________________
१३४
पण्णवणासुतं
मणूसाण वि॥
२२. वाणमंतराणं पुच्छा। गोयमा ! पडहसंठाणसंठिए पण्णत्ते ॥ २३. जोतिसियाणं पुच्छा । गोयमा ! झल्लरिसंठाणसंठिए पण्णत्ते ।
२४. सोहम्मगदेवाणं पुच्छा। गोयमा ! उद्धमुइंगागारसंठिए' पण्णत्ते । एवं जाव अच्चुयदेवाणं पुच्छा ॥
२५. गेवेज्जगदेवाणं पुच्छा । गोयमा ! पुप्फचंगेरिसंठिए पण्णत्ते ॥
२६. अणुत्तरोववाइयाणं पुच्छा। गोयमा ! जवणालियासंठिए ओही पण्णत्ते ॥ ओडिभितर-बाहिर-पदं
२७. णेरइया णं भंते ! ओहिस्स किं अंतो? बाहिं ? गोयमा ! अंतो, नो बाहिं । एवं जाव थणियकुमारा॥
२८. पंचेंदियतिरिक्खजोणियाणं पुच्छा । गोयमा ! णो अंतो, बाहिं । २६. मणूसाणं पुच्छा । गोयमा ! अंतो वि बाहिं पि॥
३०. वाणमंतर-जोइसिय-वेमाणियाणं जहा णेरइयाणं ॥ देस-सव्वोहि-पदं
३१. णेरइया णं भंते ! किं देसोही ? सव्वोही ? गोयमा ! देसोही, णो सव्वोही। एवं जाव थणियकुमाराणं ॥
३२. पंचेंदियतिरिक्खजोणियाणं पुच्छा । गोयमा ! देसोही, णो सव्वोही॥ ३३. मणूसाणं पुच्छा । गोयमा ! देसोही वि सव्वोही वि॥
३४. वाणमंतर-जोतिसिय-वेमाणियाणं जहा णेरइयाणं ॥ ओहिस्स खयवुड्ढिआदि-पदं
३५. णेरइयाणं भंते ! ओही कि आणुगामिए अणाणुगामिए ? वड्ढमाणए हायमाणए ? पडिवाई अपडिवाई ? अवट्ठिए अणवट्ठिए ? गोयमा ! आणुगामिए, नो अणाणुगामिए नो वड्ढमाणए णो हायमाणए णो पडिवाई, अपडिवाई अवट्ठिए, णो अणवट्ठिए। एवं जाव थणियकुमाराणं ॥
३६. पंचेंदियतिरिक्खजोणियाणं पुच्छा । गोयमा ! आणुगामिए वि जाव अणवट्ठिए वि। एवं मणूसाण वि॥
३७. वाणमंतर-जोतिसिय-वेमाणियाणं जहा णेरइयाणं ॥
१. उड्ढ०.(पु)।
Jain Education International
For Private & Personal Use Only
www.jainelibrary.org
