Page Text
________________
४४०
जंबुद्दीवपण्णत्ती १२२. तए णं तस्स भरहस्स रण्णो सत्तरत्तंसि परिणममाणंसि इमेयारूवे अज्झथिए चितिए पत्थिए मणोगए संकप्पे समुप्पज्जित्था-केस णं भो' ! अपत्थियपत्थए दुरंतपंतलक्खणे हीणपुण्णचाउद्दसे हिरिसिरि° परिवज्जिए जे णं ममं इमाए एयारूवाए' दिव्वाए देवड्डीए दिव्वाए देवजुईए दिव्वेणं देवाणुभावेणं लद्धाए पत्ताए° अभिसमण्णागयाए उप्पि विजयखंधावारस्स जुगमुसलमुट्ठि'प्पमाणमेत्ताहिं धाराहिं ओघमेघ सत्तरत्तं वासं वासइ॥
१२३. तए णं तस्स भरहस्स रण्णो इमेयारूवं अज्झत्थियं चिंतियं पत्थियं मणोगयं संकप्पं समुप्पण्णं जाणित्ता सोलस देवसहस्सा सण्णज्झिउंपवत्ता यावि होत्था ॥
१२४. तए णं ते देवा सण्णद्धबद्धवम्मियकवया उप्पीलियसरासणपट्टिया पिणद्धगेवेज्ज-बद्धआविद्धविमलवरचिंधपट्टा गहियाउहप्पहरणा जेणेव ते मेहमुहा णागकुमारा देवा तेणेव उवागच्छंति, उवागच्छित्ता मेहमुहे णागकुमारे देवे एवं वयासी-हं भो ! मेहमुहा णागकुमारा देवा ! अपत्थियपत्थगा' 'दुरंतपंतलक्खणा हीणपुण्णचाउद्दसा हिरिसिरि परिवज्जिया किण्णं तुब्भे ण याणह भरहं रायं चाउरंतचक्कट्टि महिड्डीयं 'महज्जुईयं महावलं महायसं महासोक्खं महाणुभागं णो खलु एस सक्को केणइ देवेण वा दाणवेण वा किण्णरेण वा किंपुरिसेण वा महोरगेण वा गंधव्वेण वा सत्थप्पओगेण वा अग्गिप्पओगेण वा मंतप्पओगेण वा उद्दवित्तए वा पडिसेहित्तए वा, तहावि णं तुब्भे भरहस्स रण्णो विजयखंधावारस्स उप्पि जुगमुसलमुट्ठिप्पमाणमेत्ताहिं धाराहिं ओघमेघं सत्तरत्तं वासं वासह, तं एवमवि गते , इत्तो खिप्पामेव अवक्कमह अहव णं अज्ज पासह चित्तं जीवलोगं ।।
१२५. तए णं ते मेहमुहा णागकुमारा देवा तेहिं देवेहिं एवं वुत्ता समाणा भीया तत्था वहिया उव्विग्गा संजायभया मेहाणीक पडिसाहरंति, पडिसाहरित्ता जेणेव आवाडचिलाया तेणेव उवागच्छंति, उवागच्छित्ता आवाडचिलाए एवं वयासी-एस णं देवाणुप्पिया! भरहे राया महिड्डीए" •महज्जुईए महावले महायसे महासोक्खे महाणुभागे णो खलु एस सक्को केणइ देवेण वा" "दाणवेण वा किण्ण रेण वा किंपुरिसेण वा महोरगेण वा गंधव्वेण वा सत्थप्पओगेण वा अग्गिप्पओगेण वा मंतप्पओगेण वा उद्दवित्तए वा पडिसेहित्तए वा, तहावि य णं"
एवं 'णत्थि से खहा, णवि तिसा व भयं' शेष ६. सं० पा०- अपत्थियपत्थगा जाव परिप्राग्वत्।
___ वज्जिया । अप्पत्थिय° (क, ख, त्रि, प, स)। १२. ण विलितं (आवश्यकचूणि पृ० १९८)। ७. सं० पा०-महिड्ढीय जाव उद्दवित्तए। १. एस (क, ख)।
८. किं बहु अधिक्षिपामः ? (शावृ)। २. सं० पा०-दुरंतपंतलक्खणे जाव परिव- ६. पासध (अ, त्रि, ब) । ___ज्जिए।
१०. मेहाणीतं (आवश्यकचूणि पृ० १९८) । ३. सं० पा०-एयारूवाए जाव अभिसमण्णा- ११. सं० पा० ---महिड्ढोए जाव णो। गयाए । एयाणुरूवाए (प)।
१२. सं० पा०-देवेण वा जाव अग्गिप्पओगेण वा ४. सं० पा०-जुगमुसलमुट्ठि जाव वासं।
जाव उद्दवित्तए। ५. सं० पा०-सणद्धबद्धवमियकवया जाव १३. तहवि पूर्ण (अ, क, ख, ब, स); तहवि य णं गहियाउह।
(त्रि)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |