Page Text
________________
५४०
जंबुद्दीवपण्णत्ती
सिरसावत्तं मत्थए अंजलिं कट्ट° एवं वयासी.णमोत्थु ते रयणकुच्छिधारिए' 'जगप्पईवदाइए सव्व जगमंगलस्स चक्खुणो य मुत्तस्स सव्व जगजीववच्छलस्स हियकारग-मग्गदेसिय-पागड्डि-विभुपभुस्स जिणस्स णाणिस्स णायगस्स बुद्धस्स बोहगस्स सव्वलोगणाहस्स णिम्ममस्स पवरकुलसमुब्भवस्स जाईए खत्तियस्स जंसि लोगुत्तमस्स, जणणी° धण्णासि पुण्णासि तं कयत्थासि, अहण्णं देवाणुप्पिए ! सक्के णाम देविदे देवराया भगवओ तित्थयरस्स जम्मणमहिमं करिस्सामि, तणं' तुब्भाहिं ण भाइयव्वंतिकट्ठ ओसोवणि दलयइ, दलइत्ता तित्थयरपडिरूवगं विउव्वइ, विउवित्ता तित्थयरमाउयाए पासे ठवेइ, ठवेत्ता पंच सक्के विउव्वइ, विउव्वित्ता एगे सक्के भगवं तित्थयरं करयलपूडेणं गिण्हइ, एगे सक्के पिट्रओ आयवत्तं धरेइ, दुवे सक्का उभओ पासि चामरुक्खेवं करेंति, एगे सक्के पुरओ वज्जपाणी पगड्ढइ॥
४७. तए णं से सक्के देविदे देवराया अण्णेहिं बहूहिं भवणवइ-वाणमंतर-जोइसवेमाणिएहिं देवेहिं देवीहि य सद्धि संपरिवुडे सव्विड्डीए जावई दुंदुहिणिग्घोसणाइयरवेणं ताए उक्किट्ठाए 'तुरियाए चवलाए जइणाए सीहाए सिग्घाए उद्ध्याए दिव्वाए देवगईए वीईवयमाणे-वीईवयमाणे जेणेव मंदरे पव्वए जेणेव पंडगवणे जेणेव अभिसेयसिला जेणेव अभिसेयसीहासणे तेणेव उवागच्छइ, उवागच्छित्ता सीहासणवरगए पुरत्थाभिमुहे सण्णिसण्णे ॥
४८. तेणं कालेणं तेणं समएणं ईसाणे देविंदे देवराया सूलपाणी वसभवाहणे सुरिंदे उत्तरड्डुलोगाहिवई अट्ठावीसविमाणावाससयसहस्साहिवई अरयंबरवत्थधरे, एवं जहाँ सक्के, इमं णाणत्तं महाघोसा घंटा, लहुपरक्कमो पायत्ताणियाहिवई", पुप्फओ विमाणकारी, दक्षिणा निज्जाणभूमी, उत्तरपुरथिमिल्लो रइकरगपव्वओ, मंदरे समोसरिओ जाव" पज्जुवासइ ॥
४६. एवं अवसिट्ठावि इंदा भाणियव्वा जाव२ अच्चुओ, इमं णाणत्तं--
१. सं० पा०-रयणकुच्छिधारिए एवं जहा
दिसाकुमारीओ जाव धण्णासि । २. तेण (त्रि, हीवृ)। ३. अवहो (अ,ब)। ४. पवट्टति (त्रि,ही,पुवृपा)। ५. जोइसिय (त्रि)। ६. जं० ३।१२। ७. सं० पाo-उक्किट्टाए जाव वीईवयमाणे। ८. विमाणवास (क,ख,त्रि,प,ब) । ६. जं० ५॥१८-४६ । १०. पादत्ताणीया (ब)। ११. अस्य 'जाव' पदस्य पूर्तिवृत्तित्रयेपि भिन्न-भिन्न
प्रकारेण कृतास्ति-यावत्करणात् जेणेव
भगवं तित्थयरे तेणेव उवागच्छइ, भगवं तित्थयरं आयाहिण-पयाहिणं करेत्ति २ ता वंदइ नमसइ, वंदित्ता २ तिविहाए पज्जुवा सणाए पज्जुवासइ (पुवृ); यावत्पदात् भगवंतं तित्ययरं तिक्खुत्तो आयाहिणपयाहिणं करेइ, करित्ता वंदइ णमंसइ, वंदित्ता णमंसित्ता .. णच्चासणे णाइदूरे सुस्सूसमाणे णमंसमाणे अभिमुहे विणएणं पंजलिउडे इति पर्युपास्ते (शावृ); यावत्करणात जेणेव भगवं तित्थगरे तेणेव उवागच्छति २ त्ता भगवं तित्थगरं आयाहिण -पयाहिणं करेइ इत्यादि द्रष्टव्यम
(ही); जं०५५८ । १२. ठाणं १०११४६ ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |