Page Text
________________
१०८
जंबुद्दीवपण्णत्तो
उत्तरदाहिणायए, तहेव सव्वं, णवरं-णिसहवासहरपव्वयंतेणं एगमेगूणवीसइभाग जोयणस्स विक्खंभेणं, किण्हे किण्होभासे' जाव' आसयंति, उभओ पासिं दोहिं पउमवरवेइयाहि वणवण्णओ॥
२०२. कहि णं भंते ! जंबुद्दीवे दीवे महाविदेहे वासे वच्छे णामं विजए पण्णत्ते ? गोयमा ! णिसहस्स वासहरपव्वयस्स उत्तरेणं, सीयाए महाणईए दाहिणेणं, दाहिणिल्लस्स सीयामुहवणस्स पच्चत्थिमेणं, तिउडस्स वक्खारपव्वयस्स पुरथिमेणं, एत्थ णं जंबुद्दीवे दीवे महाविदेहे वासे वच्छे णाम विजए पण्णत्ते, तं चेव पमाणं सुसीमा रायहाणी, तिउडे वक्खारपव्वए । सुवच्छे विजए, कुंडला रायहाणी, तत्तजला णई। महावच्छे विजए, अपराजिया रायहाणी, वेसमणकूडे वक्खारपव्वए । वच्छावई विजए, पभंकरा रायहाणी, मत्तजला गई। रम्मे विजए, अंकावई रायहाणी, अंजणे वक्खारपव्वए। रम्मगे विजए, पम्हावई रायहाणी, उम्मत्तजला महाणई । रमणिज्जे विजए, सुभा रायहाणी, मायंजणे वक्खारपव्वए। मंगलावई विजए, रयणसंचया रायहाणी। एवं जह चेव सीयाए महाणईए उत्तरं पासं तह चेव दक्खिणिल्लं' भाणियव्वं, दाहिणिल्लसीयामुहवणाइ । इमे ववखारकूडा, तं जहा–तिउडे वेसमणकूडे अंजणे मायंजणे, विजया---- गाहा--
___ वच्छे सुवच्छे महावच्छे, चउत्थे वच्छगावई ।
रम्मे रम्मए चेव, रमणिज्जे मंगलावई ॥१॥ रायहाणीओ, तं जहा
सुसीमा कुंडला चेव, अवराइय पहंकरा।
अंकावई पम्हावई, सुभा रयणसंचया ॥२॥ वच्छस्स विजयस्स-णिसहे दाहिणेणं, सीया उत्तरेणं, दाहिणिल्लसीयामुहवणे पुरथिमेणं, तिउडे पच्चत्थिमेणं-सुसीमा रायहाणी, पमाणं तं चेव । वच्छाणंतरं तिउडे, तओ सुवच्छे विजए। एएणं कमेणं-तत्तजला णई, महावच्छे विजए। वेसमणकूडे वक्खारपव्व ए, वच्छावई विजए। मत्तजला णई, रम्मे विजए। अंजणे वक्खारपव्वए, रम्मए विजए। उम्मत्तजला णई, रमणिज्जे विजए। मायंजणे वक्खारपव्व ए, मंगलावई विजए॥
२०३. कहि णं भंते ! जंबुद्दीवे दीवे महाविदेहे वासे सोमणसे णामं वक्खारपव्वए पण्णत्ते ? गोयमा ! णिसहस्स वासहरपव्वयस्स उत्तरेणं, मंदरस्स पव्वयस्स दाहिणपुरत्थिमेणं, मंगलावईविजयस्स पच्चत्थिमेणं, देवकुराए" पुरत्थिमेणं, एत्थ णं जंबुद्दीवे दीवे महाविदेहे
१. किण्होभासे जाव महया गंधद्धाणिं मुयंते
(क,ख,त्रि,प,स)। २. जं० १११३ । ३. जं० ४११६७-१७७ । ४. अंजणे (अ,ब)। ५. दक्खिणं (अ,क,ख,त्रि,ब,स)।
६. तिउडकूडे (अ,ब) तिउडे कूडे (क,ख,त्रि)। ७. ४ (अ,ख,त्रि.ब,स)। ८. वह्मावई (अ,त्रि)। ६.सीयावणमुहे (अ,क,ख,त्रि,ब,स) । १०. मंगलावइस्स विजयस्स (अ,क,ख,त्रि,ब) । ११. देवकुराणं (स)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |