Page Text
________________
४७२
मगरमुहविउट्टसं ठाणसंठिया सव्ववइरामई अच्छा सहा ॥
२५. गंगा महाणई जत्थ पवडइ, एत्थ णं महं एगे गंगप्पवायकुंडे णामं कुंडे पण्णत्तेसट्ठि जोयणाई आयाम - विक्खंभेणं, णउयं जोयणसयं किचिविसेसाहियं परिक्खेवेणं दस जोयणाइं उब्वेहेणं अच्छे सहे रययामयकूले' वइरामयपासाने' 'सुहोतारे सुउत्तारे ाणामणितित्थ-बद्धे वइरतले सुवण्ण-सुज्झ रययमणिवालुयाए वेरुलियरमणिफालियपडलपच्चोयडे वट्टे समतीरे अणुपुव्वसुजायवप्पगंभीर सीयलजले संछण्णपत्तभिसमुणाले बहुउप्पल - कुमुय - णलिण-सुभग-सोगंधिय-पोंडरीय महापोंडरीय सयपत्त - सहस्सपत्त- पप्फुल्लकेसरोवचिए ' अच्छविमलपत्थसलिल पुणे पsिहत्थभमंतमच्छकच्छभ - अणेगसउणगणमिहुणपवियरिय- सदुन्नइयमहुरसरणाइए पासाईए दरिसणिज्जे अभिरूवे पडिरूवे । से णं एगाए पउमवरवेइयाए एगेण य वणसंडेणं सव्वओ समंता संपरिक्खित्ते, वेइया-वणसंडपमाणं वण्णओ भाणियव्वो" ॥
२६. तस्स णं गंगप्पवायकुंडस्स तिदिसिं तओ तिसोवाणपडिरूवगा पण्णत्ता, तं जहा - पुरत्थिमेणं दाहिणेणं पच्चत्थिमेणं । तेसि णं तिसोवाणपडिरूवगाणं अयमेयारूवे वण्णावासे पण्णत्ते, तं जहा - वइरामाया म्मा रिट्ठामया पट्टाणा वेरुलियामया खंभा सुवण्णरुप्पमया फलया लोहियक्खमईओ सूईओ वइरामया संधी णाणामणिमया आलंबणा आलंबणबाहाओ ||
जंबुद्दीपण्णत्ती
२७. तेसि णं तिसोवाणपडिरूवगाणं पुरओ पत्तेयं - पत्तेयं 'तोरणे पण्णत्ते ते णं तोरणा णाणामणिमया णाणामणिमएसु खंभेसु उवणिविद्वसंनिविट्ठा 'विविहतारारूवोवचिया विविहमुत्तंत रोवइया " ईहामिय-उसह तुरंग णर-मगर - विहग-वालगकिण्णर-रुरु-सरभ-चमर-कुंजर - वणलय- पउमलयभत्तिचित्ता खंभुग्गयवइरवेइयापरिगयाभिरामा" विज्जाहरजमलजुयलजंतजुत्ताविव अच्चीसहस्समालणीया रूवग सहस्सकलिया
१. रययामयकुंडे ( अ, ब ) ; रययमयकूले समतीरे ( प, शावृ ) ।
२. क्षेत्रसमासवृत्तौ तु वज्रमयपार्श्वमित्युक्तम्, तदनुसारेण सूत्रपाठस्तु 'वयरमयपासे' त्ति द्रष्टव्यम् (हीवृ) ।
३. चिन्हाङ्कित पाठस्य स्थाने 'प' प्रतौ शान्तिचन्द्रीयवृत्तौ च भिन्नः क्रमः क्वचिद् भिन्नपदश्च पाठो विद्यते - वइरतले सुवण्णसुब्भरययामयबालुयाए वे रुलिअमणि फालिअपडलपच्चोअडे सुहोतारे सुउत्तारे णाणामणितित्यसुबद्धे (पशावृ) ।
४. × (प, शावृ) ।
५. केसरोवचिए छप्पयमहुवरपरिभुज्जमाण
Jain Education International
1
कमले ( प, शावृ) 1
६. वणसंडगाणं पमाणं (त्रि, प ) ।
७. जं० १।१०-१३ ।
८. णिम्मा ( अ, क, त्रि, ब ) । ६. तोरणा पण्णत्ता (क, ख, त्रि, प ) । १०. विविहमुत्तंत रोवइया विविहतारारूवोवचिया ( प, शावृ); जीवाजीवाभिगमे (३२८८ ) पि एवमेव विद्यते, प' संकेतितादर्शः जीवाजीवाभिगमपरम्परानुसारी विद्यते, उपाध्यायशान्तिचन्द्रेणापि तस्य सूत्रस्य पाठपरम्परा अनुसृतास्ति बहुशः ।
For Private & Personal Use Only
११. खंभुतरवइर° ( अ, ब ) ।
१२. विज्जाहरजमल जंत' ( अ, क, त्रि, ब, स ) ।
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |