीओ हयरूवधारीणं देवाणं उत्तरिल्लं बाहं परिवहति । गाहा --- सोलसदेवसहस्सा, हवंति चंदेसु चेव सूरेसु ।
अद्वैव सहस्साई, एक्केमी गहविमाणे ॥१॥ चत्तारि सहस्साई, णक्खत्तंमि य हवंति इक्किक्के ।
दो चेव सहस्साई, तारारूवेक्कमेक्कमि ॥२॥ १७६. एवं सूरविमाणाणं जाव तारारूवविमाणाणं, णवरं -एस देवसंघाए॥
१८०. एएसि णं भंते ! चंदिम-सूरियगहगण-णक्खत्त-तारारूवाणं कयरे सव्वसिग्घगई ? कयरे सव्वसिग्धगईतराए चेव ? गोयमा ! चंदेहितो सूरा सव्वसिग्घगई, सुरेहितो गहा सिग्घगई, गहेहिंतो णक्खत्ता सिग्घगई, णक्खत्तेहितो तारारूवा सिग्घगई, सव्वप्पगई, चंदा, सव्वसिग्घगई तारारूवा॥
१८१. एएसि णं भंते ! चंदिम-सूरिय-गहगण-णक्खत्त-तारारूवाणं कयरे सव्वमहिड्डिया ? कयरे सव्वप्पिड्डिया' ? गोयमा ! तारारूवेहितो णक्खत्ता महिड्डिया, णक्खत्तेहितो गहा महिड्डिया, गहेहिंतो सूरिया महिड्डिया, सूरेहितो चंदा महिड्डिया, सव्वप्पिड्डिया तारारूवा, सव्वमहिड्डिया चदा।
१८२. जंबुद्दीवे णं भंते ! दीवे ताराए य ताराए य केवइए अबाहाए अंतरे पण्णत्ते ? गोयमा ! दुविहे पण्णत्ते, तं जहा—'वाघाइए य निव्वाघाइए१३ य । निव्वा
१. उसभ° (त्रि)।
८. सं० पा०-कामगमाणं जाव मणोरमाणं। २. वर° (अ,क,त्रि,ब,स,हीव) ।
६. वहंति (अ,ख त्रि,ब,हीव)। ३. लासगललाम (अ,क,ख,त्रि,ब,पुव,हीव); °ललाम १०. इक्किक्कस्स (त्रि)। (स)।
११. सव्वप्पड्ढिया (त्रि)। ४. विच्छिण्णकेसरवालिहराणं (प,शाव)। १२. तारारूवस्स (क)। ५. ललंतलामग° (अ,क,ख,त्रि,ब,स,पवहीव)। १३. वाघाइमे निव्वाघाइमे (पुर्व); वाघाइए ६. मुहभंडग (पुत्र)।
निवाघाइए (पुवृपा)। ७. जेऊर (अ,त्रि,ब); उवबूला (ख)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |