Page Text
________________
जंबुद्दीवपण्णत्ती णमंसित्ता णच्चासण्णे णाइदूरे सुस्सूसमाणे •णमंसमाणे अभिमुहे विणएणं पंजलियडे पज्जुवासइ ॥
५६. एवं जहा अच्चुयस्स तहा जाव ईसाणस्स भाणियव्वं, एवं' भवणवइ-वाणमंतरजोइसिया य सूरपज्जवसाणा सएणं-सएणं परिवारेणं पत्तेयं-पत्तेयं अभिसिंचंति ॥
६०. तए णं से ईसाणे देविंदे देवराया पंच ईसाणे विउव्वइ, विउव्वित्ता एगे ईसाणे भगवं तित्थयरं करयलपुडेणं' गिण्हइ, गिण्हित्ता सीहासणवरगए पुरस्थाभिमुहे सण्णिसण्णे, एगे ईसाणे पिट्ठओ आयवत्तं धरेइ, दुवे ईसाणा उभओ' पासिं चामरुक्खेवं करेंति, एगे ईसाणे पुरओ सूलपाणी चिट्ठइ ।
६१. तए' णं से सक्के देविदे देवराया आभिओगे' देवे सद्दावेइ, सद्दावेत्ता एसोवि तह चेव अभिसेयाणत्ति देइ, तेवि तह चेव उवणेति ॥
६२. तए णं से सक्के देविदे देवराया भगवओ तित्थयरस्स चउद्दिसिं चत्तारि धवलवसभे विउव्वेइ---सेए 'संखतल-विमल-णिम्मल-दधिघण-गोखीर-फेण-रयय-णिगरप्पगासे पासाईए दरिसणिज्जे अभिरूवे पडिरूवे ॥
६३. तए णं तेसिं चउण्हं धवलवसभाणं अट्ठहि सिंगेहितो अट्ठ तोयधाराओ णिग्गच्छति ॥
६४. तए णं ताओ अट्ठ तोयधाराओ उड्डे वेहासं उप्पयंति, उप्पइत्ता एगओ मिलायंति, मिलाइत्ता भगवओ तित्थयरस्स मुद्धाणंसि णिवयंति" ॥
६५. तए णं से सक्के देविंदे देवराया चउरासीईए सामाणियसाहस्सीहिं, एयस्सवि तहेव अभिसेओ भाणियव्वो जाव णमोत्थु ते अरहओत्तिक? वंदइ णमंसइ जाव पज्जुवासइ ॥
६६. तए णं से सक्के देविंदे देवराया पंच सक्के विउव्वइ, विउव्वित्ता एगे सक्के भयवं तित्थयरं करयलपुडेणं गिण्हइ, एगे सक्के पिट्टओ आयवत्तं धरेइ, दुवे सक्का उभओ पासिं चामरुक्खेवं करेंति, एगे सक्के वज्जपाणी पूरओ पकडढइ॥
६७. तए णं से सक्के देविंदे देवराया चउरासीईए सामाणियसाहस्सीहिं जाव अण्णेहि य बहूहिं भवणवइ-वाणमंतर-जोइस-वेमाणिएहिं देवेहिं देवीहि य सद्धि संपरिवडे सव्विड्डीए जाव" दुंदुहिणिग्घोसणाइयरवेणं ताए उक्किट्ठाए तुरियाए चवलाए जइणाए सीहाए
१. सं० पा०-सुस्सुसमाणे जाव पज्जुवासइ। १०. अट्ठसु (अ,क,ख,त्रि,ब,स); 'अद्वसु'त्तिप्राकृतत्वात २. x (अ,क,ख,त्रि,ब,स,पुत्,हीवृ)।
सप्तमी पञ्चम्यर्थे (ही)। ३. करयलसंपुडेणं (क,ख,प,स)।
११. निपयंति (अ,ब); निपतंति (क,ख,त्रि) । ४. अवहो (अ,ब)।
१२. जं० ५।५६-५८ । ५. एतत्सूत्रं 'अ,ब' प्रत्यो: नास्ति ।
१३. अवहो (अ,ब)। ६. आभिओग्गे (क,स)
१४. पगच्छति (त्रि)। ७. जं० ५१५४,५५।
१५. जं० २।१०। ८. संखदल (प,शावृ)।
१६. जोइसिय (त्रि)। ६. संखदलसन्नि गासे (आवश्यकचूणि पृ० १५०)। १७. जं० ३.१२ ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |