Page Text
________________
३८८
जंबुद्दीवपण्णत्ती समाणे पुरिमतालस्स नगरस्स बहिया 'सगडमुहंसि उज्जाणंसि" णग्गोहवरपायवस्स अहे झाणंतरियाए वट्टमाणस्स फग्गुणबहुलस्स इक्कासीए पुव्वण्हकालसमयंसि अट्ठमेणं भत्तेणं अपाणएणं उत्तरासाढाणक्खत्तणं' जोगमवागएणं अणत्तरेणं नाणेणं अणत्तरेणं दंसणेणं अणुत्तरेणं चरित्तेणं अणुत्तरेणं तवेणं बलेणं वीरिएणं आलएणं विहारेणं भावणाए खंतीए गुत्तीए मुत्तीए तुट्ठीए अज्जवेणं मद्दवेणं लाघवेणं सुचरियसोवचियफलणिव्वाणमग्गेणं" अप्पाणं भावेमाणस्स अणंते अणुत्तरे णिव्वाघाए णिरावरणे कसिणे पडिपुण्णे केवलवरनाणदंसणे समुप्पन्ने, जिणे जाए केवली सव्वण्णू सव्वदरिसी सणेरइयतिरियनरामरस्स लोगस्स पज्जवे जाणइ पासइ, तं जहा-आगई गई ठिइं उववायं भुत्तं कडं पडिसेवियं आवीकम्म रहोकम्म तं तं काल मणवइकाइए जोगे एवमादी जीवाणवि सव्वभावे अजीवाणवि सव्वभावे मोक्खमग्गस्स विसुद्धतराए भावे जाणमाणे पासमाणे, एस खलू मोक्खमग्गे 'मम अण्णेसि" च जीवाणं हियसुहणिस्सेसकरे सव्वदुक्खविमोक्खणे परमसुहसमाणणे भविस्सइ॥
७२. तते णं से भगवं समणाणं निग्गंथाण य णिग्गंथीण य पंच महव्वयाइं सभावणगाइं छच्च जीवणिकाए धम्मे देसमाणे विहरति, तं जहा-पुढविकाइए भावणागमेणं पंच महव्वयाइं सभावणगाइं भाणियव्वाई।
७३. उसभस्स णं अरहओ कोसलियस्स चउरासीति गणहरा होत्था ।
७४. उसभस्स णं अरहओ कोसलियस्स उसभसेणपामोक्खाओ चुलसीइं समणसाहस्सीओ उक्कोसिया समणसंपया होत्था ।
७५. उसभस्स णं अरहओ कोसलियस्स बंभी-सुंदरीपामोक्खाओ तिण्णि अज्जियासयसाहस्सीओ उक्कोसिया अज्जियासंपया होत्था ॥
७६. उसभस्स णं अरहओ कोसलियस्स सेज्जंसपामोक्खाओ तिण्णि समणोवासगसयसाहस्सीओ पंच य साहस्सीओ उक्कोसिया समणोवासगसंपया होत्था ।
७७. उसभस्स णं अरहओ कोस लियस्स सुभद्दापामोक्खाओ पंच समणोवासियासयसाहस्सीओ चउपण्णं च सहस्सा उक्कोसिया समणोवासियासंपया होत्था ।
७८. उसभस्स णं अरहओ कोसलियस्स अजिणाणं जिणसंकासाणं सव्वक्खरसन्नि
१, सगडामुहउज्जाणंसि (ब)। २. उत्तरासाढणक्खत्तेणं (त्रि, ब)। ३. सं० पा०—नाणेणं जाव चरित्तेणं। ४. एतत्पदं सर्वत्र संयोजनीयम् । ५. °सोबच्चफले णेव्वाण° (अ, ब)। ६. x (अ,क,ख,त्रि,ब,स,पुत्,हीव)। ७. ममयमण्णेसि (ब)। ८. धम्म (ख,त्रि,प,स,पुत्र); धम्मे (पुत्पा) । ६. आ० चू० १५५४२-७८ ।
१०. पर्युषणाकल्पे (सू० १६७) 'चउरासीइं गणा
चउरासीइं गणहरा' इतिपाठो लभ्यते । उपाध्यायशान्तिचन्द्रेण अस्मिन् विषये प्रस्तुतसूत्रस्य जीर्णादर्शपि एतादृशस्य पाठस्योल्लेख: कृतोस्ति- जस्स जावइया गणहरा तस्स तावइया गणा' इति वचनाद् गणाः सूत्रे साक्षादनिर्दिष्टा अपि तावन्त एव बोध्याः, क्वचिजजीर्णप्रस्तुतसूत्रादर्श 'चउरासीति गणा गणहरा होत्था' इत्यपि पाठो दृश्यते ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |