Page Text
________________
जंबुद्दीपणती
१५. तए णं से भरहे राया तं दिव्वं चक्करयणं गंगाए महाणईए दाहिणिल्लेणं कूलेणं पुरथिमं दिसि माहतित्थाभिमुहं पयातं पासइ, पासित्ता हट्टतुट्ठ' - चित्तमाणं दिए नंदिए पीइमणे परमसोमणस्सिए हरिसवसविसप्पमाण हियए कोडुंवियपुरिसे सहावे, सावेत्ता एवं वयासी - खिप्पामेव भो देवाणुप्पिया ! आभिसेक्कं हत्थिरयणं पडिकप्पेह, हयगय रहपवरजोहकलियं चाउरंगिण सेण्णं सण्णाहेह, एतमाणत्तियं पच्चप्पिह ||
१६. तणं ते कोडुंबियपुरिसा जाव' पच्चप्पिणंति ॥
१७. तणं से भरहे राया जेणेव मज्जणघरे तेणेव उवागच्छइ, उवागच्छित्ता मज्जणघरं अणुपविस, अणुपविसित्ता समुत्तजालाकुलाभिरामे तहेब जाव' धवल - महामेहणिग्गए इव गगण - दिप्पंत-रिक्ख तारागणाण मज्झे ससिव्व पियदसणे णरवई मज्जणघराओ पडिणिक्खमइ, पडिणिक्खमित्ता हय-गय-रह-पवरवाहण भड चडगर-पहकर संकुलाए सेण पहियकित्ती जेणेव बाहिरिया उवट्टाणसाला जेणेव अभिसेक्के हत्थरयणे तेव उवागच्छइ, उवागच्छित्ता अंजणगिरिकडगसण्णिभं गयवई णरवई दुरुढे ॥
१८. तए णं से भरहाहिवे परिंदे हारोत्ययसुकयरइयवच्छे कुंडल उज्जोइयाणणे मउदित्तसिरए णरसीहे णरवई गरिदे णरवसभे मरुयरायवसभकप्पे अब्भहियरायतेयलच्छीए दिप्पमाणे पसत्थमंगलस एहि संयुव्वमाणे जयसद्दक्यालोए हत्थिबंधवरगए संकोरंटमल्लदामेणं छत्तेणं धरिज्जमाणेणं सेयवरचामराहि उद्धव्वमाणीहि उद्धव्वमाणीहिं जक्खसहस्ससंपरिवुडे वेसमणे चेव धणवई अमरवइसण्णिभाए इड्डीए पहियकित्ती गंगाए महाणईए दाहिणिल्लेणं कूलेणं गामागर-नगर- खेड - कब्बड - मडंव - दोणमुह-पट्टणासम-संबाहसहस्समंडियं थिमियमेइणीयं वसुहं अभिजिणमाणे- अभिजिणमाणे अग्गाई वराई रयणाई पडिच्छमाणे- पडिच्छमाणे तं दिव्वं चक्करयणं अणुगच्छमाणे अणुगच्छमाणे जोयणंतरिया हि वसहीहि वसमाणे वसमाणे जेणेव मागहतित्थे तेणेव उवागच्छइ, उवागच्छित्ता मागहतित्थस्स अदूरसामंते दुवालसजोयणायामं णवजोयणविच्छिण्णं वरणगरसरिच्छं विजयखंधावारनिवेसं करेइ, करेत्ता वड्ढइरयणं सद्दावेइ, सद्दावेत्ता एवं वयासी - खिप्पामेव भो देवाप्पिया ! मम आवासं पोसहसालं च करेहि, करेत्ता ममेयमाणत्तियं पच्चप्पिणाहि ॥
१६. तए णं से वड्ढइरयणे भरहेणं रण्णा एवं वृत्ते समाणे हट्ट - चित्तमाणं दिए नंदिए पोमणे' 'परमसोमणस्सिए हरिसवसविसप्पमाणहियए करयलपरिग्गहियं सिरसावत्तं मत्थए अंजलि कट्टु एवं सामी ! तहत्ति आणाए विणणं वयणं पडिसणे, पडसुत्ता भरस्सरणो आवसहं पोसहसालं च करेइ, करेत्ता एयमाणत्तियं खिप्पामेव पच्चपिणति ॥
२०. तए णं से भरहे राया अभिसेक्काओ हत्थिरयणाओ पच्चोरुहइ, पच्चोरुहित्ता
૪૧૦
१. सं० पा०-हट्टतुटु जाव हियए ।
२. जं ३।८,१५ ।
३. जं० ३१६ ।
४. सं० पा० इव जाव ससिव्व ।
५. सार्द्धमिति शेषः (शावृ) ।
Jain Education International
६. मणुराय (त्रि, ही वृ ) ।
७. अमहिय रायलच्छीए ( अ, त्रि, ब ) । ८. मेतिणीयं ( अ, ब ) ।
६. सं० पा० पीइमाणे जाव अंजलि ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |