Page Text
________________
बीओ वक्खारो
३८१
३३. अत्थि णं भंते ! तीसे समाए भरहे वासे सगडाइ वा रहाइ वा जाणाइ वा जुग्गगिल्लि-थिल्लि-सीअ-संदमाणिआइ वा ? णो इणठे समठे, पायचारविहारा णं ते मणुया पण्णत्ता समणाउसो ! ॥
३४. अत्थि णं भंते ! तीसे समाए भरहे वासे गावीइ वा महिसीइ वा अयाइ वा एलगाइ वा ? हंता अत्थि, णो चेव णं तेसिं मणुयाणं परिभोगत्ताए हव्वामागच्छति ।।
३५. अत्थि णं भंते ! तीसे समाए भरहे वासे आसाइ वा हत्थि-उट्ट-गोण-गवय-अयएलग-पसय-मिय-वराह-रुरु-सरभ-चमर-कुरंग-गोकण्णमाइया ? हंता अत्थि, णो चेव णं तेसिं मणुयाणं परिभोगत्ताए हव्वमागच्छंति ॥
३६. अत्थि णं भंते ! तीसे समाए भरहे वासे सीहाइ वा वग्घाइ वा विग-दीविगअच्छ-तरच्छ-सियाल-बिडाल-सूणग-कोकंतिय-कोलसूणगाइ वा ? हंता अत्थि, णो चेव ण 'ते अण्णमण्णस्स तेसिं वा" मणयाणं आबाहं वा वाबाहं वा छविच्छेयं वा उप्पाएंति, पगइभद्दया णं ते सावयगणा पण्णत्ता समणाउसो ! ॥
३७. अत्थि णं भंते ! तीसे समाए भरहे वासे सालीति वा वीहि-गोहूम-जवजवजवाइ वा कल'-मसूर-मुग्ग-मास-तिल-कुलत्थ-णिप्फावग-आलिसंदग-अयसि-कुसुंभकोहव-कंगू-वरग-रालग-सण-सरिसव-मूलाबीआइ वा ? हंता अत्थि, णो चेव णं तेसिं मणुयाणं परिभोगत्ताए हव्वमागच्छंति ।।
३८. अत्थि णं भंते ! तीसे समाए भरहे वासे गड्ढाइ वा दरी-ओवाय-पवाय-विसमविज्जलाइ वा ? णो इणठे समठे, भरहे वासे बहुसमरमणिज्जे भूमिभागे पण्णत्ते, से जहाणामए आलिंगपुक्खरेइ वा ॥
३६. अत्थि णं भंते ! तीसे समाए भरहे वासे खाणूइ वा कंटग-तणय-कयवराइ वा पत्तकयवराइ वा ? णो इणठे समठे, ववगयखाणुकंटगतणकयवर-पत्तकयवरा णं सा समा पण्णत्ता समणाउसो ! ॥
४०. अत्थि णं भंते ! तीसे समाए भरहे वासे डंसाइ वा मसगाइ वा जूआइ वा लिक्खाइ वा ढिकुणाइ वा पिसुआइ वा ?णो इणठे समठे, ववगय डंस-मसग-जूअ-लिक्खढिंकुण-पिसुआ उवद्दवविरहिया णं सा समा पण्णत्ता समणाउसो ! ॥
४१. अत्थि णं भंते ! तीसे समाए भरहे वासे अहीइ वा अयगराइ वा ? हंता अत्थि, णो चेव णं' 'ते अण्णमण्णस्स तेसि वा मणुयाणं आवाहं वा वावाहं वा छविच्छयं वा
१. स्वीकृतपाठः हीरविजय-पुण्यसागरवृत्त्योरनु- सारीवर्तते जीवाजीवाभिगमे (३१६२०) पि एवमेव पाठो दृश्यते। शेषादशेषु प्रमेयरत्नमञ्जूषायां च 'नो चेव णं ते स मणयाणं'
इत्येव पाठो दृश्यते। २. x (अ,ब)। ३. कलम (क,त्रि,हीवृ)। ४. कुसुभग (अ,ख,त्रि,ब)।
५. वग (अ,ब); x (त्रि, पुवृ,हीवृ)। ६. मूलबीजाति (क, ख, त्रि, प); मूलक: --
शाकविशेष: तस्य बीजानि, प्राकृतत्वात् कका
रलोपसन्धिभ्यां निष्पत्तिः (शा)। ७. जी० ३ २७७ । ८. उवद्दवबाहाविरहिया (क,ख,त्रि,स,हीव) । ६. सं० पा०—णो चेव णं तेसिं मणयाणं आबाहं
वाबाहं वा जाव पगइभद्दया ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |