Page Text
________________
तेवीसइमं कम्मपगडिपयं
२६१ ४०. जाइणामे णं भंते ! कम्मे "कतिविहे पण्णत्ते ?° गोयमा ! पंचविहे पण्णत्ते, तं जहा-एगिदियजाइणामे जाव पंचेंदियजाइणामे ॥
४१. सरीरणामे णं भंते ! कम्मे कतिविहे पण्णत्ते ? गोयमा ! पंचविहे पण्णत्ते, तं जहा-ओरालियसरीरणामे जाव कम्मगसरीरणामे ।।
४२. सरीरंगोवंगणामे णं भंते ! कतिविहे पण्णत्ते ? गोयमा ! तिविहे पण्णत्ते, तं जहा-ओरालियसरीरंगोवंगणामे वेउव्वियसरीरंगोवंगणामे आहारगसरीरंगोवंगणामे ॥
४३. सरीरबंधणणामे णं भंते ! कतिविहे पण्णत्ते? गोयमा ! पंचविहे पण्णत्ते, तं जहा-ओरालियसरीरबंधणणामे जाव कम्मगसरीरबंधणणामे ॥
४४. सरीरसंघायणामे णं भंते ! कतिविहे पण्णत्ते ? गोयमा! पंचविहे पण्णत्ते, तं जहा- ओरालियसरीरसंघातणामे जाव कम्मगसरीरसंघायणामे ।।
४५. संघयणणामे णं भंते ! कतिविहे पण्णत्ते ? गोयमा! छविहे पण्णत्ते, तं जहावइरोसभणारायसंघयणणामे उसभणारायसंघयणणामे णारायसंघयणणामे अद्धणारायसंघयणणामे खीलियासंघयणणामे छेवट्टसंघयणणामे' ।।
४६. संठाणणामे णं भंते ! कतिविहे पण्णत्ते ? गोयमा ! छविहे पण्णत्ते, तं जहासमचउरंससंठाणणामे णग्गोहपरिमंडलसंठाणणामे सातिसंठाणणामे 'वामणसंठाणणामे खुज्जसंठाणणामे" हुंडसंठाणणामे ॥
४७. वण्णणामे णं भंते ! कम्मे कतिविहे पण्णत्ते ? गोयमा ! पंचविहे पण्णत्ते, तं जहा-कालवण्णणामे जाव सुक्किलवण्णणामे ।।
- ४८. गंधणामे णं भंते ! कम्मे पुच्छा। गोयमा ! दुविहे पण्णत्ते, तं जहा-सुरभिगंधणामे दुरभिगंधणामे ॥
४६. रसणामे णं पुच्छा। गोयमा ! पंचविहे पण्णत्ते, तं जहा-तित्तरसणामे जाव महररसणामे ॥
५०. फासणामे णं पुच्छा। गोयमा ! अट्ठविहे पण्णत्ते, तं जहा-कक्खडफासणामे जाव लुक्खफासणामे ॥
५१. अगुरुलहुअणामे एगागारे पण्णत्ते ।। ५२. उवघायणामे एगागारे पण्णत्ते ॥ ५३. पराघायणामे एगागारे पण्णत्ते ॥
५४. आणुपुविणामे चउविहे पण्णत्ते, तं जहा-णेरइयाणुपुविणामे जाव देवाणुपुविणामे ॥
५५. उस्सासणामे एगागारे पण्णत्ते ॥ ५६. सेसाणि सव्वाणि एगागाराइं पण्णत्ताई जाव तित्थगरणामे, णवरं-विहायगति
१. सं० पा०—पुच्छा। २. कीलिया' (क, ख, ग)। ३. छेवट्ठ (ख, घ)।
४. णिग्गोह° (ख)। ५. खुज्जे वामणे (ठाणं ६।३१)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |