Page Text
________________
पंचमो वक्खारो
५३५
तहि-तहिं देसे महया-महया सद्देणं उग्घोसेमाणे-उग्घोसेमाणे एवं वयासी--- हंदि ! सुणंतु भवंतो बहवे सोहम्मकप्पवासी वेमाणिया देवा य देवीओ य सोहम्मकप्पवइणो इणमो वयणं हियसुहत्थं--- आणवेइ णं भो ! सक्के •देविदे देवराया, गच्छइ णं भो ! सक्के देविंदे देवराया जंबुद्दीवे दीवे भगवओ तित्थयरस्स जम्मणमहिम करित्तए, तं तुब्भेवि णं देवाणुप्पिया ! सव्विड्डीए सव्व जुईए सव्वबलेणं सव्वसमुदएणं सव्वायरेणं. सव्वविभूईए सव्वविभूसाए सव्वसंभमेणं सव्वणाडएहिं सव्वोरोहेहि सव्वपुप्फगंधमल्लालंकारविभूसाए सव्वदिव्वतुडियसहसण्णिणाएणं मया इड्डीए जाव दुंदुहिणिग्घोसणाइयरवेणं णिययपरियालसंपरिवुडा सयाई-सयाई जाणविमाणवाहणाई दुरुढा समाणा अकालपरिहीणं चेव सक्कस्स देविंदस्स देवरण्णो अंतियं पाउब्भवह ॥
२७. तए णं ते देवा य देवीओ य एयम8 सोच्चा हट्टतुट्ठ- चित्तमाणंदिया नंदिया पीइमणा परमसोमणस्सिया हरिसवसविसप्पमाण° हियया अप्पेगइया वंदणवत्तियं एवं प्रयणवत्तियं सक्कारवत्तियं सम्माणवत्तियं दसणवत्तियं कोऊहलवत्तियं अप्पेगइया सक्कस्स वयणमणुवत्तमाणा अप्पेगइया अण्णमण्णमणुवत्तमाणा अप्पेगइया जीयमेयं एवमाइत्तिक१ सव्विड्डीए जाव अकालपरिहीणं चेव सक्कस्स देविंदस्स देव रण्णो अंतियं पाउन्भवति ॥
२८. तए ण से सक्के देविदे देवराया ते वेमाणिए देवे य देवीओ य अकालपरिहीणं चेव अंतियं पाउब्भवमाणे पासइ, पासित्ता हतूटु-चित्तमाणं दिए पालयं णाम आभिओगियं देवं सद्दावेइ, सद्दावेत्ता एवं वयासी-खिप्पामेव भो देवाणुप्पिया! अणेगखंभसयसण्णिविट्ठ लीलट्ठियसालभंजियाकलियं ईहामिय-उसभ-तुरग-णर-मगर-विहग-वालगकिण्णर-रुरु-सरभ-चमर-कुंजर-वणलय-पउमलयभत्तिचित्तं खंभुग्गयवइरवेइयापरिगयाभिराम विज्जाहरजमलजुयलजंतजुत्तंपिव अच्चीसहस्समालणीयं- रूवगसहस्सकलियं
१.हंद (क,त्रि,हीव); हंत (ख,प,पुत्,शावृ)।
त्ति अप्पेगइया जीयमेयं । औपपातिके (५२) २. सं० पा०.--सक्के तं चेव जाव अंतियं । पि एवमेव दृश्यते। ३. सुच्चा (क,ख,स)।
६. °मणुयत्तमाणा (अ,ब)अग्रपि एवमेव । ४. सं० पा०-हट्ठतुट्ठ जाव हियया ।
७. जं० ५।२२। ५. कोउहल्ल° (अ,ख,त्रि,ब, आवश्यकचूणि ८. रायपसेण इयसुत्ते (१७) अतः पर सब्विड्डीए पृ० १४१); कोऊहल्ल° (क,स); रायपसेणिय- जाव अकालपरिहीणं' इति पाठो दृश्यते। सत्रे (१६) अन्यान्यपि कारणानि निर्दिष्टानि ६. पूर्णपाठार्थं द्रष्टव्यम्-- ज० ५।२७ । सन्ति । तत्प्रतिपादकः पाठः एवमस्ति– १०. आभिओग्गियं (अ,ख,ब)। 'कोऊहलवत्तियाए अप्पेगइया असुयाई ११. अब्भुग्गय (अ,क,ख,ब,स) । सुणिस्सामो, अप्पेगइया सुयाइं अट्ठाई हेऊइं १२. °मालिणीयं (अ,क,ख,त्रि,स); रायपसेणइयपसिणाई कारणाई वागरणाई पुच्छिस्सामो, सुत्ते (१७) तथा नायाधम्मकहाओ (१८६) अपेगइया सूरियाभस्म देवस्म वयणमण यत्ते- मालणीयं' इति पाठो स्वीकृतोस्ति । माणा अप्पेगइया अण्णमण्णमणुवत्तेमाणा, १३. रूअग° (क); रूपग° (क,त्रि, आवश्यकअप्पेगइया जिणभत्तिरागेणं अप्पेगइया धम्मो चूणि पृष्ठ १४१) ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |