Page Text
________________
२८०
पण्णवणासुतं
६८. जस्स णं भंते ! जीवस्स आरंभिया किरिया कज्जति तस्स मायावत्तिया किरिया कज्जइ पुच्छा । गोयमा ! जस्स णं जीवस्स आरंभिया किरिया कज्जइ तस्स मायावत्तिया किरिया णियमा कज्जइ, जस्स पुण मायावत्तिया किरिया कज्जइ तस्स आरंभिया किरिया सिय कज्जइ सिय णो कज्जइ॥
६६. जस्स णं भंते ! जीवस्स आरंभिया किरिया कज्जइ तस्स अप्पच्चक्खाणकिरिया कज्जइ पुच्छा । गोयमा ! जस्स णं जीवस्स आरंभिया किरिया कज्जइ तस्स अप्पच्चक्खाणकिरिया सिय कज्जइ सिय णो कज्जइ, जस्स पुण अप्पच्चक्खाणकिरिया कज्जति तस्स आरंभिया किरिया णियमा कज्जति । एवं मिच्छादसणवत्तियाए वि समं ॥
७०. एवं परिग्गहिया वि तिहि उवरिल्लाहि सम चारेयव्वा ॥
७१. जस्स मायावत्तिया किरिया कज्जति तस्स उवरिल्लाओ दो वि सिय कज्जंति सिय णो कज्जति, जस्स उवरिल्लाओ दो कज्जति तस्स मायावत्तिया णियमा कज्जति ।।
७२. जस्स अपच्चक्खाणकिरिया कज्जति तस्स मिच्छादसणवत्तिया किरिया सिय कज्जइ सिय णो कज्जइ, जस्स पुण मिच्छादसणवत्तिया किरिया कज्जति तस्स अपच्चक्खाणकिरिया णियमा कज्जति ।।
७३. णेरडयस्स आइल्लियाओ चत्तारि परोप्परं णियमा कज्जति, जस्स एताओ चत्तारि कज्जति तस्स मिच्छादसणवत्तिया किरिया भइज्जति, जस्स पुण मिच्छादसणवत्तिया किरिया कज्जति तस्स एयाओ चत्तारि णियमा कज्जति । एवं जाव थणियकुमारस्स । पुढविक्काइयस्स जाव चउरिदियस्स पंच वि परोप्परं णियमा कज्जति ।।
७४. पंचेंदियतिरिक्खजोणियस्स आइल्लियाओ तिण्णि वि परोप्परं णियमा कज्जति, जस्स एयाओ कज्जति तस्स उवरिल्लाओ दो भइज्जति, जस्स उवरिल्लाओ दोणि कज्जंति तस्स एताओ तिण्णि वि' णियमा कज्जति; जस्स अपच्चक्खाणकिरिया तस्स मिच्छादसणवत्तिया सिय कज्जति सिय णो कज्जति, जस्स पूण मिच्छादसणवत्तिया किरिया कज्जति तस्स अप्पच्चक्खाणकिरिया णियमा कज्जति ॥
७५. मणसस्स जहा जीवस्स । वाणमंतर-जोतिसिय-वेमाणियस्स जहा णेरइयस्स ।।
७६. जं समयं णं भंते ! जीवस्स आरंभिया किरिया कज्जति तं समयं परिग्गहिया किरिया कज्जति ? एवं एते-जस्स, जं समयं, जं देसं, जं पदेसं णं-चत्तारि दंडगा णेयव्वा। जहा णेरइयाणं तहा सव्वदेवाणं णेयव्वं जाव वेमाणियाणं ॥ पावट्ठाणविरइ-पदं
७७. अत्थि णं भंते ! जीवाणं पाणाइवायवेरमणे कज्जति ? हंता ! अत्थि । ७८. कम्हि णं भंते ! जीवाणं पाणाइवायवेरमणे कज्जति ? गोयमा ! छसु जीव
णिकाएसु ।।
७९. अत्थि णं भंते ! णेरइयाणं पाणाइवायवेरमणे कज्जति ? गोयमा ! णो इणठे समठे । एवं जाव वेमाणियाणं, णवरं-मणूसाणं जहा जीवाणं ।
८०. एवं मुसावाएणं जाव मायामोसेणं जीवस्स य मणूसस्स य, सेसाणं णो इणठे
१. x (क,घ)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |