Page Text
________________
४५२
जंबुद्दीवपण्णत्ती
१६६. तए णं ताओ अट्ठारस सेणि-प्पसेणीओ भरहेणं रण्णा एवं वुत्ताओ समाणीओ हट्ठतुट्ठाओ जाव अट्ठाहियं महामहिमं करेंति, करेता तमाणत्तियं पच्चप्पिणंति ॥
१७०. तए णं से भरहे राया णिहिरयणाणं अट्ठाहियाए महामहिमाए णिवत्ताए समाणीए सुसेणं सेणावइरयणं सद्दावेइ, सद्दावेत्ता एवं वयासी-गच्छण्णं भो देवाणुप्पिया! गंगामहाणईए पुरथिमिल्लं णिक्खुडं दोच्चपि सगंगासागरगिरिमेरागं समविसमणिक्खुडाणि य ओयवेहि, ओयवेत्ता एयमाणत्तियं पच्चप्पिणाहि ॥
१७१. तए णं से सुसेणे तं चेव पुव्ववणियं भाणियव्वं जाव ओयवित्ता तमाणत्तियं पच्चप्पिणइ, पडिविसज्जिए' जाव भोगभोगाइं भुंजमाणे विहरइ॥
१७२. तए णं से दिव्वे चक्करयणे अण्णया कयाइ आउहघरसालाओ पडिणिक्खमइ, पडिणिक्खमित्ता अंतलिक्खपडिवण्णे जक्खसहस्ससंपडिवुडे दिव्वतुडिय" सहसण्णिणाएणं° आपूरेते चेव अंबरतलं विजयखंधावारणिवेसं मज्झंमज्झेणं णिग्गच्छइ, निग्गच्छित्ता दाहिणपच्चत्थिमं दिसिं विणीयं रायहाणि अभिमुहे पयाए यावि होत्था ॥
१७३. तए णं से भरहे राया 'तं दिव्वं चक्करयणं दाहिणपच्चत्थिमं दिसिं विणीयाए रायहाणीए अभिमुहं पयातं चावि पासइ, पासित्ता हट्ठतु?'- चित्तमाणदिए नंदिए पीइमणे परमसोमणस्सिए हरिसवसविसप्पमाणहियए कोडबियपूरिसे सद्दावेइ, सद्दावेत्ता एवं वयासी-खिप्पामेव भो देवाणुप्पिया ! आभिसेक्क' 'हत्थिरयणं पडिकप्पेह, हय-गय-रह-पवरजोहकलियं चाउरंगिणिं सेण्णं सण्णाहेह, एतमाणत्तियं पच्चप्पिणह ॥
१७४. तए णं ते कोडंबियपुरिसा जाव' पच्चप्पिणंति ॥
१७५. तए णं से भरहे राया अज्जियरज्जो णिज्जियसत्तू 'उप्पन्नसमत्तरयणे चक्करयणप्पहाणे- 'णवणि हिवई समिद्धकोसे" बत्तीसरायवरसहरसाणुयायमग्गे सट्ठीए वरिससहस्सेहिं केवलकप्पं भरहं वासं ओयवेइ, ओयवेत्ता कोडुंबियपुरिसे सद्दावेइ, सद्दावेत्ता एवं वयासी-खिप्पामेव भी देवाणप्पिया! आभिसेक्क हत्थिरयण पडिकप्पेह, हय-गय-रह"•पवरजोहकलियं चाउरंगिणि सेण्णं सण्णाहेह, एतमाणत्तियं पच्चप्पिणह ॥
१७६. तए णं ते कोडंबिय पुरिसा जाव पच्चप्पिणंति।
१७७. तए णं से भरहे राया जेणेव मज्जणघरे तेणेव उवागच्छइ, उवागच्छित्ता मज्जणधरं अणुपविसइ, अणुपविसित्ता समुत्तजालाकुलाभिरामे तहेव जाव धवलमहामेह णिग्गए इव गहगण-दिप्पंत-रिक्ख-तारागणाण मज्झ ससिव्व पियदंसणे णरवई मज्जणघराओ पडिणिक्खमइ, पडिणिक्खमित्ता हय-गय-रह-पवरवाहण-भड-चडगर-पहकरसंकुलाए सेणाए पहियकित्ती जेणेव बाहिरिया उवट्ठाणसाला जेणेव आभिसेक्के हत्थिरयणे तेणेव
१. पडिविसज्जेइ (प)। २. जं० ३।१५१-१५३ । ३. सं० पा०-दिवतुडिय जाव आपूरेते। ४ सं० पा०-राया जाव पासइ। ५. सं० पा०-हठ्ठतुट्ठ जाव कोडुबिय । ६.सं० पा०-आभिसेक्कं जाव पच्चप्पिणंति ।
७. जं० ३।८,१७३ । ८.समत्तरयणचक्करयण° (अ,क,ख,ब,स,पुत्,हीव
आवश्यकचूणि पृ० २०३)। ६. णवणिहिस मिद्धकोसे (आवश्यकचूणि पृ०
२०३)। १०. सं० पा०-हयगयरह तहेव अंजणगिरि ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |