Page Text
________________
४५०
जंबुद्दीवपण्णत्ती करेहि, करेत्ता ममेयमाणत्तियं पच्चप्पिणाहि ॥
१६५. तए णं से वड्डइरयणे भरहेणं रण्णा एवं वुत्ते समाणे हद्वतुट्ठ-चित्तमाणं दिए नंदिए पीइमणे परमसोमण स्सिए हरिसवसविसप्पमाणहियए करयलपरिग्गहियं सिरसावत्तं मत्थए अंजलि कट्ट एवं सामो ! तहत्ति आणाए विणएणं वयणं पडिसुणेइ, पडिसुणेत्ता भरहस्स रण्णो आवसहं पोसहसालं च करेइ, करेत्ता एयमाणत्तियं खिप्पामेव पच्चप्पिणति ।।
१६६. तए णं से भरहे राया आभिसेक्काओ हत्थिरयणाओ पच्चोरुहइ, पच्चोरुहित्ता जेणेव पोसहसाला तेणेव उवागच्छइ, उवागच्छित्ता पोसहसालं अणुपविसइ, अणुपविसित्ता पोसहसालं पमज्जइ, पमज्जित्ता दब्भसंथारगं संथरइ, संथरित्ता दब्भसंथारगं दुरुहइ, दुरुहित्ता निहिरयणाणं अट्ठमभत्तं पगिण्हइ ।।
१६७. तए णं से भरहे राया पोसहसालाए' •पोसहिए बंभयारी उम्मुक्कमणिसुवण्णे ववगयमालावण्णगविलेवणे णिक्खित्तसत्थमुसले दब्भसंथारोवगए अट्ठमभत्तिए णिहिरयणे मणसीकरेमाणे-मणसीक रेमाणे चिट्ठइ, तस्स य अपरिमियरत्तरयणा धुवमक्खयमव्वया' सदेवा' लोकोपचयंकरा' उवगया णव णिहिओ लोगविस्सुयजसा, तं जहा--
गाहा
नेसप्पे पंडुयए, पिंगलए सव्वरयण' महापउमे'। काले य महाकाले, माणवग महानिही संखे ॥१॥ णेसप्पंमि णिवेसा, गामागरणगरपट्टणाणं च। दोणमूहमडंबाणं, खंधावारावणगिहाणं ॥२॥ गणियस्स य उप्पत्ती', माणम्माणस्स जं पमाणं च । धण्णस्स य बीयाण य, उप्पत्ती पंडुए भणिया ॥६॥ सव्वा आभरणविही, पुरिसाणं जा य होइ महिलाणं । आसाण य हत्थीण य, पिंगलगणिहिमि सा भणिया ॥४॥ रयणाई सव्वरयणे, 'चोद्दस पवराई' चक्कवट्टिस्स। 'उप्पज्जतेगिदियाइं पंचिदियाइं च ||५||
१. सं० पा०-पोसहसालाए जाव णिहिरयणे। २. धुयमक्ख (क,प)। ३. सद्देवा (अ,ब); सदिव्वा (क,ख,त्रि,स, पु,
होवृ); सदेवा (हीवृपा)। ४. लोगपव्वयंकरा (पुवपा) । ५. सव्वरयणे (अ,क,ख,त्रि,ब)। ६. महपउमे (अ,ब,स)। ७. खंधाराणं गिहाणं च (ठाणं ६।२२।२) । ८. उ (अ,ब)।
६. क्वचित् गणियस्स य बीयाणं ति पाठः क्वचित्
गीयाणं ति पाठः (पुवृ); बीयाणं (ठाणं
६।२२।३)। १०. चोहसवि वराई (अ,क,ख,प,ब,स,शावृ) । ११. उप्पज्जते पंचिदियाई एगिदियाइं च (क,ख,
स, आवश्यकचूणि पृ० २०२); उप्पज्जंत एगिदियाइं (प); उप्पज्जंति एगिदियाइं० (ठाणं ६।२२।५)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |