Page Text
________________
५७२
जंबुद्दीवपण्णत्ती
बहुलपक्खस्स पडिवाए' दिवा' बालवं, राओ कोलवं । बिइयाए दिवा थीविलोयणं, राओ गराइ । तइयाए दिवा वणिज, राओ विट्ठी। चउत्थीए दिवा बवं, राओ बालवं । पंचमीए दिवा कोलवं, राओ थीविलोयणं । छट्ठीए दिवा गराइ, राओ वणिज । सत्तमीए दिवा विट्ठी, राओ बवं । अट्ठमीए दिवा बालवं, राओ कोलवं । णवमीए दिवा थीविलोयणं, राओ गराइ । दसमीए दिवा वणिज, राओ विट्ठी। एक्कारसीए दिवा बवं राओ बालवं । बारसीए दिवा कोलवं, राओ थीविलोयणं । तेरसीए दिवा गराइ, राओ वणिजं। चउद्दसीए दिवा विट्ठी, राओ सउणी । अमावसाए दिवा चउप्पयं, राओ णागं। सुक्कपक्खस्स पडिवाए दिवा किंथुग्धं करणं भवइ ।
१२६. किमाइया णं भंते ! संवच्छरा, किमाइया अयणा, विमाइया उऊ, किमाइया मासा. किमाइया पक्खा, किमाइया अहोरत्ता, किमाइया महत्ता, किमाइया करणा, किमाइया णक्खत्ता पण्णत्ता ? गोयमा ! चंदाइया संवच्छरा, दक्खिणाइया अयणा, पाउसाइया उऊ, सावणाइया मासा, बहुलाइया पक्खा, दिवसाइया अहोरत्ता, रोद्दाइया महत्ता बालवाइया करणा, अभिजियाइया णक्खत्ता पण्णत्ता समणाउसो ! ॥
१२७. पंचसंवच्छरिए णं भंते ! जुगे केवइया अयणा, केवइया उऊ, एवं मासा पक्खा अहोरत्ता, केवइया मुहुत्ता पण्णत्ता ? गोयमा ! पंचसंवच्छरिए णं जुगे दस अयणा, तीसं उऊ, सट्ठी मासा, एगे वीसुत्तरे पक्खसए, अट्ठारसतीसा अहोरत्तसया, चउप्पण्णं महत्तसहस्सा णव य सया पण्णत्ता । गाहा- जोगो देवय तारग्ग, गोत्त संठाण चंदरविजोगो।
कूल पूण्णिम अवमंसा य, सण्णिवाए य णेया य ॥१॥ १२८. कइ णं भंते ! णक्खत्ता पण्णत्ता? गोयमा ! अट्ठावीसं णक्खत्ता पण्णत्ता, तं जहा--अभिई सवणो धणिट्ठा सयभिसया पुव्वभद्दवया उत्तरभद्दवया रेवई अस्सिणी भरणी कत्तिया रोहिणी मियसिरं अद्दा पुणव्वसू पूसो अस्सेसा मघा पुव्वफग्गुणी उत्तरफग्गुणी हत्थो चित्ता साइ विसाहा अणुराहा जेट्ठा मूलं पुवासाढा उत्तरासाढा ॥
१२६. एएसि णं भंते ! अट्ठावीसाए णक्खत्ताणं कयरे णक्खत्ता, जे णं सया चंदस्स दाहिणेणं जोयं जोएंति ? कयरे णक्खता, जे णं सया चंदस्स उत्तरेणं जोयं जोएंति ? कयरे णक्खत्ता, जे णं चंदस्स दाहिणेणवि उत्तरेणवि पमपि जोगं जोएंति ? कयरे
१. पडिवए (अ,ख,ब,स); पाडिवए (क,त्रि)। बहुलप्रतिपद्दिवसे तस्पैव सम्भवात् (शाव) । २. दिया (अ,ब)।
८. अभिजिदादिया (अ,ब); अभिजादिया (क,स); ३. अवामसाए (अ,ब)।
अभिजादीया (ख)। ४. पाडिवाए (अ,क,ब); पडिवए (ख)। ६. समणे (अ,ब)। ५ उदू (अ,त्रि,ब)।
• मगसिरं (ब)। ६. पाउसातिया (अ,ब)।
१. पुस्सो (अ,क,ख,त्रि,ब,स)। ७. ववातिया (अ,ब); बवादिया (क,ख,स); १२. जोयंति (अ); जोगंति (ब)।
बवादीनि (पुत्र); बालवादिकानि करणानि १३. दाहिणेणंपि (प)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |