Page Text
________________
सत्तमो वक्खारो
८०. जया णं भंते ! चंदे अब्भंतराणंतरं मंडलं उवसंकमित्ता चारं चरइ, 'तया णं एगमेगेणं मुहत्तेणं केवइयं खेत्तं गच्छइ ? गोयमा! पंच जोयणसहस्साई सत्तत्तरिं च जोयणाई छत्तीसं च चोवत्तरे भागसए गच्छइ मंडलं तेरसहि' 'सहस्सेहिं सत्तहि य पणवीसेहिं सएहि छेत्ता॥
८१. जया णं भंते ! चंदे अब्भंतरतच्चं मंडलं उवसंकमित्ता चारं चरइ, तया णं एगमेगेणं मुहुत्तेणं केवइयं खेत्तं गच्छइ ? गोयमा ! पंच जोयणसहस्साइं असीइं च जोयणाइं तेरस य भागसहस्साई तिण्णि य एगुणतीसे भागसए गच्छइ मंडलं तेरसहि सहस्सेहि सत्तहि य पणवीसेहिं सएहि छेत्ता। एवं खलु एएणं उवाएणं णिक्खममाणे चंदे तयणंतराओ मंडलाओ तयणंतरं मंडलं संकममाणे-संकममाणे तिण्णि-तिण्णि जोयणाई छण्णउइं च पंचावण्णे भागसए एगमेगे मंडले मुहुत्तगई अभिवड्ढेमाणे-अभिवड्ढेमाणे सव्वबाहिरं मंडलं उवसंकमित्ता चारं चरइ ।।
८२. जया णं भंते ! चंदे सव्वबाहिरं मंडलं उवसंकमित्ता चारं चरइ, तया णं एगमेगेणं मुहुत्तेणं केवइयं खेत्तं गच्छइ ? गोयमा ! पंच जोयणसहस्साई एगं च पणवीसं जोयणसयं अउणतरि च णउए भागसए गच्छइ मंडलं तेरसहिं भागसहस्सेहिं सत्तहि य •पणवीसेहिं सएहि छेत्ता। तया णं इहगयस्स मणू सस्स एक्कतीसाए जोयणसहस्सेहि अट्टहि य एगत्तीसेहिं जोयणसएहि चंदे चक्खुप्फासं हव्वमागच्छइ ॥
८३. जया णं भंते ! बाहिराणंतरं पुच्छा। गोयमा! पंचजोयणसहस्साई एक्कं च एक्कवीसुत्तरं जोयणसयं एक्कारस य सट्टे भागसहस्से गच्छइ मंडलं तेरसहिं 'सहस्सेहिं सत्तहि य पणवीसेहि सएहिं छेत्ता ॥
८४. जया णं भंते ! बाहिरतच्च पुच्छा। गोयमा! पंचजोयणसहस्साई एगं च अट्ठारसुत्तरं जोयणसयं चोइस य पंचुत्तरे भागसए गच्छइ मंडलं तेरसहिं सहस्सेहि सत्तहिं पणवीसेहिं सएहिं छेत्ता। एवं खलु एएणं उवाएणं •पविसमाणे चंदे तयणंतराओ मंडलाओ तयणंतरं मंडलं' संकममाणे-संकममाणे तिण्णि-तिण्णि जोयणाई छण्णउइं च पंचावण्णे भागसए एगमेगे मंडले महत्तगई णिवड्ढेमाणे-णिवड्ढेमाणे सव्वब्भंतरं मंडलं उवसंकमित्ता चार चरइ ।।
८५. कइ णं भंते ! णक्खत्तमंडला पण्णत्ता ? गोयमा ! अट्ठ णक्खत्तमंडला पण्णत्ता॥
८६. जंबुद्दीवे णं भंते ! दीवे केवइयं ओगाहित्ता केवइया णक्खत्तमंडला पण्णत्ता ? गोयमा ! जंबुद्दीवे दीवे असीयं जोयणसयं ओगाहेत्ता, एत्थ णं दो णक्खत्तमंडला पण्णत्ता । १. सं० पा०---चरइ जाव केवइयं ।
६. सं० पा० ..तेरसहिं जाव छेत्ता। २. चोयत्तरे (अ,ब)।
७. सं० पा०-तयणंतराओ जाव संकममाणे । ३. सं० पा०-तेरसहिं जाव छेत्ता।
८. संपा०-य जाव छेत्ता। ४. केषुचित् सूत्रेषु चन्द्रस्य चक्षुःस्पर्शस्य प्रतिपत्ति- ६. एक्कवीसं (प)। नँव दृश्यते।
१०. सं० पा० -तेरसहिं जाव छेत्ता ५. अउणतीसे (अत्रि,ब); अउणातीसे (ख)। ११. सं० पा.--उवाएणं जाव संकममाणे ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |