Page Text
________________
३६६
बुद्दीपण्णत्ती
रयणामया अच्छा सहा लम्हा घट्टा मट्ठा णोरया णिम्मला निप्पंका निक्कंकडच्छाया सप्पा सस्सिया समिरीया सउज्जोया पासा दीया दरिसणिज्जा अभिरुवा पडिरुवा । तत्थ णं सक्कस्स देविंदस्स देवरण्णो सोम-जम - वरुण - वेसमणकाइया बहवे आभिओग्गा देवा महिड्डीया महज्जुईया' 'महाबला महायसा महासोक्खा महाणुभागा पलिओवमट्ठिया परिवसंति ॥
३२. तासि णं आभिओग्गसेढीणं बहुसमरमणिज्जाओ भूमिभागाओ वेयस्स पव्वयस्स उभओ पासि पंच-पंच जोयणाई उड्ढं उप्पइत्ता, एत्थ णं वेयड्डूस्स पव्वयस्स सिहरतले पण्णत्ते - पाईणपडीणायए' उदीणदाहिणविच्छिण्णे दस जोयणाई विक्खंभेणं, पव्वयसमगे आयामेणं । से णं एक्काए पउमवरवेइयाए एक्केण य वणसंडेणं सव्वओ समंता संपरिक्खिते । पमाणं वण्णगो' दोहंपि ॥
३३. वेयडुस्स णं भंते ! पव्वयस्स सिहरतलस्स केरिसए आगारभाव पडोयारे पण्णत्ते ? गोयमा ! बहुसमरमणिज्जे भूमिभागे पण्णत्ते से जहाणामए-आलिंगपुक्खरेइ वा जाव णाणाविह पंचवणेहि मणीहि तणेहि य उवसोभिए जाव वावीओ पुक्खरिणीओ जाव* वाणमंतरा देवाय देवीओ य आसयंति' 'संयंति चिट्ठेति णिसीयंति तुयट्टेति रमंति लंति कीडंति मोहंति, पुरा पोराणाणं सुचिण्णाणं सुपरक्कंताणं सुभाणं कडाणं कम्माणं कल्लाणाणं कल्लाणं फलवित्तिविसेसं भुजमाणा विहरंति ॥
३४. जंबुद्दीवे णं भंते ! दीवे भारहे वासे वेयडपव्वए कइ कूडा पण्णत्ता ? गोयमा ! णव कूडा पण्णत्ता, तं जहा- सिद्वायतणकूडे दाहिणड्डूभरहकूडे खंडप्पवाय गुहाकूडे भिडे वेडे पुण्णभद्दकूडे तिमिसगुहाकूडे उत्तरढभ रहकूडे वेसमणकूडे ॥
३५. कहि णं भंते ! जंबुद्दीवे दीवे भारहे वासे वेयपव्वए सिद्धायतणकडे णामं कुडे पण्णत्ते ? गोयमा ! पुरत्थिमलवणसमुद्दस्स पच्चत्थिमेणं दाहिणड्डूभरहकूडस्स पुरत्थिमेणं, एत्थ णं जंबुद्दीवे दीवे भारहे वासे वेयड्डपव्त्रए सिद्धायतणकडे णामं कडे पण्णत्ते, छ सक्कोसाइं जोयणाई उड्ढं उच्चत्तेणं, मूले छ सक्कोसाइं जोयणाई विक्खंभेणं, मज्झे सूणाई पंच जोयणाइं विक्खभेणं, उवरि साइरेगाई तिण्गि जोयणाई विक्खभेणं, मूले सूणाई वीसं जोयणाई परिक्खेवेणं, मज्झे देसूणाई पण्णरस जोयणाई परिक्खेवेणं, उवरि साइरेगाई णव जोयणाई परिक्खेवेणं, मूले विच्छिण्णे मज्झ संखित्ते उप्पि तणुए गोपुच्छठाणसं ठिए सव्वरयणामए अच्छे सण्हे जाव' पडिरूवे । से णं एगाए पउमवर वेश्याए एगेण य वणसंडेणं सव्वओ समंता संपरिखित्ते, पमाणं वण्णओ दोहंपि ॥
३६. सिद्धायतणकूडस्स णं उप्पि बहुसमरमणिज्जे भूमिभागे पण्णत्ते, जहाणामए -आलिंगपुक्खरेइ वा जाव' वाणमंतरा देवा य' 'देवीओ य आसयंति सयंति चिट्ठति
१. सं०पा० --- महज्जुईया जाव महासोक्खा ।
२. पाईपडियायए ( अ, त्रि, प ) ।
३. जी० ३.२६३-२६५ ।
४. जी० ३।२७५-२६५ ।
५. सं०पा० – आसयंति जाव भुजमाणा ।
Jain Education International
६. जं० १८ ।
७. जी० ३।२६३-२६५ ।
८. जी० ३।२७५-२६५ ।
६. सं० पा० देवाय जाव विहति ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |