Page Text
________________
३५०
पण्णवणासुतं
असंखेज्जगुणा, कसायसमुग्घाएणं समोहया संखेज्जगुणा, असमोहया असंखेज्जगुणा। वाणमंतर-जोतिसिय वेमाणिया जहा असुरकुमारा। कसायसमुग्घाय-पदं
४२. कति णं भंते ! कसायसमुग्धाया पण्णत्ता ? गोयमा ! चत्तारि कसायसमुग्घाया पण्णत्ता, तं जहा-कोहसमुग्धाए माणसमुग्घाए मायासमुग्घाए लोभसमुग्धाए ।
४३. णेरइयाणं भंते ! कति कसायसमुग्धाया पण्णत्ता? गोयमा! चत्तारि कसायसमुग्घाया पण्णत्ता । एवं जाव वेमाणियाणं ।।
४४. एगमेगस्स णं भंते ! णेरइयस्स केवइया कोहसमुग्धाया अतीता? गोयमा ! अणंता । केवतिया पुरेक्खडा? गोयमा ! कस्सइ अत्थि कस्सइ णत्थि । जस्सत्थि जहण्णेणं एक्को वा दो वा तिण्णि वा, उक्कोसेणं संखेज्जा वा असंखेज्जा वा अणंता वा। एवं जाव वेमाणियस्स। एवं जाव लोभसमुग्घाए । एते चत्तारि दंडगा॥
४५. णेरइयाणं भंते ! केवतिया कोहसमुग्घाया अतीता ? गोयमा ! अणंता । केवतिया पुरेक्खडा? गोयमा ! अणंता । एवं जाव वेमाणियाणं । एवं जाव लोभसमुग्घाए वि चत्तारि दंडगा ॥
४६. एगमेगस्स णं भंते ! णेरइयस्स णेरइयत्ते केवतिया कोहसमुग्घाया अतीता? गोयमा ! अणंता। एवं जहा' वेदणासमुग्घाओ भणिओ तहा कोहसमुग्घाओ वि भाणियव्वो णिरवसेस जाव वेमाणियत्त । माणसमुग्धाओं मायासमुग्घातो य णिरवसेसं जहा मारणंतियसमुग्धाओ। लोभसमुग्धाओ जहा' कसायसमुग्घाओ, णवरं-सव्वजीवा असुरादी णेरइएसु लोभकसाएणं एगुत्तरिया णेयव्वा ॥
४७. णेरइयाणं भंते ! णेरइयत्ते केवतिया कोहसमुग्धाया अतीता ? गोयमा ! अणंता। केवतिया पुरेक्खडा? गोयमा ! अणंता । एवं जाव वेमाणियत्ते । एवं सट्टाणपरहाणेसु सव्वत्थ वि भाणियव्वा सव्वजीवाणं चत्तारि समुग्घाया जाव लोभसमुग्घातो जाव वेमाणियाणं वेमाणियत्ते॥
४८. एतेसि णं भंते ! जीवाणं कोहसमुग्धाएणं माणसमुग्घाएणं मायासमुग्घाएणं लोभसमुग्धाएण य समोहयाणं अकसायसमुग्घाएणं समोहयाणं असमोहयाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा अकसायसमुग्धाएणं समोहया, माणसमुग्घाएणं समोहया अणंतगुणा, कोहसमुग्घाएणं समोहया विसेसाहिया, मायासमुग्घाएणं समोहया विसेसाहिया, लोभसमुग्धाएणं समोहया विसेसाहिया, असमोहया संखेज्जगुणा ॥
४६. एतेसि णं भंते ! णेरइयाणं कोहसमुग्धाएणं माणसमुग्धाएणं मायासमुग्घाएणं लोभसमुग्धाएणं समोहयाणं असमोहयाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा णेरइया लोभसमुग्घाएणं समोहया, मायासमुग्घाएणं समोहया संखेज्जगुणा, माणसमुग्धाएणं समोहया संखेज्जगुणा, कोहसमुग्घाएणं समोहया
३. ५० ३६।२१-२६ ।
१. ५० ३६।१८-२० । २.५० ३६।२७।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |