Page Text
________________
३२०
अाहारा
॥
१०६. रइयाणं पुच्छा । गोयमा ! सव्वे वि ताव होज्जा आहारगा १ अहवा आहारगा य अणाहारगे य २ अहवा आहारगा य अणाहारगा य ३ । एवं जाव वेमाणिया, णवरं - एगिदिया जहा जीवा ॥
११०. सिद्धाणं पुच्छा । गोयमा ! णो आहारगा, अणाहारगा ॥
भवियदारे आहारगादि-पदं
१११. भवसिद्धिए णं भंते ! जीवे कि आहारए ? अणाहारए ? गोयमा ! सिय आहारए सिए अणाहारए । एवं जाव वेमाणिए ॥
११२. भवसिद्धिया णं भंते ! जीवा कि आहारगा ? अणाहारगा ? गोयमा ! जीवेगिदियवज्जो तियभंगो । अभवसिद्धिए वि एवं चेव ।।
११३. णोभवसिद्धिए - णोअभवसिद्धिए णं भंते ! जीवे कि आहारए ? अणाहारए ? गोयमा ! णो आहारए, अणाहारए। एवं सिद्धे वि ॥
११४. णोभवसिद्धिया-णोअभवसिद्धिया णं भंते ! जीवा कि आहारगा ? अणाहारगा ? गोमा ! णो आहरगा, अणाहारगा । एवं सिद्धा वि ॥
सष्णिदारे आहारगादि-पदं
११५. सण्णी णं भंते ! जीवे कि आहारगे ? अणाहारगे ? गोयमा ! सिय आहारगे यि अणाहारगे । एवं जाव वेमाणिए, णवरं - एगिदिय - विगलिंदिया ण पुच्छिज्जति ॥ ११६. सण्णी णं भंते ! जीवा कि आहारगा ? अणाहारगा ? गोयमा ! जीवाईओ तियभंगो जाव वेमाणिया ||
११७. अण्णी णं भंते ! जीवे कि आहारए ? अणाहारए ? गोयमा ! सिय आहारए सिय अणाहारए । एवं णेरइए जाव वाणमंतरे' । जोइसिय- वेमाणिया ण पुच्छिज्जति ॥ ११. अण्णी णं भंते ! जीवा कि आहारगा ? अणाहारगा ? गोयमा ! आहारगा वि अणाहारगा वि, एगो भंगो ॥
११६. असण्णी णं भंते ! णेरइया कि आहारगा ? अणाहारगा ? गोयमा ! आहारगा वा १ अणाहारगा वा २ अहवा आहारए य अणाहारए य ३ अहवा आहारए य अणाहारगा य ४ अहवा आहारगा य अणाहारगे य ५ अहवा आहारगा य अणाहारगाय ६, एवं एते छब्भंगा । एवं जाव थणियकुमारा । एगिदिए अभंगयं । बेइंदिय जाव पंचेंदियतिरिक्खजोणीएसु तियभंगो । मणूस - वाणमंतरेसु छब्भंगा ॥
१२०. पोसण्णी - णोअसण्णी णं भंते! जीवे किं आहारए ? अणाहारए ? गोयमा ! far आहारए सिय अणाहारए । एवं मणूसे वि । सिद्धे अणाहारए ||
१२१. पुहत्तेणं णोसण्णी - णोअसण्णी जीवा आहारगा वि अणाहारगा वि । मणूसेसु तियभंगो | सिद्धा अणाहारंगा ॥
१. प्रयुक्तेषु सर्वेष्वादर्शेषु 'णवरं' इति पदमस्ति । मलयगिरिणा एतत्पदं नास्ति व्याख्यातम् न च
पणवणा
Jain Education International
उपयुक्तमस्ति ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |