________________
गाहा -
तेत्तीसइमं ओहिपयं
१ भेद २ विसय ३ संठाणे, ४ अब्भितर - बाहिरे य ५ देसोही । ६ ओहिस्स य खय- बुड्डी, ७ पडिवाई चेवऽपडिवाई' ॥१॥
ओहिभेय-पदं
१. कतिविहा णं भंते ! ओही पण्णत्ता ? गोयमा ! दुविहा ओही पण्णत्ता, तं जहा - भवपच्चइया य खओवसमिया य । दोहं भवपच्चइया, तं जहा- देवाण य रइयाण य । दोहं खओवसमिया, तं जहा - मणूसाणं पंचेंदियतिरिक्खजोणियाण य ।। ओहिविसय-पदं
२. णेरइया णं भंते ! केवतियं खेत्तं ओहिणा जाणंति पासंति ? गोयमा ! जहणेणं अद्धगाउयं, उक्कोसेणं चत्तारि गाउयाइं ओहिणा जाणंति पासंति ॥
३. रयणप्पभापुढविणेरइया णं भंते! केवतियं खेत्तं ओहिणा जाणंति पासंति ? गोयमा ! जहणेणं अट्ठाई गाउयाई, उक्कोसेणं चत्तारि गाउयाइं ओहिणा जाणंति पासंति ॥
४. सक्करप्पभापुढविणेरइया जहण्णेणं तिण्णि गाउयाई, उक्कोसेणं अद्धट्ठाई गाउयाई ओहिणा जाणंति पासंति ॥
५. वालुयप्पभापुढविणेरइया जहणणेणं अड्डाइज्जाई गाउयाई, उक्कोसेणं तिण्णि गाउयाई ओहिणा जाणंति पासंति ॥
६. पंकप्पभापुढविणेरइया जहणणेणं दोण्णि गाउयाई, उक्कोसेणं अड्डाइज्जाई गाउयाई ओहिणा जाणंति पासंति ॥
७. धूमप्पभापुढविणे रइयाणं पुच्छा । गोयमा ! जहण्णेणं दिवड्ढ गाउयं, उक्कोसेणं दो गाउयाइं ओहिणा जाणंति पासंति ॥
Jain Education International
८. तमापुढवीए पुच्छा। गोयमा ! जहणणेणं गाउयं, उक्कोसेणं दिवड्ढं गाउयं ओहिणा जाणंति पसंति ॥
६. अहेसत्तमाए पुच्छा । गोयमा ! जहण्णेणं अद्धगाउयं, उक्कोसेणं गाउयं ओहिणा
१. अपडिवादी (क,घ ) ; अपडिवाई ( ख, ग ) ।
३३२
For Private & Personal Use Only
www.jainelibrary.org
