Page Text
________________
५७०
जंबुद्दीवपण्णत्ती
११८. एएसि णं भंते ! पण्णरसण्हं दिवसाणं कइ तिही पण्णत्ता? गोयमा ! पण्णरस तिही पण्णत्ता, तं जहा
___णंदे भद्दे जए तुच्छे, पुण्णे पक्खस्स पंचमी। पुणरवि-- गंदे भद्दे जए तुच्छे, पुण्णे पक्खस्स दसमी। पूणरवि- णंदे भद्दे जए तुच्छे, पुण्णे पक्खस्स पण्णरसी । एवं एते तिगुणा तिहीओ सव्वेंसि दिवसाणं ।
११६. एगमेगस्स णं भंते ! पक्खस्स कई राईओ पण्णत्ताओ? गोयमा ! पण्णरस पार्टयो पत्ताओ तं जहा--पडिवाराई जाव पण्णरसीराई॥
१२०. एयासि णं भंते ! पण्णरसण्हं राईणं कइ णामधेज्जा पण्णत्ता ? गोयमा ! पण्णरस णामधेज्जा पण्णत्ता, तं जहागाहा- उत्तमा य सुणक्खत्ता, एलावच्चा जसोहरा।
सोमणसा चेव तहा, सिरिसंभूया य बोद्धव्वा ॥१॥ विजया य वेजयंति, जयंति अपराजिया य इच्छा य। समाहारा चेव तहा, तेया य तहेव' अइतेया ॥१॥
देवाणंदा णिरई, रयणीणं णामधेज्जाई। १२१. एयासि णं भंते! पण्णरसण्हं राईणं कइ तिही पण्णत्ता ? गोयमा ! पण्णरस तिही पण्णत्ता, तं जहा-उग्गवई, भोग्गई, जसवई, सव्वसिद्धा सुहाणामा। पुणरवि-
उग्गवई भोगवई जसवई सवसिद्धा सुहणामा।
उग्गवई भोगवई जसवई सव्वसिद्धा सुहणामा । एवं एए तिगुणा तिहीओ सव्वेसिं राईणं ।।
१२२. एगमेगस्स णं भंते ! अहोरत्तस्स कइ मुहत्ता पण्णत्ता? गोयमा ! तीसं मुहुत्ता पण्णत्ता, तं जहागाहा-- रोद्दे सेए मित्ते, वाउ सुपीए तहेव अभिचंदे ।
माहिंद" बलव बंभे, बहुसच्चे चेव ईसाणे५ ।।१।।
पुणरवि
१. उत्तरमा (अ,ब)। २. महाहारा (अ,ब)। ३. तहा (प)। ४. अभितेया (अ,ब)। ५. निरतीति पंचदश्या एव द्वितीयं नाम (हीव)। ६. सवदसिद्धा (अ,क ख,त्रि,ब,स,पुव) सर्वत्र।
सूर्यप्रज्ञप्ति उत्तौ तु सर्वार्थसिद्धास्थाने सर्वसिद्धेति दृश्यते (पुवृ)। ७. मुहुत्ता मुहुत्तग्गेणं (सम ३०१३)। ८. रुद्दे (त्रि,प)।
६. सुवीए (क,ख,त्रि,प,स)। १०. अभिणंदे (अ,क,ख,ब)। ११. महिंदे (अ,क,ख,ब) ! १२. बलवं (अ,क,त्रि,ब,स); पलंबे (सम०
३०१३) । १३. पण्ह (अ,ब); पक्ष्मः क्वचिद् ब्रह्मेति दृश्यते
(पुत्र); पक्ष्म: (चन्द्र प्रज्ञप्तिवृत्ति १०१८४)। अतः परं समवायाङ्गे (३०३) नाम्नां व्यत्ययो भेदश्च दृश्यते-- सच्चे आणंदे विजए वीरासेणे वायावच्चे उसमे ईसाणे तिठे
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |