Page Text
________________
३४८
पण्णवणासुत्त उवउज्जिऊण' णेयव्वं जस्सत्थि वेउव्विय-तेयगा ।।
३३. णेरइयाणं भंते ! णेरइयत्ते केवतिया आहारगसमुग्धाता अतीता ? गोयमा ! णत्थि । केवतिया पुरेक्खडा? गोयमा ! नत्थि। एवं जाव वेमाणियत्ते, णवरं-मणूसत्ते अतीता असंखेज्जा, पुरेक्खडा असंखेज्जा । एवं जाव वेमाणियाणं, णवरं-वणस्सइकाइयाणं मणूसत्ते अतीता अणंता, पुरेक्खडा अणंता। मणसाणं मणूसत्ते अतीता सिय संखेज्जा सिय असंखेज्जा, एवं पुरेक्खडा वि। सेसा सव्वे जहा रइया। एवं एते चउव्वीसं चउव्वीसा दंडगा॥
३४. णेरइयाणं भंते ! णेरइयत्ते केवतिया केवलिसमुग्घाया अतीता ? गोयमा ! णत्थि । केवतिया पुरेक्खडा? गोयमा ! णत्थि । एवं जाव वेमाणियत्ते, णवरं-मणूसत्ते अतीता णत्थि, पुरेक्खडा असंखेज्जा । एवं जाव वेमाणिया, णवरं-वणप्फइकाइयाणं मणूसत्ते अतीता णत्थि, पुरेक्खडा अणंता। मणूसाणं मणूसत्ते अतीता सिय अत्थि सिय णत्थि । जदि अत्थि जहण्णणं एक्को वा दो वा तिण्णि वा, उक्कोसेणं सतपुहत्तं। केवतिया पुरेक्खडा? गोयमा ! सिय संखेज्जा सिय असंखेज्जा । एवं एते च उव्वीसं चउव्वीसा दंडगा सव्वे पुच्छाए भाणियव्वा जाव वेमाणियाणं वेमाणियत्ते ।। समोहयासमोहयाणं अप्पाबहुय-पदं
३५. एतेसि णं भंते ! जीवाणं वेयणासमुग्धाएणं कसायसमुग्घाएणं मारणंतियसमुग्धाएणं वेउव्वियसमुग्घाएणं तेयगसमुग्घाएणं आहारगसमुग्घाएणं केवलिसमुग्घाएणं समोहयाणं' असमोहयाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा आहारगसमुग्घाएणं समोहया, केवलिसमुग्घाएणं समोहया संखज्जगूणा, तेयगसमूग्घाएण समोहया असंखंज्जगुणा, वेउव्वियसमूग्घाएणं समोहया असंखेज्जगुणा, मारणंतियसमुग्घाएणं समोहया अणंतगुणा, कसायसमुग्घाएणं समोहया असंखेज्जगुणा, वेदणासमुग्घाएणं समोहया विसेसाहिया, असमोहया असंखेज्जगुणा ॥
३६. एतेसि णं भंते ! णेरइयाणं वेदणासमुग्घाएणं कसायसमुग्घाएणं मारणंतियसमग्घाएणं वेउब्वियसमग्घाएणं समोहयाणं असमोहयाण य कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा णेरइया मारणंतियसमुग्घाएणं समोहया, वेउव्वियसमुग्घाएणं समोहया असंखेज्जगुणा, कसायसमुग्घाएणं समोहया संखेज्जगुणा, वेदणासमुग्धाएणं समोहया संखेज्जगुणा, असमोहया संखेज्जगुणा ॥
३७. एतेसि णं भंते ! असुरकूमाराणं वेदणासमूग्घाएणं कसायसमग्घाएणं मारणंतियसमुग्घाएणं वेउव्वियसमुग्घाएणं तेयगसमुग्घाएणं समोहयाणं असमोहयाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा असुरकुमारा तेयगसमुग्धाएणं समोहया, मारणंतियसमुग्घाएणं समोहया असंखेज्जगुणा, वेयणासमुग्धाएणं समोहया असंखेज्जगुणा, कसायसमुग्घाएणं समोहया संखेज्जगुणा, वेउव्वियसमुग्घाएणं समोहया संखेज्जगुणा, असमोहया असंखेज्जगुणा । एवं जाव थणियकुमारा॥
१. उववेज्जिऊण (क); उववज्जिऊण (घ)।
२. सम्मोहयाणं (ग)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |