Page Text
________________
४२६
जंबुद्दीवपण्णत्तौ भोयणमंडवाओ पडिणिक्खमइ, पडिणिक्खमित्ता जेणेव वाहिरिया उवदाणसाला जेणेव सीहासणे तेणेव उवागच्छइ, उवागच्छित्ता सीहासणवरगए पुरत्थाभिमुहे णिसीयइ, णिसीइत्ता अट्ठारस सेणि-प्पसेणीओ सद्दावेइ, सद्दावेत्ता एवं वयासी -खिप्पामेव भो देवाणुप्पिया ! उसुक्कं उक्करं उक्किट्ठ अदिज्जं अमिज्ज अभडप्पवेसं अदंडकोदंडिमं अधरिमं गणियावरणाडइज्जकलियं अणेगतालायराणुचरियं अणुद्धयमुइंगं अमिलायमल्लदामं पमुइयपक्कीलिय-सपुरजणजाणवयं विजयवेजइयं कयमालं देवं अट्ठाहियं महामहिम करेह, करेत्ता मम एयमणत्तियं पच्चप्पिणह॥
७५. तए णं ताओ अट्ठारस सेणि-प्पसेणीओ भरहेणं रण्णा एवं वुत्ताओ समाणीओ हद्वतुवाओ जाव अट्टाहियं महामहिमं करेंति, करेत्ता तमाणत्तियं° पच्चप्पिणंति ॥
७६. तए णं से भरहे राया कयमालस्स देवस्स अट्टाहियाए महामहिमाए णिवत्ताए समाणीए सुसेणं सेणावई सद्दावेइ, सद्दावेत्ता एवं वयासी-गच्छाहि णं भो देवाणुप्पिया ! सिंधए महाणईए पच्चथिमिल्लं णिक्खुडं ससिंधुसागरगिरिमेरागं समविसमणिक्खुडाणि य ओयवेहि, ओयवेत्ता अग्गाइं वराई रयणाई पडिच्छाहि, पडिच्छित्ता ममेयमाणत्तियं पच्चप्पिणाहि ॥
७७. तते णं से सेणावई बलस्स णेया, भरहे वासंमि विस्सुयजसे, महाबलपरक्कमे महप्पा ओयंसी 'तेयसी लक्खणजुत्ते” मिलक्खुभासाविसारए चित्तचारुभासी भरहे वासंमि णिक्खुडाणं निण्णाण य दुग्गमाण' य दुक्खप्पवेसाण' य वियाणए अत्थसत्थकुसले रयणं सेणावई सुसेणे भरहेणं रण्णा एवं वुत्ते समाणे हट्टतुट्ठ-चित्तमाणंदिए दिए पीइमणे परमसोमणस्सिए हरिसवसविसप्पमाणहियए' करयलपरिग्गहियं दसणहं सिरसावत्तं मत्थए अंजलि कटु एवं सामी ! तहत्ति आणाए विणएणं वयणं पडिसुणेइ, पडिसुणेत्ता भरहस्स रण्णो अंतियाओ पडिणिक्खमइ, पडिणिक्खमित्ता जेणेव सए आवासे" तेणेव उवागच्छइ, उवागच्छित्ता कोडुवियपुरिसे सद्दावेइ, सद्दावेत्ता एवं वयासो-खिप्पामेव भो देवाणुप्पिया! आभिसेक्कं हत्यिरयणं पडिकप्पेह हय-गय-रह-पवर जोहकलियं° चाउरंगिणि सेण्णं सण्णाहेहत्तिकटु जेणेव मज्जणघरे तेणेव उवागच्छइ, उवागच्छित्ता मज्जणघरं अणुपविसइ, अणुपविसित्ता हाए कयबलिकम्मे कयकोउय-मंगल-पायच्छित्ते सन्नद्धबद्धवम्मियकवए उप्पीलियसरासणपट्टिए पिणद्धगेवेज्ज-बद्धआविद्धविमलवरचिधपट्टे' गहियाउहप्पहरणे अणेगगणणायग-दंडणायग"- राईसर-तलवर-माडंविय-कोडुंबिय-मंति - महामंतिगणग-दोवारिय-अमच्च-चेड-पीढमद्द-नगर-निगम- सेट्ठि- सेणावइ-सत्थवाह- दूय- संधिवाल° १. तेयलक्खणजुत्ते (क, ख, त्रि, प, स, शावृ, ही ६. सिग्घा मेव (अ, ब)। पुत्पा, आवश्यकचूणि पृ० १६०) ।
७. अभिसेक्क (अ,ब) । २. दुसमाण (अ, ब)।
८. सं० पा०-हयगयरहपवर जाव चाउरंगिणि। ३. दुप्पवेसाण (प, स, शावृ)।
६. गेवेज्जे (अ,ख,ब,स,पुर्व); गेवेज्ज (पुवपा)। ४. सं० पा०.-हटतुटुचित्तमाणं दिए जाव १०. चिंधवट्टे (ब)। करयल।
११. सं० पा०-दंडणायग जाव सद्धि । ५. आवासए (ब)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |