Page Text
________________
छत्तीसइमं समुग्धायपयं
३५३ एगसमइएण वा दुसमइएण वा तिसमइएण वा विग्गहेण एवतिगालस्स अफण्णे एवतिकालस्स फुडे । सेसं तं चेव जाव' पंचकिरिया वि॥
७२. एवं णेरइए वि, णवरं-आयामेणं जहण्णेणं अंगुलस्स संखेज्जइभागं, उक्कोसेणं संखेज्जाइं जोयणाई एगदिसि एवतिए खेत्ते। केवतिकालस्स तं चेव जहा जीवपए। एवं जहा णेरइयस्स तहा असुरकुमारस्स, णवरं-- एगदिसि विदिसिं वा। एवं जाव थणियकुमारस्स । वाउक्काइयस्स जहा जीवपदे, णवरं-एगदिसिं । पंचेंदियतिरिक्खजोणियस्स णिरवसेसं जहा रइयस्स मणस-वाणमंतर-जोतिसिय-वेमाणियस्स णिरवसेसं जहा असुरकुमारस्स॥
७३. जीवे णं भंते ! तेयगसमुग्घाएणं' समोहए समोहणित्ता जे पोग्गले णिच्छभइ तेहि णं भंते ! पोग्गलेहिं केवतिए खेत्ते अफुण्णे ? एवं जहेव' वेउव्वियसमुग्घाए तहेव, णवरं-आयामेणं जहण्णेणं अंगुलस्स संखेज्जतिभागं', सेसं तं चेव ।एवं जाव वेमाणियस्स, णवरं-पंचेंदियतिरिक्खजोणियस्स एगदिसिं एवतिए खेत्ते अफण्णे ॥
७४. जीवे णं भंते ! आहारगसमुग्घाएणं समोहए समोहणित्ता जे पोग्गले णिच्छभइ तेहि णं भंते ! पोग्गलेहि केवतिए खेत्ते अफुण्णे ? केवतिए खेत्ते फुडे ? गोयमा ! सरीरपमाणमेत्ते विक्खंभ-बाहल्लेणं, आयामेणं जहण्णेणं अंगुलस्स संखेज्जतिभागं, उक्कोसेणं संखेज्जाइं जोयणाई एगदिसि एवइए खेत्ते अफुण्णे एवइए खेत्ते फुडे ॥
७५. से णं भंते ! केवइकालस्स अफुण्णे ? केवइकालस्स फुडे ? गोयमा ! एगसमइएण वा दुसमइएण वा तिसमइएण वा विग्गहेणं एवतिकालस्स अफुण्णे एवतिकालस्स फुडे ।
७६. ते णं भंते ! पोग्गला केवतिकालस्स णिच्छुभति ? गोयमा ! जहण्णेण वि उक्कोसेण वि अंतोमुहुत्तस्स ॥
७७. ते णं भंते ! पोग्गला णिच्छूढा समाणा जाइं तत्थ पाणाइं भूयाइं जीवाई सत्ताइ अभिहणंति जाव उद्दवेंति तओ" णं भंते ! जीवे कतिकिरिए ? गोयमा ! सिय तिकिरिए सिय चउकिरिए सिय पंचकिरिए। ते णं भंते ! जीवा तातो जीवाओ कतिकिरिया ? गोयमा ! एवं चेव ॥
७८. से णं भंते ! जीवे ते य जीवा अण्णेसिं जीवाणं परंपराघाएणं कतिकिरिया ? गोयमा ! तिकिरिया वि चउकिरिया वि पंचकिरिया वि । एवं मणूसे वि॥
१. प० ३६।६१-६४ । २. तेयास (क); तेयस° (ग)। ३. प० ३६।७०-७२ । ४. असंखेज्जतिभागं (क,ख,ग,घ); वृत्तौ 'असंखेज्जतिभागं' इति पाठस्यैव समर्थन कृतमस्ति--तेषां तेजससमुद्घातमारभमाणानां जघन्यतोपि क्षेत्रमायामतोगुलासंख्येयभागप्रमाणं भवति, न तु संङ्ख्येयभागमानम्। तथापि समनपाठाध्ययनेन अत्र संखेज्जतिभागं'
इति पाठ एव समीचीनः। वैक्रियसमुद्घातसूत्रे 'अंसंखेज्जतिभागं' इति पाठो विद्यते । यदि अत्र 'अंसखेज्जतिभागं' इति पाठ इष्टो भवेत् तथा 'एवं जहेव वेउब्वियसमुग्घाए तहेव' इति पाठान्तरं णवरं-'आयामेणं जहणणं अंगुलस्स असंखेज्जतिभागं, सेसं तं
चेव' इति पाठस्य व्यर्थता स्यात् । ५. ते (क,ग,घ); तते (ख)।
For Private & Personal Use Only
Jain Education International
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |