Page Text
________________
सत्तमो वक्खारो
५७५
मिगसीसावलि रुहिरबिंदु तुल वद्धमाणग पडागा। पागारे पलियंके', हत्थे मुहफुल्लए चेव ॥२॥ खीलग दामणि एगावली य गयदंत विच्छुयअले" य' ।
गयविक्कमे य तत्तो, सीहणिसाई य संठाणा ॥३॥ १३४. एएसि णं भंते ! अट्ठावीसाए णक्खत्ताणं अभिईणवखत्ते कइमुहत्ते चंदेण सद्धि जोगं जोएइ ? गोयमा ! णव मुहुत्ते सत्तावीसं च सत्तट्ठिभाए मुहत्तस्स चंदेण सद्धि जोगं जोएइ । एवं इमाहि गाहाहि अणुगंतव्वं -
अभिइस्स चंदजोगो, सत्तट्ठिखंडिओ अहोरत्तो। ते हुति णव मुहुत्ता, सत्तावीसं कलाओ य ॥१॥ सयभिसया भरणीओ, अद्दा अस्सेस साइ जेट्ठा य । एए छण्णक्खत्ता पण्णरसमुहुत्तसंजोगा ॥२॥ तिण्णेव उत्तराई, पुणव्वसू रोहिणी विसाहा य । एए छण्णवखत्ता, पणयालमुहुत्तसंजोगा ॥३॥ अवसेसा णक्खत्ता, पण्ण रसवि हुंति तीसइमुहुत्ता।
चंदंमि एस जोगो, णक्खत्ताणं मुणेयव्वो ॥४॥ १३५. एएसि णं भंते ! अट्ठावीसाए णक्खत्ताणं अभिईणक्खत्ते कइ अहोरत्ते सूरेण सद्धि जोगं जोएइ ? गोयमा ! चत्तारि अहोरत्ते छच्च मुहुत्ते सूरेणं सद्धि जोगं जोएइ । एवं इमाहिं गाहाहिं णेयव्वं
अभिई छच्च मुहुत्ते, चत्तारि य केवले अहोरत्ते । सूरेण समं गच्छइ, एत्तो सेसाण वोच्छामि ॥१॥ सयभिसया भरणीओ, अद्दा असेस साइ जेट्ठा य । वच्चंति मुहुत्ते 'इक्कवीस छच्चेवहोरत्ते ॥२॥ तिण्णेव उत्तराई, पूणव्वस रोहिणी विसाहाय। वच्चंति मुहुत्ते, तिण्णि चेव वीसं अहोरत्ते ॥३॥ अवसेसा णक्खत्ता, पण्णरसवि सूरसहगया जंति ।
बारस चेव मुहुत्ते, तेरस य समे अहोरत्ते ॥४॥ १३६. कइ णं भंते ! कुला, कइ उवकुला', कइ कुलोवकुला पण्णत्ता? गोयमा !
१. रुहिरवंडु (अ,ब)।
पाठो विद्यते, तेनासौ मूले स्वीकृत: 'अल' शब्द२. पडाला (अ,ब)।
स्यार्थावबोधाय द्रष्टव्यः पाइयसद्दमहण्णवो। ३. पल्लंके (त्रि)।
५. या (अ,क,ख,त्रि,स); वा (ब)। ४. विच्छुलंगूल (त्रि); चन्द्रप्रज्ञप्ति सूर्यप्रज्ञप्त्यो- ६. सीहणिसीई (अ); सीहासणिसाई (क)।
रादर्शेषु 'विच्छ्यनंगोलसंठिते, विच्छुयलंगोल' ७. इक्कवीसाइं छच्च अहोरत्ते (अ,ब); एक्कइति पाठद्वयं लभ्यते, प्रस्तूतसूत्रस्य एकस्मिन्ना- वीसति छच्च अहोरत्ते (क,ख)। दर्शषु 'विच्छुलंगुल' इति पाठो दृश्यते किन्तु ८. यंति (क); इंति (ख,स)। ताडपत्रीयादिप्राचीनादर्शेषु विच्छुअयले' इति ६. अवकुला (अ,ख,ब) सर्वत्र ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |